Markus 4:16 - O Debleskro Lab 2024 (Sinte-Manouche)

¹⁶ Ko kotar phoub, kay pherde barra hi, hi har o dji kol menshendar, kay shounenn ko lab, oun lenn les i barhtyatar sik pre,

O Evangelio Jezus Kristusester pala Markus 1912 (Sinte)

¹⁶ Keake hin nina kale, kai hi apo baresker kunč vicerdo; ta šunden kale kova lab,

O Debleskro Drom 2021 (Sinte)

¹⁶ Ko kotar phub, kai pherde barra hi, hi har o dji kol menshendar, kai shunenn ko lab, un lenn les i bachtjatar sik pre,

Markus 4:16 ပူးပေါင်းရင်းမြစ်များ

Mateo 13:5

Oun vavar djob peras ap i barra, kay gar boud phoub his. Dran kova vas ko djob sik dran i phoub vin.

Markus 4:15

Ko drom hi har o dji kol menshendar, kay shounenn ko lab. Palle vell sik o beng, oun lell ko lab lendar krik, kay lenge penlo vas.

Markus 4:17

oun bistrenn les ninna pale sik. Yon moukenn les gar an pengro dji zoreles te vell. Te vell i pharo tsiro ap lende, oun te venn le mange palla lino, palle vitsrenn le pengro patsepen ap i rig.

Markus 6:20

O Herodes trashas o Yohannestar. Yob djinas, kay o Yohanni i Debleskro morsh hi, kay djas o čačo drom. Doleske das lo garda ap leste oun rikras les an o stilepen. Yob kamas o Yohanneskro rakepen. Hako kopo, kay yob les shounas, djinas lo bouder gar, hoy te krell lo oun te penell lo.

Louka 8:13

Ko kotar phoub, hoy hi pherde barra, hi har o dji kol menshendar, kay shounenn o Debleskro lab, oun lenn les barhteles pre. O lab vell gar zorelo an lengre djia. I tikno tsiro patsenn le. Oun te vell pharo tsiro ap lende, vitsrenn le pengro patsepen ap i rig.

Johanni 5:35

O Yohanni his i momeli, kay rhačas. Oun i tikno tsiro hans t'mer barhtelo pral kova, hoy yob penas oun kras.

Bičepangre 26:28

Koy penas o Agrippa ap o Pauleste: “Rakreh tou kate ap mande, te djap me ninna ap o Yezouseskro drom, oun kava an savo tikno tsiro?”

Bičepangre 8:13

Koy vas ninna o Simon patslo, oun moukas pes te taufrell. Palle ačas lo pash leste. Oun har o Simon ko baro oun zorelo koova dikas, hoy o Filipo an o Debleskri zoor kras, ačas leske o rakepen krik.