Mateo 13:31 - O Debleskro Lab 2024 (Sinte-Manouche)

³¹ Oun pale penas o Yezous lenge laba, kay i khatedo čačepen dren hi: Oun yob penas: Kote, kay o Devel i menshen pash peste gole della, te djan le ap leskro drom, hi kova yaake har pash o djob dran i senftikro rouk, hoy vitsras i morsh an i phoub ap peskro kotar them.

O Debleskro Drom 2021 (Sinte)

³¹ Un pale penas o Jesus lenge laba, kai i khatedo tchatchepen dren hi: Un job penas: Kote, kai o Dewel i menshen pash peste gole della, te djan le ap leskro drom, hi kowa jaake har pash o djob dran i senftikro ruk, hoi witsras i mursh an i phub ap peskro kotar them.

Mateo 13:31 ပူးပေါင်းရင်းမြစ်များ

Ezekiel 47:5

Oun yob ginas gomme 500 metarya tele, oun ko pani djas yaake dour tele, te nay djom gar dren. Ko pani his yaake dour tele, te hounte shvimrals yek vergel.

Mateo 13:24

Oun yob penas lenge pale, har kote djal, kay dell o Devel i menshen pash peste gole, te djan le ap leskro drom. Oun yob penas: I harho vitsras o lačo djob ap peskro kotar them, te vell ko djob baro.

Mateo 17:20

Penas lo ap lende: “T'maro patsepen hi tikno. Čačepah, me penau t'menge: Te vals t'maro patsepen ninna tikno har i senftikro djob, nay penans t'mer ap kay berga: Čip tout ap koy vavar rig! Oun koy berga čivals pes ap i vavar rig. Oun či nashte vals, hoy t'mer nashte gar krans.”

Louka 17:6

Koy penas o ray Yezous ap lende: “Te vals t'maro patsepen ninna tikno har i senftikro djob, nay penans t'mer ap ko baro rouk: Vitse tout an o pani! Oun ko rouk shounals ap t'mende.”

Louka 19:11

O Yezous his gar dour o forestar Yerusalem, oun i menshe patsan, kay ko tsiro kanna kay hi, kay o Devel sikrella, te hi lo o ray pral i tseli phoub. Koy penas o Yezous lenge laba, kay i khatedo čačepen dren hi,

Louka 20:9

Oun o Yezous penas i menshenge laba, kay i khatedo čačepen dren hi, oun penas: “His i morsh. Koles his i kotar them. Kote čivas lo drakengre rouka an i phoub, oun patsas kava them ap i harhende, te boudrenn le kote leske. Oun yob djas peske an i vavar them i rah tsireske.