Markus 3:20 - O Debleskro Lab 2024 (Sinte-Manouche)

²⁰ O Yezous djas an i kheer. Koy van pale boud menshe khetne, yaake, kay his len kek tsiro, te rhan le.

O Evangelio Jezus Kristusester pala Markus 1912 (Sinte)

²⁰ Her ta gejenle khere, has but džene ketene, keake ta chanele buter ger lengr maro.

O Debleskro Drom 2021 (Sinte)

²⁰ O Jesus djas an i kheer. Koi wan pale bud menshe khetne, jaake, kai his len kek tsiro, te chan le.

Markus 3:20 ပူးပေါင်းရင်းမြစ်များ

Markus 1:45

Oun ko morsh djas peske, oun rakras boud pral kova, hoy o Yezous leske kras. Oun boud shounan kova, yaake, te nay djas o Yezous bouder gar an i forya dren, har yob kamas. Oun yob his vin, kote, kay kek menshe djivan. Oun kote van le pash leste dran i tsele gaba oun forya.

Markus 2:1

Pal i tikno tsiro djas o Yezous pale an o foro Kapernaum. Oun boud shounan, kay yob an o kheer his.

Markus 3:19

oun o Youdas Iskariot, ko phoukepaskro.

Markus 3:7

O Yezous oun leskre mala djan penge pash o baro pani. Oun boud menshe dran o them Galilea djan leske palla. Ninna boud vavar djan pash leste, kay shounan, hoy yob lauter kras. Kolla van dran o them Youdea, oun dran o foro Yerusalem, oun dran o them Idumea oun dran o them ap i vavar rig o panyestar Yordan, oun dran ko them, kay i forya Tirus oun Sidon čiddo hi.

Markus 3:9

Oun o Yezous kras boud menshen sasto. Doleske van lauter, kay nasselo hi, pash leste. Oun hakeno kamas les an-taprell, te vell lo sasto. Koy penas o Yezous ap peskre malende, te anenn le leske i tikno bero, kay yob nay pre djala, te vell lo gar paash stakedo.

Markus 6:31

Kote his yaake boud menshe, kay van oun djan, te his len kek tsiro, te rhan le. Oun yob penas ap lende: “Avenn, djas kote, kay kokres ham, te lenn t'mer nevi zoor!”

Markus 7:17

Pale moukas lo kol menshen, oun djas an o kheer. Kote poučan leskre mala lestar, hoy yob kol labentsa kamas te penell.

Markus 9:28

Har o Yezous khere vas, oun yon kokres his, poučan leskre mala lestar: “Hoske tradam mer ko benges nashte gar vin?”

Louka 6:17

Pal kova djas o Yezous lentsa i berga tele. Oun yon van ap i bourhlo kotar them. Koy his boud kolendar khetne, kay leske palla djan, oun ap leste shounan. Ninna boud vavar menshe his kote. Oun kolla van dran o tselo them Youdea oun dran o foro Yerusalem, ninna dran o them, kay i forya Tirus oun Sidon čiddo hi.