Mateo 10:19 - O Debleskro Lab 2024 (Sinte-Manouche)

¹⁹ Kova te vell, palle ma darenn, hoy t'mer hounte penenna! O Devel sikrell t'mende, hoy t'mer hounte penenna ap ko dives.

O Debleskro Drom 2021 (Sinte)

¹⁹ Kowa te well, palle ma darenn, hoi tumer hunte penenna! O Dewel sikrell tumende, hoi tumer hunte penenna ap ko diwes.

Mateo 10:19 ပူးပေါင်းရင်းမြစ်များ

2. Mose 4:12

Oun kanna dja pash lende! Me kamau tiro mouy te vell, oun kamau touke lauter sikrell, hoy tou lenge te peness!”

2. Mose 4:15

Oun pen tiro phraleske halauter, hoy yob hounte rakrell! Oun me, t'maro Devel, čivau mire laba an tiro mouy oun leskro mouy oun sikrau t'men halauter, hoy hounte krenn.

Jeremia 1:7

O baro Devel penas ap mande: Pen gar: Me hom gar phouro doha! Tou hounte djas, kay me tout bičrau. Oun pen halauter, hoy me touke penau.

Jeremia 1:9

Oun o baro Devel čivas peskro vast ap miro mouy, oun penas ap mande: Dik, me čivau mire laba an tiro mouy.

Mateo 10:18

T'mer patsenn ap mande. Doleske anenn le t'men glan i pralstunende oun glan i bare rayende, te rakrenn yon i phagi vin pral t'mende. Kova vell ap t'mende, te rakrenn t'mer mandar glan lende oun glan kolende, kay o Debles gar prindjrenna.

Mateo 6:25

Doleske penau me t'menge: Ma darenn t'maro djipaske! Ma darenn, te vell t'men či te rhal oun či te piyell, vitar gar, te vell t'men či an-ripaske! O djipen hi boudeder moldo har o rhapen. Oun o mensho hi boudeder moldo har o ripen.

Mateo 6:31

Ma darenn oun ma penenn: Hoy rhas? Hoy piyas? Hoy rivas?

Mateo 6:34

Doleske penau t'menge: Ma darenn glan kova, hoy taysar vella! Moukenn o vavar dives ap t'mende te vell, oun palle dikenna, hoy te krenn! Hako dives hi t'men doha, hoy krell t'maro djipen phares.

Louka 12:11

Te anenn i menshe t'men glan i čačepangre oun glan i rayende oun pralstunende, ma darenn, hoy t'mer hounte rakrenna.

Louka 12:12

O Debleskro Dourho sikrell t'men ap ko tsiro, hoy t'mer hounte penenna.

Bičepangre 6:10

O Debleskro Dourho das les gosvepen, te nay rakras kek lendar leske pale.

Filiparja 4:6

Ma darenn či! Hako tsiro mangenn o Deblestar, hoy t'men hounte vell, oun penenn leske lauter, hoy ap t'maro dji hi! Oun parkrenn t'men pash leste!

2. Timoteo 4:17

O ray Yezous his ap miri rig, oun das man i zoor, te nay penap kote o tselo lačo lab lestar, yaake te shounan les ninna kolla, kay hi kek bibolde. Oun yob las man yaake dran lengre vasta vin, har te voms dran i leveskro mouy vin lino.

Jakobo 1:5

Te djinell yek t'mendar gar, hoy o Devel lestar kamella, palle nay mangell lo o Debles, te sikrell yob leste kova. O Devel hi lačo, oun yob dell o djiyestar, ninna te veh tou boud kope pash leste.