Obadja 1:12 - O Debleskro Lab 2024 (Sinte-Manouche)

¹² Tou, Edom, ma dik bouder tele ap tiro phraleste, o Youda, an ko tsiro, kay leske djoungeles djal! Ma sa bouder pral leskre čavende an ko tsiro, kay lenge ropaske hi! Ma rake yaake pre-phourdo an ko tsiro, kay yon darenna!

O Debleskro Drom 2021 (Sinte)

¹² Tu, Edom, ma dik buder tele ap tiro phraleste, o Juda, an ko tsiro, kai leske djungeles djal! Ma sa buder pral leskre tchawende an ko tsiro, kai lenge ropaske hi! Ma rake jaake pre-phurdo an ko tsiro, kai jon darenna!

Obadja 1:12 ပူးပေါင်းရင်းမြစ်များ

Hiob 18:20

Te vell o dives, kay vell leskri phagi pral leste, lenn kolla traash, kay kote djivenn, kay o kham pre djal. Oun kolenge ačell o rakepen krik i daryatar, kay kote djivenn, kay o kham tele djal.

Hiob 31:29

Me vom gar barhtelo koy pral, har djas koleske djoungeles, kay mange čilačepen kamas. Vitar gar dom gole i barhtyatar, har vas i bibarht pral leste.

Debleskri gili 22:17

Čilače menshe čivan pen khetne oun djan troul mande, har djoukle, kay moukenn man gar vin te djal. Yon denn čourye an mire vasta oun an mire pire.

Debleskri gili 31:18

Baro Devel, mouk man gar čičeske gole te dell ap toute! Kre, te ladjenn pen i čilače! Yon mou djan tele oun merenn! Palle nay rakrenn le bouder gar,

Debleskri gili 35:15

Hi vavarčandes lentsa. Har me perom, stan le i barhtyatar, oun čivan pen khetne, te djan le ap mande pre. Depangre van, kay prindjrom gar, oun dan man dava oun moukan gar tele.

Debleskri gili 37:13

O baro Devel sal pral leste, yob dikell leskro dives te vell.

Debleskri gili 54:7

Tou deh kolen ko čilačepen pale, hoy yon kaman ap mande te anell. Sike mande, te hal mantsa, oun le len krik kay phoubyatar!

Debleskri gili 59:10

Tou hal miri zoor. Ap toute kamau me man te rikrell. Miro Devel, tou hal mange i zorelo kheer.

Debleskri gili 92:11

Man kral tou zorelo har i divyo gouroum, oun makal man nevo djeteha, hoy pral mande čoral.

Gosewe laba 17:5

Kova kay pral i čorveleste sal, kova praasell koles, kay les kras. Kova, kay barhtelo hi pral o vavareskri bibarht, savo lell peskri phagi.

Jesaja 37:24

Tire boudepangren bičral, te praasenn le man, oun penal: “Pral ap i berge mire vourdyentsa djom, oun dour dren an o Libanon vom. I bare oun shoukar rouka trouyel dom, oun an o divyo veesh bis ap o pralstunepen djom.

Ropaskre gilja 2:16

Halauter, kay ap toute čilačo hi, krenn pengro mouy dour pre pral toute, denn shol, oun sikrenn touke pengre danda. “Mer dam les khetne”, penenn le. “Ava, kava hi kava dives, kay mer kamam, te vell lo! Mer lam, hoy kamam.”

Ropaskre gilja 4:21

Ava, san t'menge oun khelenn, t'mer Edomarya an o them Ous! Pash t'mende vell ninna ko khoro pherdo o Debleskri rholi, hoy hounte piyenn, bis te venn mato oun rivenn t'men vin.

Ezekiel 35:12

Palle dikenn oun hayvenn t'mer, te shounom me o baro Devel, ko tselo djoungelo koova, hoy t'mer pral i berge Israel rakran, har t'mer penan: I berge Israel hi vi-meredo koy čiddo. Kanna hi le menge koy.

Ezekiel 35:15

Tou hals barhtelo, har vas o Israelengro them i moulo them. Doleske krau, te djal touke yaake har lenge djas. I berga Seir khetne o tselo them Edom vell i moulo them. Palle dikenn oun hayvenn i menshe, te hom me o baro Devel.

Ezekiel 36:5

Doleske penell o baro Devel, maro ray: Čačepah, an miri tati rholi rakrom me i phagi vin pral i menshende an o them Edom oun an i themma troul t'mende, kolla miro them penge lan, te randenn le les vin. Koy pashel san le pen moulo pral t'mende, te djas t'menge yaake, oun praasan t'men.

Micha 4:11

Kanna shoun Yerusalem, lourde dran boud themma krenn pen khetne, te djan le ap toute pre Yon penenn: Nashedo hi kava foro. Dikas, har lo tele djal!

Louka 19:41

Oun har o Yezous pash o foro Yerusalem vas, rovas lo pral i menshende an kava foro,

Jakobo 3:5

Yaake hi ninna mari čip tikno oun krell nay bare laba. T'mer djinenna, i tikni yag nay rhačrell i tselo veesh tele.

2. Petro 2:18

Yon rakrenn bare laba, kay či moldo hi. Lengro vi-ladjedo djipen tserdell kolen ap o čilačo drom, kay dan glan i tikno tsiro pengro phouro djipen pre.

Judas 1:16

Kolla hi save menshe, kolenge kova gar mishto doha hi, hoy o Devel len das. Oun yon rhoyrenn pen, kay lenge gar feteder djal. Yon djivenn pal pengro shero. Yon hi sharede, kay rakrenn shoukar labentsa i menshentsa, te lenn le lendar lačo koova.

Debleskro tsiro 13:5

Oun o firho rakras oun phourdas pes pre oun praasas o Debles. Star-deesh-te-douy (42) čonna nay kras o firho kova.

1. Samuel 2:3

Moukenn tele t'maro sharepah! Ma krenn t'men bares! Moukenn bouder kek pre-phourde laba dran t'maro mouy vin! O baro Devel hi i Devel, kay kova djinell. Oun kova, hoy i menshe krenna, lell yob an o yak oun penell, hoy kova molella.