Markus 16:17 - O Debleskro Lab 2024 (Sinte-Manouche)

¹⁷ Kolla, kay patsenn ap mande, krenn baro koova an o Debleskri zoor. An miro lab tradenn le bengen i menshendar vin, oun rakrenn an vavar rakepen.

O Evangelio Jezus Kristusester pala Markus 1912 (Sinte)

¹⁷ Kalen kai pacena veles kome kaja botenge kandlo: Ani miro lab tradena jon bengen vri, ta rakerena o neve rakerpenca.

O Debleskro Drom 2021 (Sinte)

¹⁷ Kolla, kai patsenn ap mande, krenn baro koowa an o Debleskri soor. An miro lab tradenn le bengen i menshendar win, un rakrenn an wawar rakepen.

Markus 16:17 ပူးပေါင်းရင်းမြစ်များ

Markus 9:38

Koy penas o Yohanni ap leste: “Ray, mer dikam i morshes. Kova tradas bengen vin an tiro lab. Yob his kek mendar. Doleske penam leske: Ma kre kova bouder gar!”

Louka 10:17

Oun kol efta-deesh van pale pash o Yezouseste. Oun yon his barhtelo, oun penan leske: “Ninna i benga shounenn ap mende, te penah mer lenge an tiro lab: Djan dran i menshende vin!”

Johanni 14:12

Čačepah, me penau t'menge: Koon ap mande patsella, krell ninna kova, hoy me krau. Oun yob krell bareder koova har me, kanna, kay djau me pash o dadeste.

Bičepangre 10:46

Yon shounan, har kol menshe an i vavar rakepen rakran, oun o Debles sharan. Koy penas o Petro ap lende:

Bičepangre 16:18

Kova das li gole hako dives. O Paulo vas rhoyedo, oun rissras pes trouyel, oun penas ap ko bengeste, kay hi an late: “Me penau touke an o Yezous Kristeskro lab: Dja dran late vin!” Koy djas o beng dran kay rakli vin.

Bičepangre 19:6

Oun o Paulo čivas i vasta ap lende, oun o Debleskro Dourho vas ap lende. Oun yon rakran an vavar rakepen, oun penan kova, hoy o Devel lende sikras.

Bičepangre 2:33

Oun o Devel kras les ray pral halauter, oun čivas o Debleskro Dourho ap leste, yaake har yob penas. Oun ko Debleskro Dourhes čivas o Yezous ninna ap mende. Kava shounenn oun dikenn t'mer kate.

Bičepangre 5:16

Ninna dran vavar forya, hoy troul o foro Yerusalem čiddo his, anan yon i nasselen oun kolen, kay an lende benga his. Oun lauter van sasto.

Bičepangre 8:7

Boud menshendar tradas lo bengen vin. Kolla dan zoreles gole, har yon lendar vin djan. Oun boud menshe, kay his bango oun nay djan gar, van sasto.

1. Korintarja 12:10

I vavares dell yob i zoor, te krell yob baro koova, hoy kek kokres pestar nay krella. Oun pale i vavar penell i menshenge, hoy o Devel leste sikras. Oun pale i vavar hayvella, hoy o Deblestar vella, oun hoy gar o Deblestar vella. Vavar rakrenn an vavar rakepen, hoy o Debleskro Dourho len das. Oun pale vavar penenn, hoy koy rakedo vas.

1. Korintarja 12:28

Kote, kay i patsle khetne venna, das o Devel hakenes i boudi. Peskre bičepangren das lo koy boudi, te penenn le i menshenge peskro lab. Oun vavar hi o Debleskre rakepangre, kay penenna, hoy o Devel len sikras. Koy hi ninna sikepangre, kay sikrenn i menshende o Debleskro drom, oun kolla, kay krenn baro koova an o Debleskri zoor, kay kek kokres pestar nay krella. Vavaren das yob i zoor, te krenn le i nasselen sasto. Hi patsle, kay hi o vavarenge koy, oun ninna vavar, kay rikrenn i patslen khetne, oun pale vavar, kay rakrenn nay an i vavar rakepen, hoy o Debleskro Dourho len das.

1. Korintarja 12:30

Gar halauter lendar lan koy zoor o Deblestar, te krenn le i nasselen sasto. Gar halauter lendar nay rakrenn an i vavar rakepen, oun gar hakeno nay penell, hoy koy rakedo vas.

1. Korintarja 13:1

Ninna te rakroms me nay an hako rakepen, hoy i menshe oun i bolepangre rakrenna, oun te vals man gar o Debleskro kamlepen an miro dji, palle voms me har i bashepaskro, kay bashrell gar mishto. Leskro bashepen molella či.

1. Korintarja 14:2

Kova, kay rakrella an i rakepen, hoy o Debleskro Dourho les das, oun hoy kek hayvella, kova rakrell gar i menshenge. Yob krell kova o Debleske. O Debleskro Dourho dell les koy zoor, te rakrell lo, hoy kek mensho djinella.