Markus 2:22 - O Debleskro Lab 2024 (Sinte-Manouche)

²² Oun kek čorell nevi mool an i phoure molyakre gone. I nevi mool krell i phoure molyakre gone paash. Oun koy mool nashell vin, oun kol molyakre gone djan paash. I nevi mool vell čoredo an neve molyakre gone!”

O Evangelio Jezus Kristusester pala Markus 1912 (Sinte)

²² Kenk dženo čorelo nevo mol ane phure morcene pedenge, ta o mol vele mulo, ta o morcene pede hin našerdo. I nevo mol našti ani nevo morcene pedenge drin špildo.

O Debleskro Drom 2021 (Sinte)

²² Un kek tchorell newi mool an i phure moljakre gone. I newi mool krell i phure moljakre gone paash. Un koi mool nashell win, un kol moljakre gone djan paash. I newi mool well tchoredo an newe moljakre gone!”

Markus 2:22 ပူးပေါင်းရင်းမြစ်များ

Hiob 32:19

Te nay rakrau gar, djal mange har i molyakro gono, kay nevi mool dren hi, hoy nay vell gar vin, oun o gono pre phagell.

Debleskri gili 119:80

Mouk miro dji ap tiro drom te ačell, te krap, hoy mandar kameh, yaake te hounte ladjap man gar.

Debleskri gili 119:83

Me perom an mande khetne har i molyakro gono, hoy pash i yag čiddo hi. Ninna te hi man bouder kek zoor, bistrau me gar, hoy tou mandar kameh.

Mateo 9:17

Oun kek čorell i nevi mool an i phoure molyakre gone. I nevi mool krell i phoure molyakre gone paash. Oun i mool nashell vin. I nevi mool vell čoredo an i neve molyakre gone. Palle djal i nevi mool oun i neve molyakre gone gar paash.”

Markus 2:21

Kek sivell i nevo kotar than ap i phouro ripen. Pash o thopen vell o nevo kotar tikneder oun tserdell pes pale tele, oun o phouro ripen djal boudeder paash.

Markus 2:23

Ap yek Debleskro dives djas o Yezous ap i kotar them, kay djob baro vas. Oun leskre mala lan o djob an i vasta, te rhan le.

Josua 9:13

Oun kal molyakre gone, kay his neve, har len khere pherdo kram, kanna van le phoure oun djan paash. Kalla mare koola oun kirrha van phoure oun djan paash ap ko dour drom, hoy hounte djam.”

Josua 9:4

koy moukan le penge an i shere trouyel te djal, har nay rhorhenn le len, te ačenn le djido. Oun yaake djan le koy oun lan rhapen pentsa an phoure gone, hoy le ap pengre bourike čivan, ninna phoure molyakre gone, hoy paash his oun pale sido van.