Markus 6:11 - O Debleskro Lab 2024 (Sinte-Manouche)

¹¹ Kote, kay lenn le t'men gar an pengro kheer dren, oun kamenn gar ap t'mende te shounell, kote djan doureder, oun denn koy čik t'mare pirendar tele! Kova sikrell kol menshende, kay yon čilačo hi.”

O Evangelio Jezus Kristusester pala Markus 1912 (Sinte)

¹¹ Kole kai rikerene tume ger pre, ta šunen pen ger, ta kolender džanene vri ta krodlervena o čik tumare pirender, lenge o boteste.

O Debleskro Drom 2021 (Sinte)

¹¹ Kote, kai lenn le tumen gar an pengro kheer dren, un kamenn gar ap tumende te shunell, kote djan dureder, un denn koi tchik tumare pirendar tele! Kowa sikrell kol menshende, kai jon tchilatcho hi.”

Markus 6:11 ပူးပေါင်းရင်းမြစ်များ

Nehemia 5:13

Ninna trisslom miri baya vin, oun penom: “Yaake trissell o Devel hakenes t'mendar, kay rikrell gar peskro lab. O Devel lell lestar leskro kheer oun lauter, hoy les hi.” Oun lauter, kay kote khetne van, penan: “Amen!” Oun yon sharan o baro Debles. Oun i menshe kran pal kol laba, har yon penan.

Mateo 12:36

Me penau t'menge: Vell ko dives, kay rakrell o Devel o čačepen pral i tsele menshende ap i phoub vin. Kote poučell lo lendar pal hako čilačo lab, hoy yon penan.

Markus 6:10

Oun yob penas ap lende: “Kote, kay t'mer an i kheer dren djana, kote ačenn yaake rah har ačenn an ko foro.

Louka 9:5

Oun te lenn le t'men gar an pengro kheer dren, djan t'menge dran kava foro, oun denn koy čik t'mare pirendar tele! Oun kova sikrell i menshende, kay yon čilačo hi.”

Bičepangre 18:6

Yon shounan gar ap leste oun praasan les. Palle das yob koy čik dran peskre koola tele, oun penas ap lende: “T'maro rat vell ap t'maro shero. Man hi kek doosh. Kanna djau me pash kolende, kay kek bibolde hi.”

Remarja 2:16

Lauter kova, hoy an o mensheskro dji hi, vell diklo ap ko dives, kay hi o Yezous Kristo o čačepaskro ray oun rakrell o čačepen vin pral i menshende. Yaake penell les o Debleskro lab, hoy me i menshenge penau.

Remarja 2:5

Oun tou kameh gar pash leste te vell. Tiro dji hi har bar. Doleske vell o Debleskri rholi baro oun bareder, hoy ap toute vella ap ko dives, kay hi o Devel o čačepaskro ray oun rakrell o čačepen vin pral i tsele menshende.

2. Petro 2:6

Oun o Debleskri rholi vas pral kol forya Sodom oun Gomorra. Oun yob rhačras kol forya yaake te ačas či har barra oun yagakri čik. Yaake sikras yob kolende, kay pal lende venna, hoy djal kolentsa, kay gar ap leste shounenna.

2. Petro 2:9

O Devel, maro ray, hayvell garda te dell ap kolende, kay les kamenna, te perenn le gar o čačo dromestar tele. Yob hayvell ninna kol čilačen pandlo te rikrell, te lenn le pengri phagi ap ko dives, kay vell o čačepen vi-rakedo pral i tsele menshende.

2. Petro 3:7

Pral o bolepen oun i phoub, hoy kanna kay hi, penas o Devel, te ačenn le yaake rah, bis te venn le rhačedo an i yag. Yon ačenn yaake rah tardo, bis te vell ko dives, kay vell o Debleskri rholi pral i menshende ap kay phoub, oun yob kolen i phagi della, kay gar ap leste shounan.

1. Johanni 4:17

Mer te ham pherdo Debleskro kamlepen, palle hi men bouder kek daar glan o Debleste ap ko dives, kay o Devel o čačepen vi-rakrella pral i tsele menshende. Ninna te ham mer kanna ap kay phoub, ham mer o Debleha khetne, yaake har o Yezous Kristo o Debleha khetne hi.

Judas 1:7

Yaake lan ninna kol menshe i phagi, kay djivan an i forya Sodom oun Gomorra oun an kol forya troul lende. Yon kran vi-ladjedo koova har kol bolepangre oun djan vavar mass palla. I phagi, hoy pral kol menshende vas, sikrell mende, hoy kolenge djal, kay savo koova krenna. Yon djan an i yag, hoy hako tsiro rhačella.