Mateo 7:16 - O Debleskro Lab 2024 (Sinte-Manouche)

¹⁶ Ap kova, hoy yon krenna, dikenn t'mer, har yon hi. Ap i soubyengro rouk venna kek drake baro. Vitar gar venna fayge baro ap soubyengre bourra.

O Debleskro Drom 2021 (Sinte)

¹⁶ Ap kowa, hoi jon krenna, dikenn tumer, har jon hi. Ap i subjengro ruk wenna kek drake baro. Witar gar wenna faige baro ap subjengre burra.

Mateo 7:16 ပူးပေါင်းရင်းမြစ်များ

Gosewe laba 20:11

An kova, hoy i tikno čavo krell, moukell pes te dikell, har yob vella: i morsh, kay djivell i djoudjo djipen oun djal o čačo drom oder gar.

Mateo 12:33

Te hi t'men i lačo phabyengro rouk, hi t'men ninna lače phabya. Te hi t'men i phabyengro rouk, kay gar lačo hi, hi t'men ninna phabya, kay gar lačo hi. Ap kova, hoy o roukestar vella, dikenn t'mer, har ko rouk hi.

Mateo 7:20

Ap kova, hoy dran lende vella, dikenna, har yon hi.

Galatarja 5:22

Kones hi o Debleskro Dourho an peskro dji, dran koleste vella lačepen: Les vell o Debleskro kamlepen oun barht an o dji. Yob kamell kek čingepen. Yob rikrell lauter vin. Yob hi lačes ap i vavarende. Les hi i baro dji i vavarenge. Kova, hoy yob penell, ap kova rikrell pes yob.

Jakobo 2:18

Kanna nay vell yek, kay penella: “Yekes hi patsepen oun i vavar krell lačo koova.” Koleske penau me: Sike mande o patsepen kolestar, kay krell kek lačo koova. Miro patsepen sikrau toute dran kova, hoy me krau.

Jakobo 3:12

Mire phrala, i rouk, hoy hidjrella phabya, nay hidjrell kek brola. I rouk, kay hidjrell drake, nay hidjrell kek kiryasse. Yaake nay vell kek londo pani dran o lačo pani vin.

1. Samuel 24:13

O baro Devel mou vell o čačepaskro ray mank mende douyende! Yob dell tout pale, hoy tou ap mande kral! Miro vast taprell tout gar an!