Markus 9:50 - O Debleskro Lab 2024 (Sinte-Manouche)

⁵⁰ O loon hi mishto. Te nashras o loon peskri zoor, hi lo bouder gar mishto. Oun tou nay kreh bouder či, te vell lo pale londo. Djivenn t'maro tselo djipen o Debleske, oun čingrenn t'men gar!

O Debleskro Drom 2021 (Sinte)

⁵⁰ O loon hi mishto. Te nashras o loon peskri soor, hi lo buder gar mishto. Un tu nai kreh buder tchi, te well lo pale londo. Djiwenn tumaro tselo djipen o Debleske, un tchingrenn tumen gar!

Markus 9:50 ပူးပေါင်းရင်းမြစ်များ

Hiob 6:6

Koon kamell i rhapen te rhal, kay kek loon dren hi? Koon kamell o parnepen i yalo yarestar te rhal?

Debleskri gili 133:1

I gili o Davidestar te givell ap o drom an Yerusalem. Dikenn, har mishto oun shoukar hi, te djivenn phrala an o lačepen khetne.

Debleskri gili 34:14

Palle denn garda ap t'mari čip, te rakrell li kek čilačepen oun kek rhorhepen!

Ezekiel 43:24

Oun tou aness len glan leste. Oun i rashaya vitsrenn loon ap kol kotya mass oun rhačrenn len o baro Debleske.

Mateo 5:13

T'mer han o loon ap kay phoub. Te nashras o loon peskri zoor, hi lo bouder gar mishto. Oun tou nay kreh bouder či, te vell lo pale londo. Ko loon molell či bouder. Tou nay vitsreh les toutar. Oun i menshe stakrenn les khetne.

Markus 9:34

Oun yon penan či. His yaake, ap o drom rakran le mank pende, koon lendar o pralstouno hi.

Markus 9:49

Hakeno, kay djal mantsa, hounte djivell peskro tselo djipen o Debleske. Kova hi yaake har pash i bakro, hoy o Debleske maredo oun rhačedo vella. Kova vell tseles rhačedo. Oun ap ko rhapen, hoy anenn le o Debleske, hounte čivan le loon pre. Kova sikrell: Ko rhapen hi o Debleske.

Remarja 12:18

Yaake boud har djala oun ap t'mende hi, djivenn lauterentsa kamles khetne!

2. Korintarja 13:11

Kanna, mire phrala, avenn barhteles, oun avenn pale pale ap o čačo drom! Shounenn ap kol laba, hoy me t'menge penom. Rikrenn khetne oun čingrenn t'men gar! Oun o Devel, kay dell kamlepen oun barht an o dji, vell t'mentsa!

Galatarja 5:22

Kones hi o Debleskro Dourho an peskro dji, dran koleste vella lačepen: Les vell o Debleskro kamlepen oun barht an o dji. Yob kamell kek čingepen. Yob rikrell lauter vin. Yob hi lačes ap i vavarende. Les hi i baro dji i vavarenge. Kova, hoy yob penell, ap kova rikrell pes yob.

Efesarja 4:29

Rakrenn kek čilače oun djoungele laba! Kova, hoy t'mer penenna, hounte vell lačes kolenge, kay shounenna, te lenn le nevi zoor an pengro djipen.

Filiparja 1:27

Kanna, krenn lauter, te djan yaake ap o Yezouseskro drom, har kova t'mende siklo vas! Krenn kova ninna, te hom gar pash t'mende! Te dikau t'men gar, kamaus te shounap, te rikrenn t'mer lauter khetne an o patsepen, oun te krenn i tseli zoryah lauter, te vell o patsepen ap o Yezous Kristeste zorelo pash t'mende.

Kolossarja 3:12

T'mer han kanna o Debleskre menshe, kolen yob peske vin rodas. Yob kamell t'men o djiyestar. Doleske hounte vell t'men i baro dji o vavareske, te vell hakeno lačo ap o vavareste, te krell pes kek bareder har o vavar, te rakrell hakeno lačes o vavareha, te dell kek o vavares sik pre,

Kolossarja 4:6

Rakrenn lentsa kamles, oun trashenn gar, te penenn o čačepen! Yek te poučell t'mendar čomone pral t'maro patsepen, palle rakrenn leha yaake, har kova koleske mishto hi.

1. Tessalonikarja 5:13

Yon krenn o Debleskri boudi. Avenn lačes oun kamles ap lende! Oun moukenn kek čingepen mashkral t'mende te vell!

2. Timoteo 2:22

Tou, Timoteo, ma kre ko čilačo koova, hoy i terne morshenge an o shero trouyel djala! Kre lauter, te djivess an o čačepen! Ač an o patsepen! Ab kamlo ap i vavarende! Djib lačes lentsa khetne! Kre kova lauter khetne kol phralentsa, kay o Debles an-gole denna i djoudjo djiyeha!

Hebrearja 12:14

Krenn lauter, te vell t'men kek čingepen i vavar menshentsa! Čivrenn o tselo čilačepen dran t'mende vin! Kek mensho dikell o Debles, te moukell lo o čilačepen an peste te djivell.

Jakobo 1:20

Kek krell an i rholi kova, hoy o Devel kamella.

1. Petro 3:8

Ap t'mende lauterende penau: Rikrenn khetne! Hakenes te vell i dji o vavareske! T'mer lauter han phrala oun phenya. Avenn lačes yek ap o vavareste! Ma krenn t'men bares!