Mateo 25:32 - O Debleskro Lab 2024 (Sinte-Manouche)

³² Oun glan leste venn i tsele menshe dran hake themma khetne. Oun yob čivell len ap douy rigya, yaake har i bakrengro ray čivell i bakre ap yek rig oun i bouzya ap i vavar rig.

O Debleskro Drom 2021 (Sinte)

³² Un glan leste wenn i tsele menshe dran hake themma khetne. Un job tchiwell len ap dui rigja, jaake har i bakrengro rai tchiwell i bakre ap jek rig un i busja ap i wawar rig.

Mateo 25:32 ပူးပေါင်းရင်းမြစ်များ

Debleskri gili 1:5

Ap ko dives, kay i phagi vin penlo vella, nay ačenn i čilače gar tardo. Oun kolla, kay o Debleskro drom moukan, nay ačenn gar kote, kay kolla khetne venna, kay an o čačepen tardo hi.

Debleskri gili 78:52

Palle anas yob peskre menshen vin, oun djas glan lende har i bakrengro djal glan peskre bakre, oun sikras len o drom an o moulo tato them.

Debleskri gili 96:13

glan o baro Debleste. Yob vella. Ava, yob vella, oun anell o čačepen ap i phoub. Yob rakrell o čačepen vin pral i menshende an hake themma. Oun hi lengro čačepaskro ray, kay djal pal o čačepen.

Debleskri gili 98:9

glan o baro Debleste! Yob vella oun rakrell o čačepen vin pral i tseli phoub. Yob hi o čačepaskro ray pral i tsele themma, oun dell hakeneste pal kova, hoy lo kras.

Ezekiel 20:38

Kolen, kay mantsa phagan oun mandar tele peran, čivau ap i rig. Ninna te lau len vin dran kol themma, kay le vi-themarya his, vell kek lendar an o them Israel. Palle dikenn oun hayvenn t'mer, te hom me o baro Devel.

Maleachi 3:18

Palle dikenn t'mer pale, kay djal gar emliges kolenge, kay an o čačepen tardo hi oun kolenge, kay krenn o čilačepen. Djal vavarčandes koleske, kay mangell o Debles an, har koleske, kay mangell les gar an.

Mateo 13:49

Yaake djal kova ninna ap ko tsiro, kay o Debleskri harmenatsyona vella. I bolepangre venna, oun lenn kol čilačen mashkral i lačendar vin.

Mateo 28:19

Doleske djan pash i menshende an hake themma, oun penenn lenge mire laba, te patsenn le ap mande! Taufrenn len ap o lab o dadestar, o čavestar oun o Debleskro Dourho!

Mateo 3:12

Yob hi har i harho, kay rikrell i vitsepaskri an peskro vast, te vitsrell lo o djob pral, yaake te perell o phouss tele ap i phoub. Peskro djob anell lo an peskro djobeskro kheer dren. Oun o phouss rhačrell lo an i yag, hoy hako tsiro rhačella.”

Johanni 10:14

Me hom o lačo bakrengro oun prindjrau, koon mire bakre hi. Yon prindjrenn man,

Johanni 10:27

Mire bakre shounenn ap miro rakepen. Oun me prindjrau len. Oun yon djan mange palla.

Remarja 2:12

Kolla, kay kran o čilačepen, djan nashedo, ninna te prindjran le gar o Moseskre laba, kay penenn, har yon hounte djivenn. Oun lauter, kay prindjran kol laba oun kran o čilačepen, lenn ninna pengri phagi.

Remarja 2:16

Lauter kova, hoy an o mensheskro dji hi, vell diklo ap ko dives, kay hi o Yezous Kristo o čačepaskro ray oun rakrell o čačepen vin pral i menshende. Yaake penell les o Debleskro lab, hoy me i menshenge penau.

1. Korintarja 4:5

Dran kova penau, ma penenn yekestar: Kova krell peskri boudi gar mishto. Kanna hi gar o čačo tsiro, te rakrenn yaake. Ap ko dives, kay vell maro ray Yezous pale, sikrell lo halauteren, hoy kanna khatedo hi. Oun lauter, hoy an o dji dren hi, vell palle diklo. Oun palle vell hakeno sharedo o Deblestar pal koy boudi, hoy yob kras.

2. Korintarja 5:10

Ap ko dives, kay rakrell o Yezous Kristo o čačepen pral mende vin, hounte vas mer halauter glan leste tardo. Oun hakeno lell pal kova, hoy yob kras, har djivas lo ap i phoub: lačo koova har čilačo koova.

1. Samuel 2:10

Kolla, kay čingrenn ap baro Debleste, venn moulo dino. Dran o bolepen bičrell o Devel peskri rholi pral lende. O baro Devel dell i tseli phoubyat peskri phagi. Yob rodell koles vin, kay baro ray vell, oun dell les bari zoor.