Markus 8:11 - O Debleskro Lab 2024 (Sinte-Manouche)

¹¹ Oun i Farisarya van vin pash leste, te rakrenn le leha. Yon kaman te taprenn le les leskre labentsa oun penan ap leste: “Kre menge i baro koova, hoy sikrell men, te vell tiri zoor o Deblestar!”

O Evangelio Jezus Kristusester pala Markus 1912 (Sinte)

¹¹ O Farizearia vejen pen ta čingerden len peske. Jon kamena ta dikhena i boto o bolopeneste lester, ta jon midžerden les.

O Debleskro Drom 2021 (Sinte)

¹¹ Un i Farisarja wan win pash leste, te rakrenn le leha. Jon kaman te taprenn le les leskre labentsa un penan ap leste: “Kre menge i baro koowa, hoi sikrell men, te well tiri soor o Deblestar!”

Markus 8:11 ပူးပေါင်းရင်းမြစ်များ

2. Mose 17:2

Oun yon čingran ap o Moseste oun penan: “De men pani te piyell!” Oun o Mose penas: “Hoske čingrenn t'mer ap mande? Hoske patsenn gar, te hi o baro Devel pash mende oun dell men kova, hoy men hounte vals?”

2. Mose 17:7

Koy platsa, kay i menshe čingran ap leste oun kay yon gar patsan, te hi o baro Devel pash lende oun dell len kova, hoy len hounte vell, koy platsa das o Mose i laba Massa oun Meriba.

Maleachi 3:15

Doleske sharas mer kolen, kay phourdenn pen pre pral o baro Debleste. Kol čilačenge djal mishto. Ninna te krenn le, hoy o Devel gar kamell, krell lo lenge či. Kek bibarht vell pral lende.

Mateo 12:38

Palle penan i biboldengre čačepangre oun i Farisarya ap leste: “Sikepaskro, kre menge i baro koova, hoy sikrell mende, te vell tiri zoor o Deblestar!”

Mateo 19:3

Oun i Farisarya van pash leste, oun kaman les leskre labentsa te taprell. Oun yon poučan lestar: “Nay tradell i morsh peskri romyat pestar, ninna te kras li kek čilačepen?”

Mateo 21:23

Oun har o Yezous an o Debleskro baro kheer vas, ap i menshende rakras, oun len o Debleskro drom sikras, koy van i bare rashaya oun i biboldengre phoureder pash leste, oun poučan lestar: “Koon penas touke, te kress tou kova lauter? Koon bičras tout?”

Mateo 22:15

Oun pal kova van i Farisarya khetne, oun rakran mank pende, har yon nay taprenn o Yezouses an leskre laba.

Mateo 22:18

O Yezous hayvas lengro čilačepen oun penas ap lende: “T'mer rakrenn douy čipyentsa. Hoske kamenn t'mer man an mire laba te taprell?

Mateo 22:23

Ap ko dives van i Sadducarya pash leste. Yon hi kolla, kay penenna: O Devel krell i moulen gar djido.

Markus 12:15

Yob hayvas, te rakran le douy čipyentsa, oun penas ap lende: “Hoske kamenn t'mer man mire labentsa te taprell? Anenn mange i roupeni bema, te dikap lat!”

Markus 2:16

Mank i Farisarya his save, kay čačepangre hi. Har yon dikan, kay yob kolentsa rhal, penan le ap leskre malende: “Hoske rhal yob kolentsa, kay lenn i biboldendar love i Remaryenge dren, oun kol vavarentsa, kay hi ninna pale-čiddo?”

Markus 9:16

Oun o Yezous poučas lendar: “Hoy rakrenn t'mer lentsa?”

Louka 10:25

His i dives, koy vas i biboldengro čačepaskro pash o Yezouseste. Oun kova poučas lestar čomone, te djinell lo, har gosevo o Yezous hi. Oun yob poučas lestar: “Sikepaskro, hoy hounte krap me, te lap o djipen, hoy gar pre-herella?”

Louka 11:16

Vavar kaman lestar i baro Debleskro koova te dikell, te sikrell lo, kay o Devel les bičras.

Johanni 4:48

O Yezous penas ap leste: “Te dikenn t'mer gar boud Debleskro koova, kay kek mensho nay krella, patsenn t'mer gar.”

Johanni 6:30

Penan yon: “Kre menge i baro koova an o Debleskri zoor, te patsas mer ap toute! Sike men, hoy tou hayveh!

Johanni 7:48

“Patsell yek i pralstunendar oun i Farisarendar ap leste? Na-a!

Johanni 8:6

Kova poučan le lestar, te nay taprenn le les an leskre laba, yaake te nay anenn le i doosh ap leste pre. O Yezous čivas pes glan tele, oun činas o goushteha an i phoub.

Bičepangre 5:9

O Petro penas ap late: “Hoske kran t'mer kova vin, oun rhorhran o Debles? Kol morsha, kay paskran tiro romes, hi glan o voudar tardo, oun hidjrenn ninna tout vin.”

1. Korintarja 10:9

Ma rhoyrenn o Yezous Kristes, har kolla an o phouro tsiro o Debles rhoyran, har kran le, har te vals les kek zoor. Oun i sapa dandran len. Oun yon meran.

5. Mose 6:16

Ma krenn yaake, har te vals o baro Devel gar pash t'mende oun dals t'men gar kova, hoy t'men hounte vell djipaske, yaake har kova kran, har hans an o foro Massa!