Mateo 19:5 - O Debleskro Lab 2024 (Sinte-Manouche)

⁵ Oun yob penas: Doleske moukell i morsh peskro dades oun peskri dat, te djivell lo peskri romyah khetne. Oun kol douy venna har yek.

O Debleskro Drom 2021 (Sinte)

⁵ Un job penas: Doleske mukell i mursh peskro dades un peskri dat, te djiwell lo peskri romjah khetne. Un kol dui wenna har jek.

Mateo 19:5 ပူးပေါင်းရင်းမြစ်များ

1. Mose 34:3

Oun yob kamas lat o djiyestar oun rakras lače labentsa ap late.

2. Samuel 1:26

Miro phraal Yonatan, miro kamlo maal, me rovau pral toute. Man his bari barht pral toute. Tiro malengro kamlepen his mange feteder har i djouvyengro kamlepen.

1. Rajengro liil 11:2

Kolla his save menshendar, kolendar o baro Devel ap i Israelitarya penas: “Ma moukenn t'men lentsa dren, oun yon hounte moukenn pen gar t'mentsa dren. Yon tserdans t'mare djia pash lengre deblende.” Ap kal djouvyende nashras o Salomo peskro dji.

Debleskri gili 45:10

I bare rayengre ča hi pash toute, oun ap tiri čači rig hi tiri pirni tardo, oun ap late hi o lačeder sonakay.

Debleskri gili 63:8

Tou val ap miri rig, Tou rikreh tiro vast pral mande, har i čirklo rikrell peskre moussya pral peskre ternende. Kote givau touke i barhtyatar i gili.

Maleachi 2:15

Kek krals sau koova, te vals i tikno kotar foun miro dourho an leste. Yob kamals čave te lell, kay o Debleske koy hi. Doleske denn yak an t'mare djia, te rhorhell oun moukell kek t'mendar peskri romyat!

Mateo 19:6

Yaake hi le har yek oun bouder gar douy. Oun kova, hoy o Devel khetne anas, kova hounte krell i mensho gar paash!”

Remarja 12:9

An t'maro kamlepen hounte vell kek rhorhepen! Moukenn o čilačepen oun krenn o lačepen!

1. Korintarja 6:16

Djinenn, te djal yek pash i loubni, venn kol douy yek. O Debleskro lab penella: Kol douy venna yek.

1. Korintarja 7:2

Hi feteder, te hi hako morshes peskri romni oun haki djouvyat peskro rom, har te krenn le vi-ladjedo koova.

1. Korintarja 7:4

Koy romyat hi gar pral peste penepaske. Ko čačepen hi o romes. Vitar gar hi ko romes pral peste penepaske. Ko čačepen hi i romyat.

Efesarja 5:31

An o Debleskro lab hi činlo: Doleske moukell i morsh peskro dades oun peskri da, te djivell lo peskri romyah khetne. Oun kol douy venna yek familya.

5. Mose 10:20

Oun hounte shounenn ap t'maro baro Debleste oun mangenn les kokres an. Rikrenn t'men ap leste kokres. Te denn t'men sovel, denn t'maro sovel pash leskro lab.

5. Mose 11:22

Te krenn t'mer kova lauter, hoy me penom, te hounte krenn, oun kamenn t'maro baro Debles t'maro tselo djiyestar, oun djan ap leskre tsele dromma, oun rikrenn t'men ap leste,

5. Mose 4:4

T'mer, kay rikrenn t'men ap t'maro baro Debleste, t'mer halauter djivenn ninna kava dives.

1. Samuel 18:1

Oun pal kol laba, hoy o David o Sauleha rakras, las o Yonatan i kamlepen o Davideske an o dji, oun yob kamas les peskro tselo djiyeha har peskro djipen.

1. Samuel 25:43

Glan kova romedineras o David i Ahinoam dran o foro Yesreel. Yaake his les kanna douy romya.