Markus 4:2 - O Debleskro Lab 2024 (Sinte-Manouche)

² Oun yob rakras ap lende boud save laba, kay hi i khatedo čačepen dren. Oun yob penas ap lende:

O Evangelio Jezus Kristusester pala Markus 1912 (Sinte)

² Ta job sikerden len but drucha parnisende, ta phendes lenge ani leskr sikerpen: Šunena:

O Debleskro Drom 2021 (Sinte)

² Un job rakras ap lende bud sawe laba, kai hi i khatedo tchatchepen dren. Un job penas ap lende:

Markus 4:2 ပူးပေါင်းရင်းမြစ်များ

Debleskri gili 49:4

Miro mouy rakrell goseve laba, oun dran miro dji vell kova, hoy mishto hayvom.

Debleskri gili 78:2

Me kamau te rakrap i goseve labentsa pral i phoure tsirya.

Mateo 13:10

Oun leskre mala van pash leste oun poučan lestar: “Hoske rakreh tou save laba ap lende, kay i khatedo čačepen dren hi?”

Mateo 13:3

Oun o Yezous rakras ap lende boud save laba, kay hi i khatedo čačepen dren. Oun yob penas: I harho djas vin, te vitsrell lo o tikno djob ap peskro kotar them, te vell ko djob bares.

Mateo 7:28

Oun har o Yezous kova lauter penas, kran kol boud menshe, kay troul leste his, bare yaka.

Markus 10:1

Oun o Yezous djas doureder oun vas an ko them Youdea oun an o them ap i vavar rig o panyestar Yordan. Oun pale nashan boud menshe pash leste khetne. Oun yaake har yob boud kope kras, kras lo kote ninna, oun penas lenge o Debleskro lab.

Markus 12:1

Oun o Yezous penas lenge laba, kay i khatedo čačepen dren hi. Oun yob penas: His i morsh, koles his i kotar them. Kote čivas lo drakengre rouka an i phoub. Troul ko kotar them čivas lo barra. Oun kote kras lo ninna i platsa an i phoub, kay nay stakrenn le ap i drake, te vell i mool vin. Mashkral kol rouka kras lo i kheer, kay kova beshdo hi, kay dell garda ap i drake. Palle patsas lo ko kotar phoub ap i harhende, te boudrenn le kote leske. Oun yob djas peske an i vavar them.

Markus 12:38

Oun yob rakras ap lende oun penas: Denn yak ap t'mende! Kova, hoy kol biboldengre čačepangre krenna, hi gar mishto. Len hi lengste koola ap lende, te sikrenn le, te hi le o Debleskre menshe. Te djan le an o foro, kamenn le, te penenn i menshe “Lačo dives, mo ray” ap lende.

Markus 3:23

Oun o Yezous kharas len khetne, oun rakras ap lende laba, kay i khatedo čačepen dren hi. Oun yob penas: Har nay tradell o beng o benges vin?

Markus 4:11

Koy penas lo ap lende: O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. Kol vavar, kay vin hi, ap kolende rakrau save labentsa, kay i khatedo čačepen dren hi,

Markus 4:3

Shounenn, i harho djas vin, te vitsrell lo o tikno djob ap peskro kotar phoub, te vell ko djob baro.

Johanni 18:19

Kanna poučas o baro rashay o Yezouses vin pral leskre malende oun pral kova, hoy yob i menshenge penas.