Markus 5:22 - O Debleskro Lab 2024 (Sinte-Manouche)

²² koy vas i pralstouno pral i biboldengri kangri. Leskro lab his Yayro. Har dikas lo o Yezouses, peras lo glan leste tele,

O Evangelio Jezus Kristusester pala Markus 1912 (Sinte)

²² Pala vela jek i moskerender i kangeriender, o labeste Jairus.

O Debleskro Drom 2021 (Sinte)

²² koi was i pralstuno pral i biboldengri kangri. Leskro lab his Jairo. Har dikas lo o Jesuses, peras lo glan leste tele,

Markus 5:22 ပူးပေါင်းရင်းမြစ်များ

Mateo 2:11

Oun yon djan an ko kheer, oun dikan kote o ternepas oun leskri dat, i Mariat. Oun yon vitsran pen glan leste tele, mangan les an, oun čivan ko kouč bravlepen glan leste, hoy dan le leste. Oun kova his sonakay, kouč kasht, hoy soungella mishto, ninna vavar kouč kasht, hoy vella djet lestar kerdo.

Markus 5:33

Koy djouvel kay djinas, hoy lake djas, trashas oun trissas. Oun yoy vas pash leste, oun peras glan leste tele ap i phoub, oun penas leske o tselo čačepen.

Markus 5:38

Oun yon van an o kheer kol pralstunestar. Oun yob dikas kote boud menshen, kay nashan kate oun kote oun rovan oun dan bari gole.

Louka 13:14

Koy rhoyras pes ko pralstouno an i biboldengri kangri, kay o Yezous koy djouvyat ap o Debleskro dives sasto kras. Oun kova penas ap i menshende: “Mer hounte boudras shob divessa. Avenn an kolla divessa, te moukenn t'men sasto te krell, oun gar ap o Debleskro dives!”

Louka 5:8

Har o Simon Petro kova dikas, peras lo glan o Yezouseste tele ap i phoub, oun penas: “Dja touke mandar, miro ray! Me hom i morsh, ap kaleste doosh hi.”

Louka 8:28

Boud kope tapras les o beng. Oun i menshe pandan les sasterne shellentsa ap i vasta oun ap i pire. Yob phagas kol sasterne shelle pestar tele. Oun o beng tradas les an o moulo them. Har ko morsh kanna o Yezouses dikas, vitsras pes lo glan leste ap i phoub. Oun o Yezous penas zoreles ap o bengeste: “Dja lestar vin!” Koy das yob bari gole: “Yezous, čavo o baro Deblestar, hoy kameh tou mandar? Me mangau tout: Ma douke man!”

Bičepangre 13:15

Koy pal, har i bibolde dran kol lila glan draveran, hoy o Mose oun o Debleskre rakepangre činan, moukan lenge kol pralstoune pral i biboldengri kangri te penell: “Mare phrala, te kamenn t'mer menge i lab te penell, hoy krell men zorelo an o patsepen, penenn les menge!”

Bičepangre 18:17

Koy tapran kol bibolde o Sostenes, kol pralstounes pral i biboldengri kangri, oun dan les dava glan o Gallio, oun kova dikas kova, oun kras či.

Bičepangre 18:8

O Krispo, ko pralstouno pral i biboldengri kangri, vas peskre tsele menshentsa patslo ap o rayeste, o Yezouseste. Ninna boud menshe an o foro Korint van patslo oun moukan pen te taufrell.

Debleskro tsiro 22:8

Oun me, o Yohanni, hom kova, hoy kava shounas oun dikas. Oun har kova shounom oun dikom, vitsrom man tele ap i phoub glan o bolepaskro, te sharap les, koles, kay man kova lauter sikras.