Markus 4:6 - O Debleskro Lab 2024 (Sinte-Manouche)

⁶ Har kanna o kham pre djas, vas ko djob, kay gar dour an i phoub his, rhačedo oun meras tele.

O Evangelio Jezus Kristusester pala Markus 1912 (Sinte)

⁶ Her ta gejes o baro kham pre, has len mule, vel ta has len kenk drab.

O Debleskro Drom 2021 (Sinte)

⁶ Har kanna o kham pre djas, was ko djob, kai gar dur an i phub his, chatchedo un meras tele.

Markus 4:6 ပူးပေါင်းရင်းမြစ်များ

Kamlepaskri gili 1:6

Ma dikenn tele ap mande, har kalo hom! O kham rhačas man kales. Mire phrala his rhoyedo ap mande, oun kaman te dap garda ap i drakengre rouka. Ap miro shoukapen nay dom kek garda.

Jesaja 25:4

Čačepah, tou val o čorveleske har i zorelo kheer, kay yob pes nay khatrell. Te krenn le leske o djipen phares, nay vell lo pash toute. Tou hal har i kheer, kay nay khatrell yek pes, te dell baro brishin, oun te rhačell o kham tele. Kol pralstoune, kay zoryah ap mende djan, hi har i baro phourdepen, hoy phourdell an o vend,

Jona 4:8

Oun har o kham ap o bolepen tardo his, moukas o baro Devel i tato phourdepen dran o moulo them te vell, oun o kham das yaake čourye ap o Yoneskro shero, te nashras lo peskri zoor. Oun yob kamas te merell oun penas: “Miro merepen hi mange mishto, boudeder har te djivap!”

Mateo 13:6

Oun har o kham djas pre, vas ko djob, kay gar dour an i phoub his, rhačedo oun meras tele.

Markus 4:5

Vavar djob peras ap i barra. Koy his gar boud phoub. Dran kova vas ko djob sik dran i phoub vin.

Markus 4:7

Vavar tikno djob peras tel i soubyengre bourra, oun kol bourra van baro oun tassran les, yaake, kay vas ko djob gar baro.

Efesarja 3:17

Me mangau lestar ninna, te djivell o Yezous Kristo an t'mende dran t'maro patsepen, oun te kamenn t'mer o Debles oun ninna yek o vavares o djiyestar. Palle han t'mer har i rouk, koleskre draba djan dour an i phoub. Oun t'mer han har i kheer, hoy zoreles tardo hi.

Kolossarja 2:7

te vell t'maro patsepen yaake zorelo har i rouk, hoy zoreles an i phoub tardo hi! Ma moukenn ko čačo drom, hoy t'mende siklo vas! Bistrenn vitar gar, te parkrenn t'men boud pash o Debleste!

2. Tessalonikarja 2:10

Oun rhorhepah anell lo kolen ap o čilačo drom, kay djan nashedo. Kolla hi kol menshe, kay kaman gar o čačepen te shounell. Te patsans le o čačepen, nay vans le vin lino dran o čilačepen oun o merepen.

Jakobo 1:11

O kham djal pre oun rhačrell o zenlepen. Oun koy blouma perell tele, oun nashrell peskro shoukapen. Yaake har koy blouma, yaake merella ninna ko bravelo ap peskro drom.

Judas 1:12

Kol menshenge hounte ladjenn t'men. Te venn t'mer khetne, te piyenn oun te rhan, palle rhan yon pen thoulles pash t'mende oun ladjenn pen gar. Yon dikenn ap pende kokres, te djal lenge kokres mishto. Yon krenn bare laba, hoy či moldo hi. Yon hi har rouka, ap kolende či baro vella, vitar kek patria, oun kay hi tseles moulo oun venn tele dino.

Debleskro tsiro 7:16

Oun yon hounte bokenn bouder gar, vitar gar troushenn le bouder. Oun o kham rhačrell len bouder gar, vitar kek vavar tatepen.