Markus 16:15 - O Debleskro Lab 2024 (Sinte-Manouche)

¹⁵ Oun yob penas ap lende: “Djan pash i tsele menshende ap i phoub oun sikrenn hakeneste miro drom!”

O Evangelio Jezus Kristusester pala Markus 1912 (Sinte)

¹⁵ Ta job phendes apo lenge: Džan tume koi ani celo phub, ta rakerena o sastobičerpen hake džene.

O Debleskro Drom 2021 (Sinte)

¹⁵ Un job penas ap lende: “Djan pash i tsele menshende ap i phub un sikrenn hakeneste miro drom!”

Markus 16:15 ပူးပေါင်းရင်းမြစ်များ

Debleskri gili 22:27

Mou rhan i čorvele oun venn čalo! Oun kolla, kay ap o baro Debleste gole denna, mou sharenn les! Lenge te vell i djipen, hoy gar pre-herella!

Debleskri gili 96:3

Penenn kolenge, kay les gar prindjrenna, havo raylepen les hi. Penenn i menshenge an hake themma havo baro koova yob kras.

Debleskri gili 98:3

Yob bistras gar peskro lačepen o khereske Israel, oun rikrell peskro lab, hoy das lo lende. I tseli phoub dikas, har las lo len vin dran o čilačepen.

Jesaja 45:22

T'mer menshe ap i tseli phoub, avenn pash mande! Oun me lau t'men dran o čilačepen vin. Me hom o Devel oun dell kek vavar har man!

Jesaja 49:6

Yob penas: Kova hi gar doha, te hal miro boudepaskro, te čivess o them Israel pale pre, oun aness kolen pale pash mande, kay o Yakobeskre čavendar pral ačan. Na-a, me krau ninna, te vess i momeli i tsele natsyonenge, hoy sikrell halauterenge ap i phoub, kay lau len dran o čilačepen vin.

Jesaja 52:10

Glan i yaka i menshendar an i tsele themma sikrell o baro Devel peskri zoor, kolah yob peskre menshen vin lell dran o pandepen. Ap i tseli phoub dikenn le, har maro Devel peskre menshen khere anell.

Mateo 28:19

Doleske djan pash i menshende an hake themma, oun penenn lenge mire laba, te patsenn le ap mande! Taufrenn len ap o lab o dadestar, o čavestar oun o Debleskro Dourho!

Markus 13:10

Glan ko tsiro, kay i phoub paash djala, hounte vell o lačo lab mandar penlo an i tsele themma.

Johanni 15:16

T'mer rodan man gar vin. Me rodom t'men vin, te djivenn yaake, te vell dran t'maro djipen lačo koova, hoy ačella. Oun o dad dell t'men halauter, hoy mangenn lestar an miro lab.”

Johanni 20:21

Pale penas o Yezous ap lende: “O Debleskri barht t'mentsa! Har miro dad man bičras, yaake bičrau me t'men.”

Bičepangre 1:2

yaake rah har yob gomme gar an o bolepen djas. Glan kova, kay djas lo an o bolepen, rakras lo kolentsa, kolen yob vin rodas, te venn le leskre bičepangre, oun penas lenge an i zoor, hoy das les o Debleskro Dourho, hoy yon hounte krenna.

Bičepangre 1:8

Ap t'mende vell o Debleskro Dourho oun dell t'men i bari zoor. Palle rakrenn t'mer mandar an o foro Yerusalem, oun an o tselo them Youdea, oun an o them Samaria, oun ap i tseli phoub.”

Remarja 10:18

Kanna poučau t'mendar: Shounan i bibolde ko lab gar? Ava! Yon shounan kova lauter. Yaake hi činlo an o Debleskro lab: Ap i tseli phoub shounan le ko rakepen. An i tsele themma vas ko lab penlo.

Remarja 16:26

Kanna vell ko drom diklo. Ko dromestar činan i Debleskre rakepangre an pengre lila, yaake har o baro Devel kamas. Kova djivella hako tsiro, oun kamas i tsele menshendar ap i phoub, te patsenn le oun shounenn le ap leste.

Efesarja 2:17

O Yezous Kristo vas, oun sikras lauteren o drom pash o Debleste. T'men, kay t'mer dour o Deblestar hans, oun ninna i bibolden, kay gar dour o Deblestar his, sikras lo ko drom, te djivas mer lauter pash leste khetne.

Kolossarja 1:23

Yek koova hounte krenn t'mer: Ačenn ap o Yezouseskro drom! Patsenn zoreles ap leste! Moukenn gar tele, te dikenn ap kova, hoy t'men hi pash o Debleste! Rikrenn zoreles ap leskro lačo lab, hoy t'menge penlo vas! Ko lab vas penlo ap i tseli phoub. Ninna me, o Paulo, hounte penap ko lab i menshenge. Kova hi miri boudi.

Kolossarja 1:6

Kava lačo lab vas gar t'menge kokres penlo. Na-a, kava lab vell ap i tseli phoub penlo. Oun boud oun boudeder menshe venna patsle. Yaake hi ninna pash t'mende: T'mer shounan ko lačo lab, oun hayvan čačepah, kay hi o Devel lačes ap t'mende.

1. Johanni 4:14

Mer dikam, kay o Devel, maro dad, peskro čaves bičras. Doleske penah mer i menshenge, kay yob kova hi, kay lell len vin dran o čilačepen oun o merepen.

Debleskro tsiro 14:6

Oun me dikom i vavar bolepaskres dour pral ap o bolepen. Kova hounte penas i menshenge o lačo lab, hoy ačella oun gar pre-herella. Yob penas les i tsele menshenge, hoy ap i phoub djivenna, haki natsyona, haki harmenatsyona, hako rakepen, oun an hake themma.