Nehemia 6:16 - O Debleskro Lab 2024 (Sinte-Manouche)

¹⁶ Har shounan kova kolla lauter, kay menge čilačepen kaman, trashan i menshe an i tsele themma, hoy troul mende hi. Oun lengro pre-phourdepen djas krik. Oun yon hayvan, te his maro Devel pal koy boudi tardo.

O Debleskro Drom 2021 (Sinte)

¹⁶ Har shunan kowa kolla lauter, kai menge tchilatchepen kaman, trashan i menshe an i tsele themma, hoi trul mende hi. Un lengro pre-phurdepen djas krik. Un jon haiwan, te his maro Dewel pal koi budi tardo.

Nehemia 6:16 ပူးပေါင်းရင်းမြစ်များ

Nehemia 2:10

Oun har shounan kova o Sanballat, ko Horonari, oun leskro boudepaskro, ko Ammonari o Tobiya, van le an bari rholi, te vas yek, kay kamas i Israelenge lačepen te krell.

Nehemia 4:1

Oun i boudi ap o foreskri massouri djas mishto doureder, oun kol kotya, kay i barra gomme vin phagedo his, van pale neves kerdo. Har shounas kova o Sanballat oun o Tobiya, ninna kol menshe dran Arabia, dran Ammon oun dran Ashdod, koy tapras len bari rholi.

Nehemia 4:7

Doleske čivom me i morshen kote pash i massouri pre, kay i barra gomme vin phagedo his. Oun me čivom len yaake pre, te hi hako kopo kolla dran yek bari familya khetne tardo. Oun len his pengre rhare oun vitsepangre čourya oun boge pash pende.

Nehemia 6:17

An kol divessa činan boud pralstoune dran Youda lila ap o Tobiya, oun lila lestar djan ap lende.

Debleskri gili 109:27

Mouk len te dikell, te kreh tou kova, te vell kova lauter toutar.

Debleskri gili 126:2

Kote sanas maro mouy, oun mari čip das gole i barhtyatar, oun pash i tsele vavar menshende penan le: “O baro Devel kras baro koova ap lende.”

Debleskri gili 129:5

Kolla, kay rhoyrenn pen ap o foro Yerusalem, kamoms, te tserdenn le pen pale oun hounte ladjenn pen!

Debleskri gili 147:2

O baro Devel čivella Yerusalem pale pre, oun lauteren, kay krik tradedo van, anell yob pale khetne.

2. Mose 14:25

Lengre vourdya ačan an i čik yaake te van le phares glan. Oun i Egiptarya penan: “O baro Devel kourell pes lenge oun hi ap lengri rig. Djas menge katar!”

Jeremia 33:9

Palle vell o foro Yerusalem mange i foro, pral koleste barhtelo hom. I menshe an i tsele themma sharenn man, oun hadenn man, te shounenn le ko tselo lačo koova, hoy me o foreske Yerusalem krau. Lenge ačell o rakepen krik, oun yon krenn bare yaka, te dikenn le ko tselo lačepen oun koy tseli barht, hoy dau kava foreske.

4. Mose 23:23

Koy hi kek dourkepen, hoy rakreh nay vin pral o Israel, vitar kek bengeskro koova, hoy nay krals tou o Yakobeskre menshentsa. Pral lende vell penlo: Dikenn, havo baro koova o Devel lenge kras!

Bičepangre 5:38

Oun kanna penau me t'menge: Moukenn t'mare vasta kal menshendar! Moukenn len te djal! Te hi ko koova i menshendar, palle ačella ko koova gar.

Josua 2:11

Oun har kova shounam, vas bari traash ap mende, oun an kekeste mendar ačas i zoor, te djal lo pre ap t'mende. O baro Devel hi t'maro Devel, oun hi o Devel pral an o bolepen oun kate tele ap i phoub.

Josua 2:9

oun penas ap lende: “Me hayvom, te das o baro Devel t'men kava them. I bari traash glan t'mende peras ap mende. Oun hakeno, kay kate djivell, hi har bango daryatar glan t'mende.

Josua 5:1

Oun i tsele bare raya pral i Amorarya, kay ap koy rig o panyestar Yordan djivan, kay o kham tele djal, ninna i tsele bare raya pral i Kanaanitarya, kay pash o Baro Pani djivan, kolla halauter shounan, har las o baro Devel o pani dran o Yordan krik glan i Israelitarya, bis te yon halauter ap i vavar rig his. Oun har yon kova shounan, vas bari traash ap lende, oun an kekeste ačas i zoor te djal lo pre ap i Israelitarya.