Mateo 18:27 - O Debleskro Lab 2024 (Sinte-Manouche)

²⁷ Oun o rayes khaytas kova, oun yob moukas leske leskri tseli siyaan te perell, oun moukas les te djal.

O Debleskro Drom 2021 (Sinte)

²⁷ Un o rajes khaitas kowa, un job mukas leske leskri tseli sijaan te perell, un mukas les te djal.

Mateo 18:27 ပူးပေါင်းရင်းမြစ်များ

Nehemia 9:17

Oun yon kaman gar te krell, hoy tou lenge penal, oun bistran ko tselo baro koova, hoy tou lenge kral, hoy kek vavar nay krella. Yon kran pengre djia pandlo har bar. Oun rodan yekes vin, te vell lo lengro ray, oun anell len pale an o them Egiptia, an pengro pandepen. Tou hal i Devel, kay i doosh krik lell, oun hal kamlo oun kreh tiro dji pre i menshenge. Tou veh gar sik rhoyedo oun tiro lačepen hi baro. Oun tou djal gar lendar.

Debleskri gili 145:8

Lačes hi o baro Devel oun krell i menshenge peskro dji pre. Yob vell gar sik rhoyedo. Oun leskro kamlepen hi baro.

Debleskri gili 78:38

Yob kras lenge peskro dji pre, oun maras len gar. Na-a, yob las lendar i doosh tele. Boud kope rikras yob peskri rholi pale, oun moukas gar peskri tseli rholi ap lende te vell.

Debleskri gili 86:15

Tou, baro Devel, hal i lačo Devel, oun kreh tiro dji tire menshenge pre. Tou veh gar sik rhoyedo, Tiro lačepen hi baro oun tou rikreh pash tire menshende.

Debleskri gili 86:5

Tou hal lačo, miro baro Devel, oun leh i doosh krik. Tiro lačepen hi baro kolenge, kay ap toute gole denn.

Hosea 11:8

Har nay moukaus me toutar, Efrayim, har nay daus tout an o vast kolendar, kay marenn tout, Israel? Kraus me touha, har krom kol foryentsa Adma oun Seboyim? Na-a, kova phagals miro dji! Tou khayteh man yaake!

Mateo 18:28

Oun o morsh djas dran ko kheer vin, oun tapras i vavar boudepaskres ap o drom. Kales his sheel beme siyaan pash leste. Koy čivas lo peskre vasta troul koleskri meen, te tassrell lo les, oun penas ap leste: De man kanna mire love pale!

Mateo 18:32

Koy das o ray ap o morsheste gole, oun penas ap leste: Tou hal i čilačo boudepaskro. Me moukom tiri siyaan touke te perell, har tou mandar mangal.

Louka 7:42

Har yon pengro siyaan gar nay playsran, kamas ko ray kol love lendar bouder gar pale te lell. Koon kol douyendar kamas o rayes boudeder?”

Louka 7:43

Penas o Simon leske: “Me patsau, kova, kay les boudeder siyaan his.” Penas o Yezous: “Tiro hi čačo.”

Čačepangre 10:16

Oun yon vitsran kol vavar deblen pendar krik oun mangan o baro Debles an. Koy khaytas les, te vell o Israeleske yaake pharo kerdo.”