Mateo 9:28 - O Debleskro Lab 2024 (Sinte-Manouche)

²⁸ Oun har yob an o kheer djas, van i douy korele pash leste. Oun o Yezous penas ap lende: “Patsenn t'mer, te nay krau kova?” Koy penan le: “Ava, ray.”

O Debleskro Drom 2021 (Sinte)

²⁸ Un har job an o kheer djas, wan i dui korele pash leste. Un o Jesus penas ap lende: “Patsenn tumer, te nai krau kowa?” Koi penan le: “Awa, rai.”

Mateo 9:28 ပူးပေါင်းရင်းမြစ်များ

1. Rajengro liil 17:16

Ko yarro an i piri djas gar vin, oun an o khoro his doha djet, yaake har o baro Devel ap o Eliya penas, oun yob i djouvyake penas.

Mateo 13:1

Pal i tsiro djas o Yezous dran o kheer, oun beshas pes pash o baro pani.

Mateo 13:36

Oun o Yezous bičras kol tsele menshen khere, oun djas an o kheer. Kote van leskre mala pash leste, oun poučan lestar: “Hoy sikrell men ko lab pral o djoungelo zenlepen, hoy ap o kotar them baro vas?”

Mateo 13:58

Oun yon patsan gar ap leste. Doleske kras yob gar boud baro koova an o Debleskri zoor.

Mateo 8:14

Oun o Yezous djas an o Petreskro kheer. Kote dikas lo koleskri romyakri day. Yoy his ap o čiben čiddo oun lakro shero his tato.

Mateo 8:2

Kote vas i morsh pash leste. Koles his i djoungelo nasslepen ap peskro mass. Oun yob vitsras pes glan o Yezouseste tele ap i phoub, oun mangas lestar: “Ray, te kameh tou, nay kreh man sasto.”

Mateo 9:22

Oun o Yezous rissras pes trouyel, dikas lat, oun penas ap late: “Romniya ma traash! Tiro patsepen kras tout sasto.” Oun ap kava tsiro vas koy djouvel sasto.

Mateo 9:27

Oun o Yezous djas doureder. Oun douy korele morsha djan leske palla. Kolla dan gole: “Davideskro čavo, kre men sasto!”

Mateo 9:29

Palle čivas lo peskro vast ap lengre yaka, oun penas: “Yaake har t'mer patsan, yaake han t'mer kanna sasto.”

Johanni 11:26

Koon djivella oun patsell ap mande, kova merell bouder gar. Patseh tou kova?”

Johanni 11:40

Penas o Yezous ap late: “Penom me touke gar: Te patseh tou, dikeh tou o Debleskri bari zoor?”

Bičepangre 14:9

Kova shounas, hoy o Paulo rakras. Oun har o Paulo hayvas, kay yob patsella, kay o Yezous nay krell les sasto, dikas lo ap leste,