Mateo 25:24 - O Debleskro Lab 2024 (Sinte-Manouche)

²⁴ Oun ko boudepaskro, kay yek gono pherdo roup las, kova djas pash leste, oun penas: Mo ray, me djinom, tout hi i dji dran bar. Tou leh touke o djob, hoy i vavar an i phoub čivas, te vas kova baro. Tou leh kote touke khetne, kay boudral gar.

O Debleskro Drom 2021 (Sinte)

²⁴ Un ko budepaskro, kai jek gono pherdo rup las, kowa djas pash leste, un penas: Mo rai, me djinom, tut hi i dji dran bar. Tu leh tuke o djob, hoi i wawar an i phub tchiwas, te was kowa baro. Tu leh kote tuke khetne, kai budral gar.

Mateo 25:24 ပူးပေါင်းရင်းမြစ်များ

Jesaja 58:3

Boud kope rham či, penenn le, te dikess lačes ap mende. Hoske dikeh tou kova gar? Mer rikram men pale o rhapastar, oun tou hayveh kova gar! Dikenn, penell o baro Devel, ap ko dives, kay t'mer mange či rhan, krenn t'mer, hoy t'menge mishto hi, oun rikrenn t'mare boudepangre tele.

Jeremia 2:31

O baro Devel penell: T'mer čilače menshe! Denn garda ap kova, hoy me t'menge penau! Hom me i Israelenge i moulo them, i them, kay kek pani hi? Hoske penenn mire menshe: Mer nay djah, kay kamah, oun hounte nashas touke gar bouder gar pal.

Mateo 18:24

Kote vas i morsh glan leste anlo. Koles his deesh zerya roupene beme siyaan pash leste.

Mateo 20:12

Kolla, kay an i rat van, boudran i tikno tsiro. Tou dal len yaake boud love har men. Tou djineh, te boudram mer o tselo dives. Oun o kham rhačas zoreles ap mende.

Mateo 25:25

Doleske darom toutar, djom vin, oun khatrom tiro gono pherdo roup an i phoub. Oun dik, kate hi lo.

Mateo 25:26

Penas peskro ray ap leste: I čilačo boudepaskro hal tou. Tou kral tiri boudi gar mishto. Tou djinal, te lap mange o djob, hoy me gar an i phoub čivom, oun lap mange kote khetne, kay boudrom gar.

Mateo 7:21

Kolen, kay penenn ap mande Ray, ray lell o Devel gar lauter pash peste an o bolepen. Na-a! Kolla kokres, kay krenna, hoy miro dad an o bolepen kamella, kolen lell lo an o bolepen.

Louka 15:29

Oun ko čavo penas ap peskro dadeste: Tou djineh, kay me boud bersha touke boudrom, oun krom lauter, hoy tou mange penal. Mange maral tou kek bakro, te rhap les mire malentsa, oun te vap barhtelo.

Louka 19:13

Oun yob das deesh peskre boudepangren gole, das hakeneste i sheel roupene beme, oun penas: Boudrenn kol loventsa yaake rah har me gar kay hom. Oun yob djas peske.

Louka 6:46

Hoske penenn t'mer: Ray, ray! ap mande oun krenn gar, hoy me t'menge penaua?

Remarja 8:7

Koon kamell yaake te djivell, har yob kamella, kova kamell gar o Debles. Yob shounell gar ap kova, hoy o Devel penella. Yob nay krell les vitar gar.

Remarja 9:20

Palle penau touke: Tou hal i mensho. Tou nay peneh gar ap o Debleste: Hoy kreh tou kote? Yob kras tout. Tou nay peneh gar ap leste: Hoske kral man tou yaake?