Mateo 6:33 - O Debleskro Lab 2024 (Sinte-Manouche)

³³ Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

O Debleskro Drom 2021 (Sinte)

³³ Mukenn o Debles o rai pral tumende te well, un krenn lauter, hoi job kamella! Un o Dewel dell tumen lauter, hoi tumen hunte well djipaske.

Mateo 6:33 ပူးပေါင်းရင်းမြစ်များ

1. Rajengro liil 17:13

Kote penas o Eliya lake: “Ma traash! Dja koy oun kre, har tou penal! De yak, te kress mange i tikno maro, oun an les mange vin. Oun palle kre o maro touke oun tiro čaveske!

Debleskri gili 112:3

Lengre familye venn bravelo. Len hi lauter, hoy len hounte vell djipaske. Oun lengro čačepen ačell hako tsireske.

Debleskri gili 37:25

Me homs terno oun vom phouro. An ko tselo tsiro dikom me kekes kokres mouklo, kay an o čačepen tardo hi; oun kekes leskre čavendar dikom, kay hounte mangas peske maro.

Debleskri gili 37:3

Dik ap o baro Debleste, te krell lo touke lačepen! Oun kre, hoy mishto hi! Ač an o them, oun djib kolestar, hoy tire vastentsa boudral!

Gosewe laba 10:3

O baro Devel moukell i lačes gar te bokell. Krik pestar tradell lo ko čilačes, koles bok pral boud koova hi.

Gosewe laba 28:10

Kova, kay anell o Debleskre menshen ap i čilačo drom, kova perell kokres an i grouba. Kolla, kay kek doosh ap pende anan, lenna lačo koova.

Gosewe laba 8:18

Bravlepen oun barepen dau me, bravlepen, hoy ačella, oun o čačepen vell mandar.

Sikepaskro 10:2

O goseveske penell leskro dji, te krell lo, hoy čačo hi. O dineleske penell leskro dji, te krell lo, hoy gar čačo hi.

Jesaja 26:9

Ratsyake djal miro dji touke palla, o dourho an mande rodell tout taysarlake. Te kreh tou o čačepen vin ap i phoub, palle dikenn lauter, kay ap i phoub djivenn, hoy čačepen hi.

Jesaja 33:6

Oun t'mer menshe an Yerusalem, t'menge vell i tsiro, kay hounte darenn či. Boud barht oun gosvepen vell t'menge. T'mer djinenn, hoy t'menge mishto oun gar mishto hi, oun djivenn o baro Debleha. Yob hi t'maro bareder bravlepen.

Jesaja 45:24

oun penell mandar: “Kokres an o baro Debleste hi čačepen oun zoor.” Kolla, kay čingran ap mande, venna vi-ladjedo glan mande tardo.

Jeremia 23:6

An leskro tsiro vell o Youda vin lino dran i čilače vasta, oun o Israel nay djivell kek daryah. Oun i menshe denn les o lab o baro Devel krell men čačo.

Mateo 19:28

Penas o Yezous ap lende: “Čačepah, me penau t'menge: Ko tsiro vella, kay o Devel lauter neves krella. Ap ko tsiro hi o Mensheskro Čavo o ray pral lauterende, oun yob hi beshdo ap peskro rayeskro beshepaskro. Oun t'mer, kay mantsa djana, t'mer venn ninna raya, oun han beshdo ap deesh-te-douy rayeskre beshepangre, oun rakrenn o čačepen vin pral i tsele menshende, kay venna i deesh-te-douy Israeleskre čavendar.

Mateo 19:29

Oun hakeno, kay moukas peskro kheer, peskre phralen, peskre phenyen, peskro dades, peskri dat, peskre čaven oun peskro kotar them, te djal lo mantsa, kova lell sheel kope pale, hoy yob moukas. Oun o Devel dell les o djipen, hoy gar pre-herella.

Mateo 3:2

Oun yob penas i menshenge: “Moukenn t'maro čilačo drom, oun djan ap o Debleskro drom! O tsiro vell sik, kay lell o Devel i menshen dran o čilačepen vin.”

Mateo 4:17

Ap ko tsiro penas o Yezous ap i menshende: “Moukenn t'maro čilačo drom, oun djan ap o Debleskro drom! O tsiro vell sik, kay lell o Devel i menshen dran o čilačepen vin.”

Mateo 5:6

Barhtele hi kolla, kay kanna pal o čačepen bokenna oun troushenna. O Devel krell len čalo.

Louka 1:6

O Zakari oun i Elisabet his lačo an o Debleskre yaka. Oun yon shounan ap o Debleste, oun kran lauter, hoy an o Debleskro lab činlo his.

Louka 12:31

Dikenn koy pre, te krenn o Debleskri boudi! Oun yob dell t'men lauter, hoy t'men hounte vell djipaske.

Johanni 6:27

Ma djivenn o rhapaske, hoy paash djala! Djivenn yaake, te lenn ko djipen, hoy gar pre-herella! O Mensheskro Čavo kokres nay dell t'men kova. Yaake sikras o Devel, kay kova leskro čavo hi.”

Bičepangre 20:25

Me djom pash boud menshende oun penom lenge, te dell o Devel len pash peste gole, te lell lo len dran o čilačepen vin. Kanna shounenn: Me djinau, kay dikenn t'mer halauter man bouder gar pale.

Bičepangre 28:31

Yob rakras lentsa pral o Debleste oun pral o djipen, hoy i patsle khetne o Debleha djivenna. Oun yob penas lenge lauter, hoy maro ray, o Yezous Kristo lenge kras. Oun les his kek traash, te penell lo kova. Oun kek vas, kay penas, te nay krell lo kova gar.

Remarja 1:17

An kava lab sikrell o Devel, koon glan leste čačo hi: Kolla, kay patsenna oun denn pengro patsepen gar pre. Lengro čačepen vell dran o patsepen. Yaake hi kova činlo an o Debleskro lab: Kova, kay patsella, kova vell čačo glan o Debleste oun djivella.

Remarja 10:3

Yon hayvenn gar, har o Devel i menshen an o čačepen čivella. Oun yon djan ap pengro drom, oun djivenn pal pengro čačepen. Yaake krenn le gar, hoy o Devel lendar kamella.

Remarja 14:17

Kolla, kay o Devel o ray pral lende hi, kolla čingrenn gar pral kova, hoy yon rhana oun hoy yon piyenna. Na-a. Yon djivenn pal o čačepen, hoy o Deblestar vella oun čingrenn gar, oun o Debleskro Dourho dell len barht an o dji.

Remarja 8:31

Hoy te penas mer boudeder? O Devel hi ap mari rig! Koon nay krell menge i čilačepen? Kek!

1. Korintarja 1:30

O Devel kras, te van t'mer ap o Yezous Kristeskro drom. Kanna djinah, hoy čačepah gosvepen hi. O Yezous Kristo kras men čačo glan o Debleste. Yob rodas men vin, te vas leske koy, oun las mari doosh mendar krik.

1. Korintarja 3:22

o Paulo, o Apollo, o Kefas. Oun t'maro hi ninna: kay phoub, o djipen, o merepen, kova, hoy kanna hi, oun kova, hoy vella. Lauter hi t'maro.

2. Korintarja 5:21

O Devel čivas mari tseli doosh ap maro rayeste, o Yezous Kristeste, kay yob kek čilačepen kras, te vas mer čačo oun erligo glan o Debleskre yaka.

Filiparja 3:9

Leske kamau te djivell. Har djivom pal o Moseskre lila kras man kova gar čačo glan o Debleste. Na-a, miro patsepen ap o Yezous Kristeste kras man čačo glan o Debleste. Koon patsell ap o Yezous Kristeste, koles čivell o Devel an o čačepen.

2. Tessalonikarja 1:5

Ap kova lauter dikenn t'mer, kay djal o Devel pal o čačepen ap ko dives, kay rakrell lo o čačepen vin pral i menshende. T'mer, kay lan leske boud pharo koova ap t'mende, lell lo pash peste. T'mer han leske moldo, te djivenn leha khetne an o bolepen.

1. Timoteo 4:8

Te dikeh ap kova, te venn tire moussya oun herya zoreles, hi kova gar boud moldo. Te dikeh ap kova, te vell tiro patsepen zoreles, hi kova boud moldo, oun tou leh o čačo djipen. Ko djipen dell tout o Devel kanna ap kay phoub oun an ko tsiro, hoy vella.

2. Petro 1:1

Me, o Simon Petro, činau kava liil. Me boudrau o Yezous Kristeske oun hom leskro bičepaskro. Me činau ap lauterende, kay lan ninna ko patsepen har mer. Ko kouč patsepen, kay čivas men an o čačepen glan o Debleste, das men maro Devel oun o Yezous Kristo, kay las men dran o čilačepen vin.

2. Petro 1:11

Oun o Devel lell t'men lačes pash peste an o bolepen pre, kay hi maro ray, o Yezous Kristo, o ray hako tsiro, – yob, kay las men dran i tseli bibarht vin.