Markus 8:35 - O Debleskro Lab 2024 (Sinte-Manouche)

³⁵ Koon kamell peskro djipen te rikrell, kova nashrell les. Koon ap miro drom mantsa djala oun i menshenge miro lab penella, oun vell doleske moulo dino, kova lell o djipen pale.

O Evangelio Jezus Kristusester pala Markus 1912 (Sinte)

³⁵ Kones kai kamela lesker džiben, kava našerelo les, kava ta našerela lesker džiben vaške mange ta o evangeliester, kova rikervela pes les.

O Debleskro Drom 2021 (Sinte)

³⁵ Koon kamell peskro djipen te rikrell, kowa nashrell les. Koon ap miro drom mantsa djala un i menshenge miro lab penella, un well doleske mulo dino, kowa lell o djipen pale.

Markus 8:35 ပူးပေါင်းရင်းမြစ်များ

Sikepaskro 3:6

Yek tsiro hi koy, te rodas čomone, oun yek tsiro, kay rodah bouder gar. Yek tsiro hi koy, kay rikrah čomone, oun yek tsiro, kay vitsrah les krik.

Mateo 10:22

T'mer patsenn ap mande. Doleske venn i menshe rhoyedo ap t'mende. Kova, kay ačell zoreles tardo an o patsepen, yaake rah, har yob djivella, kova lell o Debleskro djipen.

Mateo 10:39

Koon kamell peskro djipen te rikrell, kova nashrell les. Koon peskro djipen mange nashrella, kova lell les pale.

Mateo 16:25

Koon peskro djipen zoreles kamella, kova nashrell les. Koon peskro djipen mange nashrella, lell les mandar pale.

Mateo 19:29

Oun hakeno, kay moukas peskro kheer, peskre phralen, peskre phenyen, peskro dades, peskri dat, peskre čaven oun peskro kotar them, te djal lo mantsa, kova lell sheel kope pale, hoy yob moukas. Oun o Devel dell les o djipen, hoy gar pre-herella.

Markus 8:36

I mensheske vals kova gar mishto, te lals lo o tselo bravlepen ap kay phoub, oun nashrals peskro djipen.

Louka 17:33

Koon kamell peskro djipen te rikrell, kova nashrell les. Koon peskro djipen nashrella, kova lell les pale.

Louka 9:24

Koon kamell peskro djipen te rikrell, kova nashrell les. Koon peskro djipen mange nashrella, lell les mandar pale.

Bičepangre 20:24

Me dau či bouder ap miro djipen. Yek koova kamau me an miro djipen te krell: Me kamau koy boudi te krell, hoy das man maro ray Yezous: Yob penas mange, te penap i menshenge, har lačo o Devel lenge hi, oun har kras yob i drom, te nay venn le pash leste.

Bičepangre 21:13

O Paulo penas: “Hoske rovenn t'mer, oun krenn mange miro dji pharo? Me kamau koy boudi te krell, hoy o ray Yezous man das, ninna te pandenn le man i shellentsa, ninna te marenn le man an o foro Yerusalem.”

Bičepangre 9:16

Me kamau leste te sikrell, kay hounte lell yob boud douka mange ap peste.”

1. Korintarja 9:23

Kova lauter krau me, te patsenn boud ap o lačo lab o Yezous Kristestar, te lap ninna kova, hoy mange o Devel an peskro lab penella.

2. Korintarja 12:10

Doleske hom gar bibarhtelo, te hi man kek zoor, te lau dava, te vell pharo koova ap mande, te lenn yon man palla, te vell i traash ap mande. Kova lau o Yezous Kristeske ap mande. Me djinau, te hi man kek zoor, palle dell man o Yezous Kristo zoor.

2. Timoteo 1:8

Ma ladj tout, te rakress tou maro rayestar, o Yezousestar! Ma ladj tout mange, ninna te hom me kanna leske an o stilepen! Na-a, rake maro rayestar, ninna te venn douka ap toute, yaake har me lau douka ap mande, te vell o lačo lab o Yezousestar penlo. O Devel dell tout i zoor.

Hebrearja 11:35

Mashkral kolende, kay patsan, hoy o Devel lenge penas, his ninna djouvya, kolengre čave meran. Kolen das o Devel lengre čaven djides pale. Vavar patsle van phares dino an o stilepen. Lenge vas penlo, te moukans le pengro patsepen, nay vans le dran o stilepen vin. Oun yon moukan gar pengro patsepen, oun moukan pen te marell. Pengro tselo djiyeha dikan le ap ko tsiro, kay krell o Devel len i moulendar djido. Kova his lenge boudeder moldo, har o djipen ap kay phoub.

Debleskro tsiro 12:11

Mare phrala his zorleder har ko phoukepaskro. O terno bakro, hoy maredo vas, kova thovas lengri doosh peskro rateha tele. Mare phrala sikran i menshende o čačo drom pash o Debleste, ninna te van le doleske maredo.

Debleskro tsiro 2:10

Ma darenn kol douka, hoy ap t'mende venna! O beng moukell menshen t'mendar an o stilepen te vitsrell, te vell diklo, har zorelo t'maro patsepen ap mande hi. Oun t'mer venn deesh divessa palla lino. Ačenn zoreles an t'maro patsepen ap mande, ninna te marenn le t'men! Palle dau t'men o djipen, hoy ačella. Yaake baro hi t'maro playsepen!

Debleskro tsiro 7:14

Oun me penom ap leste: “Miro ray, tou djineh les.” Oun yob penas ap mande: “Kolla van zoreles palla lino, oun van vin dran ko pharo tsiro. Oun yon thovan pengre ripya, oun kran len parno an o terno bakreskro rat.”