Mateo 22:30 - O Debleskro Lab 2024 (Sinte-Manouche)

³⁰ Kol moulen, kay o Devel djido krella, kolla romedinerenn bouder gar, oun venna gar romedino. Yon hi har i bolepangre an o bolepen.

O Debleskro Drom 2021 (Sinte)

³⁰ Kol mulen, kai o Dewel djido krella, kolla romedinerenn buder gar, un wenna gar romedino. Jon hi har i bolepangre an o bolepen.

Mateo 22:30 ပူးပေါင်းရင်းမြစ်များ

Debleskri gili 103:20

Sharenn o baro Debles, t'mer bolepangre, kay han leskre zorele kourepangre, oun krenn, hoy yob penell, oun shounenn ap leskre laba!

Zakarie 3:7

Kova penell o baro Devel, ko ray pral o bolepen oun i phoub: Te djah tou ap mire dromma, oun kreh koy boudi mishto, hoy dom toute, palle vess o pralstouno pral miro kheer oun kol glanstoune platse. Oun tou nay veh glan mande khetne kolentsa, kay kate tardo hi.

Mateo 13:43

Palle hi kolla, kay kran, hoy lengro dad an o bolepen kamas, har i bari momeli an leskro raylo them. Moukenn kova an t'maro shero trouyel te djal!

Mateo 18:10

Ma čivenn kol tiknen ap i rig, har te vans le či moldo. Me penau t'menge: I bolepangre, kay ap lende yak denna, kolla nay djana hako tsiro glan miro dadeste an o bolepen, te mangenn le les lenge.

Mateo 22:31

An o Debleskro lab hi činlo, te venn i moule djido. Kote penell o Devel:

Mateo 24:38

Glan ko tsiro, har o baro pani vas, rhan oun piyan le, romedineran le, oun van romedino. Har o Noah an o panyeskro kheer djas,

Louka 17:27

Kol menshe rhan, piyan, oun romedineran, bis ap ko dives, kay o Noah an o panyeskro kheer djas, oun o baro pani vas, oun lauter tassan le.

Debleskro tsiro 19:10

Oun me vitsrom man glan leste tele, te sharap les. Oun yob penas ap mande: “Ma kre kova! Share o Debles! Me hom o Debleskro boudepaskro har tou oun tire phrala, kay sikrenn i vavar menshende o Yezouseskro drom. Kolen das o Yezous o Debleskro Dourho. Kova sikrell len, te hi le leskre menshe.”