Mateo 18:9 - O Debleskro Lab 2024 (Sinte-Manouche)

⁹ Oun te kamell tiro yak čomone te dikell, hoy anell tout ap o čilačo drom, palle čin les vin, oun vitse les toutar! Hi touke feteder, te nashress yek yak, oun leh o djipen, hoy o Devel tout della, har te djas douy yakentsa an o bengeskri yag.

O Debleskro Drom 2021 (Sinte)

⁹ Un te kamell tiro jak tchomone te dikell, hoi anell tut ap o tchilatcho drom, palle tchin les win, un witse les tutar! Hi tuke feteder, te nashress jek jak, un leh o djipen, hoi o Dewel tut della, har te djas dui jakentsa an o bengeskri jag.

Mateo 18:9 ပူးပေါင်းရင်းမြစ်များ

Mateo 16:26

I mensheske vals kova gar mishto, te lals lo o tselo bravlepen ap kay phoub, oun nashrals o djipen. I mensho nay dell či o Debleste, te lell lo ko djipen pale.

Mateo 18:8

Te kamell tiro vast, te kress i čilačo koova, de les tele oun vitse les toutar! Te kamell tout tiro piro ap o čilačo drom te anell, de les tele, oun vitse les toutar! Hi touke lačeder, te nashreh tou yek vast oun yek piro, oun leh ko djipen, hoy o Devel tout della, har te djas tou douy vastentsa oun douy pirentsa an i yag, hoy hako tsireske rhačella.

Mateo 19:17

Penas o Yezous: “Hoske poučeh tou mandar, hoy lačo hi? O Devel kokres hi lačo. Tou te kameh o Debleskro djipen, palle kre kova, hoy yob penas!”

Mateo 5:22

Me penau t'menge: Koon ap peskro phraleste rhoyedo hi, kova hounte vell glan o čačepaskro anlo. Oun koon peskro phrales praasella, kova hounte vell glan i pralstoune čačepangre anlo. Oun koon penella: Dja touke pash o bengeste! kova vella an o bengeskri yag vitsedo.

Mateo 5:29

Te kamell tiro yak čomone te dikell, hoy anell tout ap i čilačo drom, palle čin les vin, oun vitse les toutar! Hi touke feteder, te nashress yek yak, har te vess an o bengeskri yag vitsedo.

Markus 9:47

Oun te kamell tiro yak čomone te dikell, hoy anell tout ap i čilačo drom, palle čin les vin! Hi touke feteder, te nashress yek yak oun djah pash o Debleste an o bolepen, har te vess douy yakentsa an o bengeskri yag vitsedo,

Bičepangre 14:22

djan pash i patslende oun dan len zoor an o dji, oun rakran lenge an o dji, te ačenn yon an o patsepen. Oun yon penan ap kol patslende: “Ap maro drom pash o Debleste an o bolepen krenn menge i menshe o djipen phares.”

Hebrearja 4:11

Doleske čivas mer maro tselo dji koy pre, te vas an leskro them dren, kay ham hako tsiro pash leste khere. Das yak, te perell kek mendar o Debleskro dromestar tele, har kol menshe an o phouro tsiro, kay shounan gar ap o Debleste!

Debleskro tsiro 21:27

Oun či vell kote dren, hoy an o Debleskre yaka pale-čiddo hi, vitar kek mensho, kay djoungelo koova krella oun rhorhella. Kolla venna an ko foro dren, kolengre laba an o terno bakreskro liil dren činlo hi. Kote hi kolla dren činlo, kay lenna o djipen, hoy gar pre-herella.