Markus 6:15 - O Debleskro Lab 2024 (Sinte-Manouche)

¹⁵ Vavar penan: “Kova hi o Eliya.” Oun pale vavar penan: “Kova hi i Debleskro rakepaskro har kol vavar Debleskre rakepangre.”

O Evangelio Jezus Kristusester pala Markus 1912 (Sinte)

¹⁵ I vaveren phenden: Job h Elias; ta kome vaver phenden: Job hi i profeto her jekes i profetenge.

O Debleskro Drom 2021 (Sinte)

¹⁵ Wawar penan: “Kowa hi o Elija.” Un pale wawar penan: “Kowa hi i Debleskro rakepaskro har kol wawar Debleskre rakepangre.”

Markus 6:15 ပူးပေါင်းရင်းမြစ်များ

Mateo 16:14

Oun leskre mala penan ap leste: “Yon penenna, tou hal o Yohanni, kova, kay taufras i menshen. Vavar penenna, kay tou hal o Eliya. Oun vavar penenna, kay tou hal o Yeremia. Oun pale vavar penenna, kay tou hal i Debleskro rakepaskro, kay i moulendar pre stas.”

Mateo 21:11

Oun kol boud menshe, kay leha djan, penan lenge: “Kava hi o Debleskro rakepaskro, o Yezous, kay vas dran o foro Nazaret, hoy an o them Galilea čiddo hi.”

Markus 6:16

Har kova o Herodes shounas, penas lo: “Kova hi o Yohanni, kay moukom leske o shero tele te dell. Kova stas i moulendar pre.”

Markus 8:28

Oun yon penan ap leste: “Hi menshe koy, kay penenn, tou hal o Yohanni, kova, kay taufras i menshen. Vavar penenna, tou hal o Eliya. Oun pale vavar penenna, tou hal i Debleskro rakepaskro, kay glan i rah tsiro djivas.”

Louka 1:17

Oun yob hi pherdo Debleskri zoor yaake har o Eliya, oun yob krell i drom pre o Debleske. Oun yob krella, te lenn i dada pale i dji pengre čavenge. Oun kolla, kay shounan gar ap o Debleste, kolen anell yob pale ap o čačo drom. Oun yaake krell lo, te hi i menshen djia, kay pre hi lengro Debleske.”

Louka 7:16

Koy vas i traash pral lauterende. Oun yon sharan o Debles oun penan: “I baro Debleskro rakepaskro hi mashkral mende. O Devel vas pash peskre menshende.”

Louka 7:39

Har o Farisari kova lauter dikas, penas lo ap peste kokres: “Te vals kava rom čačepah i Debleskro rakepaskro, hounte djinals lo, havi djouvel les an-tapras. Yob hounte djinals, te hi li pale-čiddo.”

Louka 9:19

Penan le leske: “Yon penenna, kay tou hal o Yohanni, kova, kay taufras i menshen. Vavar penenn: Kova hi o Eliya. Oun pale vavar penenn: Yek kol phoure Debleskre rakepangrendar stas i moulendar pre.”

Louka 9:8

Vavar penan: “O Eliya vas pale.” Oun ninna vavar penan: “Yek kol phoure Debleskre rakepangrendar stas i moulendar pre.”

Johanni 1:21

“Koon hal tou?” kaman yon te djinell. “Hal tou o Eliya?” poučan le lestar. “Na-a,” penas lo, “kova hom me gar!” “Hal tou o Debleskro rakepaskro, kolestar penlo vas, te vell yob? poučan le lestar.” “Na-a,” penas yob.

Johanni 1:25

Yon poučan lestar: “Te hal tou gar o Kristo, vitar gar o Eliya, oun vitar gar ko Debleskro rakepaskro, kolestar penlo vas, te vell yob, hoske taufreh tou i menshen?”

Johanni 6:14

Har kol menshe dikan, hoy o Yezous kras an o Debleskri zoor, penan le: “Kova hi čačepah ko Debleskro rakepaskro, kolestar penlo vas, kay vell lo ap kay phoub.”

Johanni 7:40

Mashkral kolende, kay shounan ko rakepen, his menshe, kay penan: “Kava morsh hi čačepah ko Debleskro rakepaskro, kolestar penlo vas, te vell yob.”

Johanni 9:17

Oun pale poučan le kolestar, kay sasto vas: “Hoy peneh tou lestar, kay yob tire yaka pre kras? Hoy peneh tou, koon yob hi?” “Yob hi i Debleskro rakepaskro,” penas lo.