Mateo 25:29 - O Debleskro Lab 2024 (Sinte-Manouche)

²⁹ Hakeno, kay hi les boud, kova lell boudeder. Yaake vell les boud bravlepen. Oun kova, kay hi les gar boud, kolestar vell ninna kova krik lino, hoy les hi.

O Debleskro Drom 2021 (Sinte)

²⁹ Hakeno, kai hi les bud, kowa lell budeder. Jaake well les bud brawlepen. Un kowa, kai hi les gar bud, kolestar well ninna kowa krik lino, hoi les hi.

Mateo 25:29 ပူးပေါင်းရင်းမြစ်များ

Ropaskre gilja 2:6

Yob phagas peskro kheer tele, har te vals lo i kashteno kheer an i baar, oun kras koy platsa paash, kay vam khetne glan leste. Yob kras, te vell bouder kek an o foro Sion ap i bare divessa oun ap o Debleskro dives. An peskri zoreli rholi čivas lo o baro rayes oun i rashayen pale.

Hosea 2:9

Oun te nashell li peskre pirnenge palla, oun nay lell len gar dren, oun te rodell li pal lende, oun nay hatsell len gar, palle penell li: “Me kamau pale pash miro ersto romeste te djal. An ko tsiro djas mange feteder har kanna.”

Mateo 13:12

Koon o Debleskro lab an peskro dji rikrella, kova hayvell les boud oun boudeder. Koon o Debleskro lab gar an peskro dji rikrella, koleske vell ninna kova krik lino, hoy yob patsell, te hi les.

Mateo 21:41

Penan le ap o Yezouseste: “Yob marell kol čilače morshen. Les khaytenn yon gar. Oun yob dell ko kotar them kol vavarende, kay leske i drake an o čačo tsiro dren anenna.”

Mateo 25:28

Oun palle penas o ray ap i vavarende, kay koy tardo hi: Lenn ko yek gono lestar, oun denn les koleste, kay hi les kolla vavar deesh gone!

Markus 4:25

Koon kova, hoy yob hayvas, an peskro dji rikrella, kova hayvell boud oun boudeder. Koon kova gar an peskro dji rikrella, kolestar vell ninna kova lino, hoy les hi.

Louka 10:42

Dell yek koova, hoy boud moldo hi, oun i Maria hatsas les. Kova vell latar gar krik lino.”

Louka 8:18

Denn yak, te shounenn t'mer ap o Debleskro lab! Koon o Debleskro lab an o dji rikrella, kova hayvell les boud oun boudeder. Koon o Debleskro lab gar an o dji rikrella, koleske vell ninna kova krik lino, hoy yob patsell, te hi les.”

Johanni 11:48

Te moukah les mer yaake doureder te krell, patsell hakeno ap leste. Oun kol Remarya venna oun lenn menge o tselo them oun i menshen mendar krik.”

Johanni 15:2

Hako zenelo kasht ap mande, hoy anell kek drake, činell yob tele. Oun ko kasht, hoy anell drake, krell yob djoudjo, te anell lo boudeder drake.

Debleskro tsiro 2:5

Moukenn t'menge kova an o shero te djal, har dour t'mer mandar tele peran. Avenn pale o tselo djiyeha pash mande! Djivenn ko djipen, hoy djivan, har t'maro patsepen ap mande terno his. Te krenn kova gar, palle vau, oun lau t'mari momeli krik, oun čivrau lat ap i rig.