Nehemia 1:6 - O Debleskro Lab 2024 (Sinte-Manouche)

⁶ Dik lačes ap mande, tiro boudepaskro, oun shoun, hoy toutar mangau. Dives oun rati mangau i Israelenge, tire boudepangre. Oun o čilačepen, hoy mer ap toute kram, anau me pash toute: Me oun miro dadeskro kheer anam ninna doosh ap mende.

O Debleskro Drom 2021 (Sinte)

⁶ Dik latches ap mande, tiro budepaskro, un shun, hoi tutar mangau. Diwes un rati mangau i Israelenge, tire budepangre. Un o tchilatchepen, hoi mer ap tute kram, anau me pash tute: Me un miro dadeskro kheer anam ninna doosh ap mende.

Nehemia 1:6 ပူးပေါင်းရင်းမြစ်များ

1. Rajengro liil 8:30

Shoun miro mangepen oun ninna ko mangepen tire menshendar Israel, te denn le gole ap toute kay ap kava kotar phoub. Oun tou te shouneh les an tiro kheer an o bolepen, palle ab kamles, oun le koy doosh mendar krik.

1. Rajengro liil 8:47

Oun te lenn tire menshe les penge ap o dji an ko vavar them, kay yon pandle hi, oun yon kamenn pale tiro drom te djal oun mangenn pen tele glan toute oun penenna: “Mer anam doosh ap mende oun kram čilačepen oun moukam tiro drom.”

2. Familjakro liil 28:10

Oun kanna kamenn t'mer ninna kol pandlen dran o them Youda oun o foro Yerusalem tel t'mare pire te čivell, te venn le t'mare boudepangre. Patsenn t'mer, kay anenn kava koveha kek doosh ap t'mende glan t'maro baro Debleste?

2. Familjakro liil 29:6

Mare phoure moukan o baro Debleskro drom, oun kran, hoy glan i yaka maro Deblestar gar mishto hi, oun djivan bouder gar leha, oun sikran leske oun leskro khereske o doumo.

2. Familjakro liil 6:40

Kanna, miro Devel, dik hako tsiro lačes ap mende, oun shoun maro mangepen, hoy kate mangah!

Esra 10:1

Oun har o Esra glan o Debleskro kheer ap peskre čanga čiddo his, oun ropah o Debleha rakras oun koy tseli doosh vin rakras, van boud menshe dran Israel troul leste trouyel, morsha, djouvya oun čave; oun yon halauter rovan zoreles.

Esra 10:11

Oun kanna, penenn t'mari doosh leske, ko baro Debleske t'mare phourendar! Oun krenn, hoy yob kamella, oun rikrenn t'men pale kol vavar menshendar, oun bičrenn t'mare romyen, kay lendar hi, t'mendar krik!”

Nehemia 1:11

Ah ray, shoun ap miro mangepen oun ap o mangepen kolendar, kay ninna tire boudepangre hi, kay mangenn tout o djiyestar an. Yaake mouk kova mishto te djal, hoy man glan hi, oun kre, te dikell o baro ray, o Artaxerxes, lačes ap mande.” An ko tsiro homs ko morsh, dran koleskro vast o pipen o baro rayeske vas.

Debleskri gili 102:17

O baro Devel čivell o foro Sion pale pre, oun moukell pes te dikell an peskro raylepen.

Debleskri gili 106:6

Mer anam doosh ap mende yaake har mare phoure, oun kram gar, hoy čačo hi. Na-a, mer kram čilačo koova.

Debleskri gili 130:2

Miro ray, shoun man! Shoun, har ap toute rovau!

Debleskri gili 32:5

Doleske penom me touke miri doosh, oun khatrom gar o čilačepen, hoy me krom. Me penom mange: “Me kamau o baro Debleske ko čilačepen te penell, hoy krom.” Oun tou lal miri doosh mandar krik.

Debleskri gili 34:15

Rikrenn t'men pale dran o čilačepen oun krenn o lačepen! T'mari tseli zoryah krenn lauter, te vell kek čingepen mank t'mende!

Debleskri gili 55:17

Me dau ap miro Debleste gole. Oun o baro Devel lell man vin dran lengre vasta.

Debleskri gili 88:1

I gili o rayeske pral i gipangre, te givell har koy gili Mahalat Leannoth. Kay gili kras yek dran i familya Korah. O Heman dran i familya Esra činas kal laba.

Jesaja 6:5

Oun me penom: “Kanna hounte merap! Me hom i morsh, dran koleskro mouy savo rakepen djas, te nay vau me gar glan o Debleste. Oun me djivau mank menshende, dran kolengre mouya ninna savo rakepen djal. Oun mire yakentsa dikom o baro rayes, les, o baro Debles, kay hi o ray pral o bolepen oun i phoub.”

Ropaskre gilja 5:7

Mare phoure anan doosh ap pende, oun djivenn bouder gar. Mer kitse kay ham, hounte hidjras lengri tseli doosh.

Daniel 9:15

Maro ray oun Devel, tou sikral tiri zoor, har anal tire menshen vin dran o them Egiptia, oun kral tiro lab bares bis kava dives. Mer anam doosh ap mende. Mer kram čilačo koova.

Daniel 9:20

Oun har me yaake miro baro Debleha rakrom, oun man tele mangom, oun leske miri doosh oun i doosh mire menshendar Israel penom, oun me glan leste troul o Debleskri berga rovom,

Daniel 9:4

Oun me rakrom ap miro baro Debleste oun mangom man tele, oun penom: Ah, miro ray, tou hal o baro Devel oun mer sharah tout. Tou rikreh tiro lab, hoy kolenge dal, kay kamenn tout o djiyestar oun rikrenn tire laba. Oun hal lenge lačes.

Daniel 9:5

Mer anam bari doosh ap mende, kram, hoy gar mishto hi, ačam gar touha oun moukam tiro drom. Mer djivam gar pal tire laba oun pal tiro čačepen.

Daniel 9:8

Ava, baro Devel, mer hounte ladjas men, mer, mare raya, mare pralstoune oun mare phoure, te kram čilačo koova ap toute.

Louka 18:7

Har boud feteder hi o Devel! Patsenn t'mer gar, te vell lo ap i rig peskre vi-rodede menshendar, kay dives oun rati ap leste gole denna? Ava, yob vell ap lengri rig oun dell len lengro čačepen. Lell lo pes boud tsiro, te vell lo ap lengri rig?

Louka 2:37

Palle meras lakro rom. Oun kanna his li orhta-deesh-te-star bersha phouro. Oun yoy his o tselo dives oun i tseli rati an o Debleskro baro kheer, te mangell li o Debles an. Oun boud kope rhas oun piyas li či o Debleske.

Efesarja 2:3

His i tsiro, kay djivam mer halauter har yon, oun kram o čilačepen, hoy an mende hi. Mer kram, hoy mer kamam, oun hoy menge an o shero vas. Oun o Debleskri rholi his ninna pral mende har pral kol vavar menshende.

1. Timoteo 5:5

I patsli djouvel, kay hi lat bouder kek rom, vitar kek vavar menshe, kolake hounte venn t'mer koy. Koya dikell ap o Debleste kokres oun mangell lestar, te dell lo lat doha djipaske. Yoy mangell les i tselo djiyestar o dives oun i rati, oun moukell gar tele.

2. Timoteo 1:3

Hako dives oun haki rati moukau gar tele, te parkrap man pash o Debleste touke, oun te mangap o Debles touke. Yob hi kova, koleske boudrau me o djoudjo djiyeha, yaake har ninna mire phoure kova kran.

1. Johanni 1:9

Mer te mangah men tele glan o Debleste, oun penah leske, havi doosh mer ap mende lam, palle krell lo, hoy yob penas oun lell i doosh mendar krik. Yob hi lačo oun čačo oun thovell o tselo čilačepen mendar tele.

1. Samuel 15:11

“Man doukella, te čivom me o Saules pral o Israel, te vell lo lengro baro ray. Yob sikras mange o doumo, oun kras gar, hoy me leske penom.” Kova doukas o Samueles an o dji, oun yob das i tseli rat ap o baro Debleste gole.