Markus 16:16 - O Debleskro Lab 2024 (Sinte-Manouche)

¹⁶ “Koon patsell ap mande oun vell taufedo, kova djal gar nashedo. Koon gar ap mande patsella, kova djal nashedo!

O Evangelio Jezus Kristusester pala Markus 1912 (Sinte)

¹⁶ Kon ta pacela ta hila boldo, kava vela hilderdo, kon ta pacela či, kava vela gar hilderdo.

O Debleskro Drom 2021 (Sinte)

¹⁶ “Koon patsell ap mande un well taufedo, kowa djal gar nashedo. Koon gar ap mande patsella, kowa djal nashedo!

Markus 16:16 ပူးပေါင်းရင်းမြစ်များ

Mateo 28:19

Doleske djan pash i menshende an hake themma, oun penenn lenge mire laba, te patsenn le ap mande! Taufrenn len ap o lab o dadestar, o čavestar oun o Debleskro Dourho!

Markus 1:15

Oun yob penas: “O tsiro vas, kay lell o Devel i menshen dran o čilačepen vin. Moukenn t'maro phouro djipen! Oun djan ap o Debleskro drom! Oun patsenn ap kava lačo lab!”

Louka 8:12

Ko drom hi har o dji kol menshendar, kay shounenn o Debleskro lab. Oun o beng vella, oun lell kova lenge pale dran o dji vin, te patsenn le gar ap o Debleste oun venn gar ap leskro drom.

Johanni 20:31

Kava vas činlo, te patsenn t'mer, kay o Yezous ko baro ray hi, kolestar o Devel penas, te vell yob. Yob hi o Debleskro čavo. Oun te patsenn ap leste, lenn t'mer o čačo djipen lestar.

Johanni 3:36

Koon ap o čaveste patsella, koles hi ko djipen, hoy gar pre-herella. Koon ap o čaveste gar patsella, koles vell ko čačo djipen gar. O Debleskri rholi ačell pral leste.”

Johanni 3:5

Penas o Yezous ap leste: “Čačepah, me penau touke: Te vell yek gar neves boldo dran o pani oun dran o Debleskro Dourho, nay djivell lo gar khetne o Debleha.

Johanni 5:24

Čačepah, me penau t'menge: Koon miro lab shounella, oun patsell ap koleste, kay man bičras, koles hi ko djipen, hoy gar pre-herella. Pral leste vell kek phagi vi-rakedo. Yob moukas ko merepen pal peste, oun djas an o djipen.

Johanni 6:29

Penas o Yezous ap lende: “O Devel kamella, te patsenn ap koleste, kay yob bičras.”

Johanni 6:35

O Yezous penas lenge: “Me hom ko maro, kay della ko djipen. Koon pash mande vella, koles vell bouder kek bok. Oun koon ap mande patsella, koles vell bouder kek troush.

Johanni 6:40

Kova kamell miro dad: Hakeno, koon o čaves dikella, oun ap leste patsella, lell o djipen, hoy gar pre-herella. Oun me krau les i moulendar djido ap o palstouno dives.”

Johanni 8:24

Doleske penom t'menge: T'mer merenn an t'maro čilačepen. T'mer te patsenn gar, kay me kova hom, koon me hom, palle merenn t'mer an t'maro čilačepen.”

Bičepangre 10:43

Kolestar rakrenn i tsele Debleskre rakepangre an pengre lila. Yon penenn, kay lell o Devel i doosh hakenestar krik, koon ap o Yezous Kristeste patsella.”

Bičepangre 13:39

Koon ap o Yezouseste patsella, koleskri doosh lell o Devel lestar krik.

Bičepangre 13:46

O Paules oun o Barnabes his kek traash lendar, oun penan lenge: “T'menge hounte vas o Debleskro lab glan kol tsele vavar menshende penlo. Har kamenn t'mer kanna či kolestar te djinell, sikrenn t'mer, te han gar moldo, te lenn ko djipen, hoy gar pre-herella. Doleske djah mer kanna pash kolende, kay hi kek bibolde.

Bičepangre 2:38

Koy penas o Petro ap lende: “T'mer anan doosh ap t'mende. Mangenn t'men tele glan o Debleste! Oun moukenn t'men ap o Yezous Kristeskro lab te taufrell, te lell o Devel t'mari doosh t'mendar tele, oun te lenn t'mer o Debleskro Dourho!

Bičepangre 2:41

Kolla, kay lan leskre laba an pengro dji pre, moukan pen te taufrell. Oun ap ko dives van triin zerya menshe ap o Yezouseste patslo.

Bičepangre 22:16

Oun kanna ste pre! De leskro lab an-gole! Oun mouk tout te taufrell, oun tiri doosh tele te thovell!”

Remarja 3:6

Na-a, len hi gar čačo! O Devel djal pal o čačepen. Te djals o Devel gar pal o čačepen, nay rakrals lo gar o čačepen vin pral i tsele menshende.

Remarja 4:24

Kova vas ninna menge činlo, kay patsah ap o Debleste. Kova kras o Yezouses, maro rayes, i moulendar djido. Mer te djinas: Maro patsepen čivell men ninna an o čačepen.

2. Tessalonikarja 1:8

oun i yag hi troul lende. Palle vell o Debleskri rholi pral kolende, kay kaman lestar či te djinell, kolla kay shounan gar ap o lačo lab maro rayestar, o Yezousestar, oun kaman gar ap leskro drom te djal.

2. Tessalonikarja 2:12

Yaake lenn kolla pengri phagi, kay kaman o čilačepen boudeder har o čačepen.

1. Petro 1:21

Yob anas t'men ap o Debleskro drom. O Devel kras les i moulendar djido, oun das les peskro raylepen. Doleske čivenn t'maro tselo patsepen ap leste!

1. Petro 3:21

Yaake har van kol orhta menshe vin lino dran o merepen, yaake djas t'menge kanna ninna, har van t'mer taufedo. Kote vas gar koy čik t'mendar tele thodo. Na-a! Koon moukell pes te taufrell, kova mangell o Debles, te dell lo les i djoudjo dji. Kova nay dell o Devel leste doleske, kay stas o Yezous Kristo i moulendar pre oun djas an o bolepen. Kanna hi lo beshdo ap i čači rig o Deblestar, oun hi o ray pral i tsele bolepangre, oun pral i tsele pralstoune oun zorele an o bolepen.

Debleskro tsiro 21:8

Kol vavar djan an i bari yag, hoy zoreles rhačella oun khandella. Kote merenn le o douyto kopo. Yon hi kolla, kay i daryatar gar mantsa djan, kolla, kay phoukran ap pengro patsepen, kolla, kay djoungelo koova kran, kolla, kay maran vavaren, kolla, kay loubran pen trouyel, kolla, kay bengeskro koova kran, kolla, kay mangan vavar koova an har o Debles, oun i tsele rhorhene.