Mateo 11:29 - O Debleskro Lab 2024 (Sinte-Manouche)

²⁹ Me hom t'menge i lačo ray, oun dikau ap kekeste tele. Shounenn ap mande oun krenn, hoy me t'menge penaua! Oun t'maro dji vell pale zorelo.

O Debleskro Drom 2021 (Sinte)

²⁹ Me hom tumenge i latcho rai, un dikau ap kekeste tele. Shunenn ap mande un krenn, hoi me tumenge penaua! Un tumaro dji well pale sorelo.

Mateo 11:29 ပူးပေါင်းရင်းမြစ်များ

2. Familjakro liil 10:11

Oun kanna, te čivas miro dad i pharo djipen ap t'mende, me krau t'maro djipen gomme phareder! Miro dad das t'men i čoupniyah. Me dau t'men i čoupniyah, hoy saster pre hi.”

Debleskri gili 116:7

Me penau ap miro dji: “Ma dare bouder! O baro Devel his lačo ap toute.”

Debleskri gili 131:1

I gili o Davidestar te givell ap o drom an Yerusalem. Baro Devel, me hom gar pre-phourdo, oun mire yaka dikenn gar tele ap i vavarende. Me kamau gar baro koova, vitar gar savo koova, hoy dour pral mande hi.

Gosewe laba 3:17

O gosvepen anell ap shoukar dromma, kay dell kek čingepen.

Jesaja 28:12

Kova rakras yob, kay glan rah tsiro ap lende penas: “Kate hi o them, kay nay lenn nevi zoor. Moukenn kolen pen tele te čivell, kay yaake tele maredo van. Kate nay čivenn le pen tele.” Yon kaman gar te shounell.

Jesaja 29:19

Oun o baro Devel krell kolen pale barhtelo, kay van tele rikedo. Oun i čorvele givenn i barhtyatar pral o Israeleskro Debleste.

Jeremia 6:16

O baro Devel penas lenge: Ačenn tardo ap ko drom, kay t'mer djan! Dikenn oun poučenn pal i phoure dromma! Hatsenn vin, havo drom anell t'menge lačepen! Oun djan kava drom! Palle vell shoukapen an t'mare djia. Yon penan: Kova kamah mer gar te krell.

Zakarie 9:9

Ab barhtelo, tou foro Sion! Denn gole i barhtyatar, t'mer menshe an Yerusalem! Dikenn, t'maro baro ray vella pash t'mende! Yob anell o čačepen, oun vell ap t'mari rig. Yob krell pes gar bares, oun klissell ap i bourika, ava, ap i terni bourika.

4. Mose 12:3

O Mose his i mensho, kay kras pes gar bares. Kek mensho his ap i phoub, kay his yaake har o Mose oun hadas pes gar.

Mateo 17:5

Oun har yob yaake rakras, vas i parni folka pral lende tele. Oun dran koy folka vas o rakepen, hoy penas: “Kava hi miro čavo! Koles kamau o djiyestar. Yob krell man barhtelo. Shounenn ap leste!”

Mateo 21:5

Penenn i menshenge an o foro Yerusalem: Dik, tiro baro ray vell pash toute. Yob hi lačo oun krell pes gar bares. Yob hi beshdo ap i esla, ap i terni esla.

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Mateo 7:24

Hakeno, kay mire laba shounella oun kova krella, hoy me penau, kova hi yaake har i gosevo morsh, kay peskro kheer ap i zorelo baro bar kras.

Louka 8:35

Oun kol menshe kaman te dikell, hoy kote djas, oun van pash o Yezouseste. Oun yon dikan ko morshes, dran koleste i benga vin djan. Yob his pash o Yezouseste beshdo, his an-rido, oun bouder gar divyo. Koy van yon dareno.

Johanni 13:15

Me krom t'menge kova glan. Krenn kova ninna, yek o vavareske!

Johanni 13:17

T'mer djinenn kova kanna halauter. Te krenn t'mer kova, han barhtelo.

Bičepangre 7:37

Kova his o Mose, kay ap lende penas: O Devel bičrell t'menge i Debleskro rakepaskres har me hom. Kova hi yek t'mare menshendar.

1. Korintarja 9:21

Te hom me pash i menshende, kay rikrenn pen gar ap o Moseskre laba, palle djivau me har yon, te anap len pash o Yezous Kristeste, ninna te rikrau me man ap o Debleskro čačepen. Oun kova hi o Yezous Kristeskro lab.

2. Korintarja 10:1

Me, o Paulo, rakrau t'mentsa kamles oun lačes, yaake har o Yezous Kristo kamles oun lačes hi. Hi menshe mank t'mende, kay penenna: “Me te hom pash t'mende, nay rakrau kek triin laba. Te hom dour t'mendar krik, palle rakrau zorele labentsa.”

2. Korintarja 10:5

Te penenn yon, te dals kek Devel, sikrah mer, kay lengre pre-phourde laba gar čačo hi. Halauter, hoy lenge an o shero trouyel djal oun hadell pes pral o Yezous Kristeste pre, dah mer paash.

Filiparja 2:5

Djivenn yaake, har o Yezous Kristo djivas!

1. Tessalonikarja 4:2

T'mer djinenna, hoy yob t'mendar kamella. Mer penam les t'menge.

2. Tessalonikarja 1:8

oun i yag hi troul lende. Palle vell o Debleskri rholi pral kolende, kay kaman lestar či te djinell, kolla kay shounan gar ap o lačo lab maro rayestar, o Yezousestar, oun kaman gar ap leskro drom te djal.

Hebrearja 5:9

Oun yob kras kova lauter, oun či ačas pral, hoy hounte krals lo gomme. Yaake nay lell lo lauteren, kay ap leste shounenna, hako tsireske dran o čilačepen oun o merepen vin.

1. Johanni 2:6

Koon penella, te ačell lo o Debleha khetne, kova hounte djivella yaake, har o Yezous Kristo djivas.