Mateo 19:28 - O Debleskro Lab 2024 (Sinte-Manouche)

²⁸ Penas o Yezous ap lende: “Čačepah, me penau t'menge: Ko tsiro vella, kay o Devel lauter neves krella. Ap ko tsiro hi o Mensheskro Čavo o ray pral lauterende, oun yob hi beshdo ap peskro rayeskro beshepaskro. Oun t'mer, kay mantsa djana, t'mer venn ninna raya, oun han beshdo ap deesh-te-douy rayeskre beshepangre, oun rakrenn o čačepen vin pral i tsele menshende, kay venna i deesh-te-douy Israeleskre čavendar.

O Debleskro Drom 2021 (Sinte)

²⁸ Penas o Jesus ap lende: “Tchatchepah, me penau tumenge: Ko tsiro wella, kai o Dewel lauter newes krella. Ap ko tsiro hi o Mensheskro Tchawo o rai pral lauterende, un job hi beshdo ap peskro rajeskro beshepaskro. Un tumer, kai mantsa djana, tumer wenn ninna raja, un han beshdo ap deesh-te-dui rajeskre beshepangre, un rakrenn o tchatchepen win pral i tsele menshende, kai wenna i deesh-te-dui Israeleskre tchawendar.

Mateo 19:28 ပူးပေါင်းရင်းမြစ်များ

1. Rajengro liil 18:31

las deesh-te-douy barra, yek bar hako čaveske o Yakobestar. Ap koleste penas o baro Devel glan i rah tsiro: “Tiro lab vell kanna Israel.”

2. Familjakro liil 9:19

Oun deesh-te-douy leve his tardo ap kol shob stufe, ap haki stufa čačes oun serves yek levo. An kek vavar them oun kek tsiro vas o baro rayeske savi shoukar beshepaskri kerdo.

Esra 6:17

Koleske anan le an o Debleskro kheer 100 (sheel) gourma, 200 (douy-sheel) bakre, oun star-sheel (400) terne bakre, te venn le maredo o Debleske, ninna deesh-te-douy morsh bouzya, yek haki bari familyake, hoy vell o deesh-te-douy Israeleskre čavendar. Kol bouzya van rhačedo o Debleske, te vell i doosh i Israelendar krik lino.

2. Mose 15:27

Pal kova van le ap koy platsa, hoy kharella Elim. Oun kote his deesh-te-douy panyengre oun efta-deesh palmtikre rouka. Kote pash o pani ačan le.

2. Mose 24:4

Koy činas o Mose hako lab, hoy o baro Devel penas, an i liil. Oun sik taysarlakro stas yob pre oun kras i rhačepaskri tele glan i berga, kote pre firhe rhačedo venna o baro Debleske. Ninna čivas lo deesh-te-douy barra pre kol deesh-te-douy bare familyenge, kay van o Israeleskre čavendar: yek bar haki familyake.

2. Mose 28:21

Oun čin an lende i laba o Israeleskre čavendar, kolendar i deesh-te-douy bare familye venn. Čin an hako bar yek lab.

Jesaja 65:17

Čačepah, me krau i nevo bolepen, oun i nevi phoub. Oun ko phouro bolepen oun koy phouri phoub hi palle bistedo, oun venn bouder gar i menshenge an o shero.

Jesaja 66:22

T'mare čave oun t'maro lab ačenn glan mande, yaake rah har o nevo bolepen oun i nevi phoub, hoy me krau, glan mande ačenna, penell o baro Devel.

3. Mose 24:5

Mouk deesh-te-douy mare te pekell dran lačo yarro, hako maro dran douy-te-paash kilogramme yarro!

Mateo 16:27

Me hom o Mensheskro Čavo. Oun me vau pale ap i phoub an o raylepen, hoy das man miro dad an o bolepen. Oun mantsa venna mire bolepangre. Oun palle dikau ap hakeneste, hoy yob kras. Oun me dau lačo koova kolen, kay lačo koova kran. Oun me dau i phagi kolen, kay čilačo koova kran.

Mateo 19:27

Koy penas o Petro ap leste: “Djineh, mer moukam lauter oun djam touha. Hoy lah mer?”

Mateo 20:21

“Hoy kameh tou?” poučas lo latar. Penas li: “Ap ko dives, kay tou hal o baro ray pral i tsele menshende, mouk mire douy čaven ap tiri rig te beshell: Yek ap tiri čači rig oun ko vavar ap tiri servi rig.”

Mateo 25:31

Oun o Yezous penas: Ap ko dives, kay vell o Mensheskro Čavo an peskro tselo raylepen, oun leha venna i tsele bolepangre, palle hi lo o ray pral halauter, oun rakrell o čačepen vin pral i tsele menshende ap i phoub.

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

Mateo 8:20

Penas o Yezous ap leste: “I divye djouklen hi i čiben an i phoub, kay sovenn le. Oun i čirklen hi tikne khera ap i rouka. Me, o Mensheskro Čavo, man hi či, kay nay čivap man tele, te sovap.”

Markus 10:37

Koy penan le ap leste: “Ap ko dives, kay tou hal o ray pral i tsele menshende, mouk men te beshas ap tiri rig: yek ap tiri čači rig oun ko vavar ap tiri servi rig.”

Bičepangre 3:21

Yob ačell an o bolepen yaake rah, bis te vell ko tsiro, kay vella lauter neves kerdo. Kova penan menge o Debleskre rakepangre glan i rah tsiro. O Devel penas les lenge.

2. Timoteo 2:12

Te rikrah vin an o patsepen, vah mer raya leha an o bolepen. Te dah mer les bourhoste, dell yob men ninna bourhoste.

Josua 3:12

Yaake sik, har čivenn i rashaya, kay hidjrenn ko morhton, pengre herya an o pani oun ačenn kote tardo, ačell o pani tardo. O pani, hoy nashell pral tele, ačell tardo har i kheer. Kanna lenn t'menge 12 (deesh-te-douy) morshen, yekes dran haki bari familya, hoy vell kol deesh-te-douy Israeleskre čavendar!”

2. Petro 3:13

Mende das o Devel peskro lab, te krell lo i nevo bolepen oun i nevi phoub. Kote della bouder kek čilačepen. Ap kova dikah mer.

Debleskro tsiro 11:16

Oun kol biish-te-star čačepangre phoure, kay glan o Debleste ap pengre beshepangre beshdo hi, kolla vitsran pen glan o Debleste tele, oun sharan les,

Debleskro tsiro 12:1

Oun i baro koova sikras pes ap o bolepen: I djouvel hi koy. Kolakro ripen hi o kham. Oun tel lakre pire hi o čon. Oun ap lakro shero hi deesh-te-douy bolepangre momlia.

Debleskro tsiro 20:4

Oun me dikom kolen, kolenge o shero tele dino vas doleske, kay rikran le zoreles ap o Debleskro lab oun sikran i menshende o Yezouseskro drom. Yon mangan gar ko firhes an, vitar gar ko firhes, hoy i menshendar kerdo vas. Oun yon lan gar o firheskro lab ap pengre shere, vitar gar ap pengre vasta. Kalla lauter van kanna djido. Yon hi beshdo ap i rayengre beshepangre, oun lenn i zoor, te rakrenn le o čačepen vin pral i menshende. Khetne o Yezous Kristeha hi le raya yek zero bersh.

Debleskro tsiro 21:5

Oun kova, kay ap o Debleskro beshepaskro beshdo hi, penas: “Dikenn, me krau lauter neves.” Oun ap mande penas lo: “Čin kal laba an i liil! Kal laba hi čačo. Oun yaake vell lauter.”

Debleskro tsiro 22:2

O pani nashell mashkral o baro drom. Ap haki rig o panyestar hi kol rouka tardo, kay denna o djipen. Ap lende venna deesh-te-douy kope an i bersh roukengro rhapen baro, hako čon yek kopo. Oun i patria kol roukendar krenn i menshen an i tsele themma sasto.

Debleskro tsiro 22:5

An ko foro vell bouder gar rati. Len hounte vell kek momeli, vitar gar o kham, te dikenn le. O baro Devel hi lengri momeli. Oun yon hi bare raya hako tsireske.

Debleskro tsiro 3:21

Kova, kay zoreles an o patsepen ačas, oun gar pre das, kova nay beshell pes mantsa ap miro rayeskro beshepaskro, yaake har me ninna zoreles tardo homs, oun me beshom man miro dadeha ap leskro rayeskro beshepaskro.

Debleskro tsiro 4:4

Oun troul o rayeskro beshepaskro his biish-te-star vavar rayengre beshepangre tardo. Oun ap kolende his biish-te-star čačepangre phoure beshdo. Kolen his parne ripya ap lende, oun i shereskro sonakay ap lengre shere.

Debleskro tsiro 7:4

Oun me shounom kitse menshe ko sikepen lan. Kolla his 144.000 (yek-sheel-te-star-deesh-te-star zerya) menshe, kay van dran i tsele menshende, kay venna pal o Israeleskre deesh-te-douy čavende.