Mateo 21:17 - O Debleskro Lab 2024 (Sinte-Manouche)

¹⁷ Oun yob moukas len, djas dran o foro vin, oun vas an o gab Betani. Oun kote ačas lo pral i rat.

O Debleskro Drom 2021 (Sinte)

¹⁷ Un job mukas len, djas dran o foro win, un was an o gab Betani. Un kote atchas lo pral i rat.

Mateo 21:17 ပူးပေါင်းရင်းမြစ်များ

Jeremia 6:8

Yerusalem, mouk tout trad te dell! Te shouneh tou gar, krau me miro dji touke pandlo. Oun dran toute krau i nango them, kay kek nay djivell bouder.

Hosea 9:12

Ninna te tserdenn le pengre čaven bares, lau len lendar pale krik. Kek lendar ačell djido. Havi bibarht vell pral lende, me te tserdau man lendar krik!

Mateo 16:4

Har čilačo hi kol menshe, kay djivenn an kava tsiro! Yon moukan o Debles, oun kamenn i baro Debleskro koova te dikell. Oun o Devel sikrell len či vavar har kova, hoy i menshe ninna ap o Debleskro rakepaskro, o Yona, dikan. Oun o Yezous moukas len, oun djas peske.

Mateo 26:6

Oun o Yezous his an o gab Betani, an o Simoneskro kheer. Kova hi ko Simon, kay his les i djoungelo nasslepen ap peskro mass.

Markus 11:1

Oun yon van pash i gaba Betfage oun Betani, kay hi gar dour glan o foro. Kol gaba hi čiddo pash koy djeteskri berga. Oun kote penas o Yezous ap douyende peskre malendar:

Markus 11:11

Oun o Yezous djas dren an o foro Yerusalem, an o Debleskro baro kheer. Oun kote dikas lo pes trouyel. An i rati djas lo vin an o gab Betani peskre deesh-te-douy malentsa.

Markus 11:19

Oun ap i rati djas lo peskre malentsa vin glan o foro.

Markus 14:3

Oun o Yezous his an o gab Betani, an o Simoneskro kheer. Kova hi ko Simon, kay his les i djoungelo nasslepen ap peskro mass. Har o Yezous kote rhas, vas i djouvel pash leste. Kolat his i toushni an o vast. Koy his djoudjo oun kouč djet dren, kerdo dran ko kasht, hoy kharella Narde. Oun yoy phagas koy toushni pre, oun čoras ko djet ap leskro shero, te makell li les dren.

Markus 3:7

O Yezous oun leskre mala djan penge pash o baro pani. Oun boud menshe dran o them Galilea djan leske palla. Ninna boud vavar djan pash leste, kay shounan, hoy yob lauter kras. Kolla van dran o them Youdea, oun dran o foro Yerusalem, oun dran o them Idumea oun dran o them ap i vavar rig o panyestar Yordan, oun dran ko them, kay i forya Tirus oun Sidon čiddo hi.

Louka 10:38

Oun o Yezous djas peskre malentsa doureder ap o drom. Oun yon van an i gab. Kote his i djouvel. Kolakro lab his Marta. Koya las les pash peste an o kheer dren.

Louka 19:29

Oun yob vas pash kol gaba Betfage oun Betani. Kal gaba his ap koy berga čiddo, hoy kharella djeteskri berga. Oun yob bičras douy peskre malendar glan-vi oun penas lenge:

Louka 24:50

Oun yob djas pash o gab Betani peskre malentsa. Koy hadas lo peskre vasta oun penas: “O Devel ačell t'mentsa!”

Johanni 11:1

Koy his yek nasselo čiddo. Leskro lab his Lazaro. Yob his dran ko gab Betani, kay ninna i Maria oun lakri pheen Marta djivan.

Johanni 11:18

O gab Betani his gar dour o forestar Yerusalem, nay vell triin kilometarya.