Markus 8:12 - O Debleskro Lab 2024 (Sinte-Manouche)

¹² Yob las i baro dourho oun penas: “Hoske kamenn kol menshe, kay djivenna kava dives, i baro Debleskro koova te dikell? Me penau t'menge o čačepen: Yon dikenna kek savo koova.”

O Evangelio Jezus Kristusester pala Markus 1912 (Sinte)

¹² Job ta haderdes pes ani šero ta phendes: Hoske kamela kaua čel i boto? Čačo me phenau tumen, kava čel vel gar kenk boto.

O Debleskro Drom 2021 (Sinte)

¹² Job las i baro ducho un penas: “Hoske kamenn kol menshe, kai djiwenna kau diwes, i baro Debleskro koowa te dikell? Me penau tumenge o tchatchepen: Jon dikenna kek sawo koowa.”

Markus 8:12 ပူးပေါင်းရင်းမြစ်များ

Jesaja 53:3

I menshe dikan tele ap leste, oun čivan les ap i rig. I morsh pherde douka oun nasslepen his lo. I grerho his lo lenge, glan koleste yon pengro shero krik rissran. Oun menge his lo či-moldo.

Mateo 12:38

Palle penan i biboldengre čačepangre oun i Farisarya ap leste: “Sikepaskro, kre menge i baro koova, hoy sikrell mende, te vell tiri zoor o Deblestar!”

Mateo 16:4

Har čilačo hi kol menshe, kay djivenn an kava tsiro! Yon moukan o Debles, oun kamenn i baro Debleskro koova te dikell. Oun o Devel sikrell len či vavar har kova, hoy i menshe ninna ap o Debleskro rakepaskro, o Yona, dikan. Oun o Yezous moukas len, oun djas peske.

Markus 3:5

Kova doukas les, kay lengro dji har i bar his. Oun yob dikas rhoyemen ap lende oun penas ap ko morsheste: “Sike tiro vast!” Oun yob sikras peskro vast. Oun ko vast vas sasto.

Markus 6:6

Oun yob nay hayvas gar, hoske i menshen kote kek patsepen his. Palle djas lo an kol gaba trouyel, oun sikras i menshende o Debleskro drom.

Markus 7:34

Palle dikas lo pre ap o bolepen, las i baro dourho, oun penas ap leste: Effata! Kova kharella: Kre tout pre!

Markus 8:13

Oun yob moukas len, djas pale an o bero, oun ouleras vergel.

Markus 9:19

Koy penas o Yezous ap lende: “Have menshe han t'mer, kay hi t'men kek patsepen! Har rah hounte ačap pash t'mende? Har rah rikrap me pash t'mende vin? Anenn les kate pash mande!”

Louka 19:41

Oun har o Yezous pash o foro Yerusalem vas, rovas lo pral i menshende an kava foro,