Mateo 11:17 - O Debleskro Lab 2024 (Sinte-Manouche)

¹⁷ Mer bashram t'menge. T'mer khelan gar. Mer givam moulengre gilya. T'mer rovan gar.

O Debleskro Drom 2021 (Sinte)

¹⁷ Mer bashram tumenge. Tumer khelan gar. Mer giwam mulengre gilja. Tumer rowan gar.

Mateo 11:17 ပူးပေါင်းရင်းမြစ်များ

1. Mose 50:10

Oun yon van ap i platsa, hoy kharella Goren-Atad. Koy platsa hi čiddo ap i vavar rig o panyestar Yordan. Kote rovan le oun dan bari gole pral o Yakobeskro merepen. Oun o Yosef rovas lentsa efta divessa pral peskro dadeste.

1. Rajengro liil 1:40

Oun i tsele menshe djan pale pre pal o Salomeste, oun yon kran i shoukar bashepen, oun dan yaake gole i barhtyatar, te trissas i phoub.

Jesaja 30:29

T'mer, o Debleskre menshe, givenna gilya, har pash i baro rhapen an i rat, kay sharenn o Debles oun givenn leske. T'mer venn yaake barhtelo, har te djans bashepah pre ap i berga o baro Deblestar, kay ap o Israeleskri rig hi.

Jeremia 31:4

Israel, miri pirni! Me krau tout pale baro. Toutar vell pale i natsyona. Tou kress tout pale shoukar, bashress oun djas vin ap o khelepen.

Mateo 11:16

I menshe an kava tsiro hi har čave, kay khelenn an o foro. Oun yon denn gole yek ap o vavareste:

Mateo 11:18

O Yohanni rhas oun piyas gar. Oun yon penenna: “I beng hi an leste.”

Mateo 9:15

Penas o Yezous ap lende: “Yaake rah har o biyabeskro ap i biyab hi, hi peskre mala barhtelo. Ko tsiro vella, kay vell o biyabeskro lendar lino. Ap ko tsiro rhan le oun piyenn le či, te mangenn le o Debles an.

Mateo 9:23

Oun o Yezous djas doureder, oun vas pash ko pralstuneskro kheer. Kote his i bashepangre oun boud menshe. Har yob o merepaskro bashepen oun i bari gole shounas,

Louka 15:25

Ko phoureder čavo boudras vin ap i kotar phoub. Har yob khere djas oun pash o kheer vas, shounas lo bashepen oun khelepen.

Louka 23:27

Oun boud morsha oun djouvya djan o Yezouseske palla ap o drom. Kolla dan bari gole oun rovan.

Louka 7:32

Yon hi har kol čave, kay khelenn an o foro, oun denn gole yek ap o vavareste: Mer bashram t'menge. T'mer khelan gar. Mer givam moulengre gilya. T'mer rovan gar.

Louka 8:52

Oun halauter rovan, oun dan pengre vasta pral o shero khetne. Oun yob penas ap lende: “Ma rovenn! Yoy hi gar mouli. Yoy sovella.”