Markus 5:34 - O Debleskro Lab 2024 (Sinte-Manouche)

³⁴ Yob penas ap late: “Romniya, tiro patsepen kras tout sasto. Dja mo Debleha! Tiro nasslepen vell bouder gar pale.”

O Evangelio Jezus Kristusester pala Markus 1912 (Sinte)

³⁴ Job ta phendes ape late: Čai, tiro pacepen hilderdes tuke, ma traše tuke, ta vejal sasto tiri naslepenester!

O Debleskro Drom 2021 (Sinte)

³⁴ Job penas ap late: “Romnija, tiro patsepen kras tut sasto. Dja mo Debleha! Tiro nasslepen well buder gar pale.”

Markus 5:34 ပူးပေါင်းရင်းမြစ်များ

2. Rajengro liil 5:19

O Elisa penas: “Dja o Debleha!” Oun o Naaman kras pes ap o drom.

Sikepaskro 9:7

Doleske rha tiro maro oun pi tiri mool i barhtelo djiyeha; kova kamell o Devel yaake toutar.

3. Mose 14:48

Te djal o rashay pale dren, oun yob dikell, te djas ko djounglepen gar doureder pal kova, kay makan le vavar čik ap i barra, palle rakrell o rashay vin, te hi o kheer bouder gar pale-čiddo. Ko djounglepen djas krik.

Mateo 9:2

Oun yon anan i morshes pash leste. Kova nashte nashell gar oun his ap o čiben čiddo. Oun har o Yezous kolengro patsepen dikas, penas lo ap ko morsheste: “Ma traash, miro čavo! Me lau tiri doosh toutar.”

Mateo 9:22

Oun o Yezous rissras pes trouyel, dikas lat, oun penas ap late: “Romniya ma traash! Tiro patsepen kras tout sasto.” Oun ap kava tsiro vas koy djouvel sasto.

Markus 10:52

Penas o Yezous ap leste: “Dja koy! Tiro patsepen kras tout sasto.” Oun ap yek kopo dikas yob nay pale, oun djas leha ap o drom.

Markus 5:29

Oun ap yek kopo djas kava nasslepen latar. Oun yoy hayvas, kay hi li sasto.

Markus 5:33

Koy djouvel kay djinas, hoy lake djas, trashas oun trissas. Oun yoy vas pash leste, oun peras glan leste tele ap i phoub, oun penas leske o tselo čačepen.

Louka 17:19

Oun yob penas ap kol morsheste: “Ste pre, oun dja khere! Tiro patsepen kras tout sasto.”

Louka 18:42

Penas o Yezous: “Palle dik! Tiro patsepen kras tout sasto.”

Louka 7:50

O Yezous penas ap late: “Tou patseh ap mande. Doleske hi tiri doosh toutar krik lino. Dja mo Debleha!”

Louka 8:48

Oun o Yezous penas ap late: “Romniya, tiro patsepen kras tout sasto. Dja mo Debleha!”

Bičepangre 14:9

Kova shounas, hoy o Paulo rakras. Oun har o Paulo hayvas, kay yob patsella, kay o Yezous nay krell les sasto, dikas lo ap leste,

Bičepangre 15:33

Oun har yon i tsiro an o foro Antiochia his, moukan kol patsle len te djal. Oun yon djan pale an o foro Yerusalem pash kolende, kay bičran len.

Bičepangre 16:36

Kova vas pash o Pauleste oun penas leske: “I čačepangre bičran man, te penap t'menge, te han t'mer gar bouder stildo. Avenn vin oun djan t'maro drom. Kek krell t'menge čilačepen!”

Jakobo 2:16

oun t'mer denn len gar, hoy len hounte vell djipaske? Palle hi lenge či moldo, te penell yek ap lende: “O Devel hi t'mentsa. Yob dell t'men rhapaske oun ripaske.”

1. Samuel 1:17

Kote penas o Eli ap late: “Dja o Debleha! O Israeleskro Devel dell tout kova, hoy tou lestar mangal.”

1. Samuel 20:42

“Ač mo Debleha”, penas o Yonatan ap o David. “O baro Devel mou krell, te bistras gar, hoy mer douy menge vin kram, oun dam men sovel glan leste. Ninna mire čave oun tire čave, oun kolla, kay pal lende venna, hounte rikrenn pen ap kova hako tsireske.”