Markus 16:14 - O Debleskro Lab 2024 (Sinte-Manouche)

¹⁴ Koy pre, har kol deesh-te-yek pash o rhapen beshdo his, moukas lo pes lendar te dikell oun čingras ap lende, kay hi lengre djia har barra, oun te patsan le gar kolenge, kay les dikan, har yob i moulendar pre stas.

O Evangelio Jezus Kristusester pala Markus 1912 (Sinte)

¹⁴ Palduno sikerdes pes job kola dešjekenge, kai bešjen paši chamaskero; job ta čingerdes lenger bipacepen, ta lenger midžiko dzi, vel ta pacenle kolenge gar, kai dikhen les, her ta has lo preštardo.

O Debleskro Drom 2021 (Sinte)

¹⁴ Koi pre, har kol deesh-te-jek pash o chapen beshdo his, mukas lo pes lendar te dikell un tchingras ap lende, kai hi lengre djia har barra, un te patsan le gar kolenge, kai les dikan, har job i mulendar pre stas.

Markus 16:14 ပူးပေါင်းရင်းမြစ်များ

4. Mose 14:11

Oun o baro Devel penas ap o Mose: “Har rah rakrenn kol menshe djoungeles pral mande? Oun har rah kamenn yon gar ap mande te patsell, vitar gar, kay krom yaake boud baro oun zorelo koova pash lende?

Mateo 11:20

Palle čingras lo pral kol forya, kay yob boud baro koova kras an o Debleskri zoor. I menshe kote moukan gar pengro čilačo drom, te djan le ap o Debleskro drom.

Mateo 17:20

Penas lo ap lende: “T'maro patsepen hi tikno. Čačepah, me penau t'menge: Te vals t'maro patsepen ninna tikno har i senftikro djob, nay penans t'mer ap kay berga: Čip tout ap koy vavar rig! Oun koy berga čivals pes ap i vavar rig. Oun či nashte vals, hoy t'mer nashte gar krans.”

Mateo 28:17

Oun har yon les dikan kote tardo, peran le glan leste tele, ninna te patsan gar lauter, te hi yob čačepah o Yezous.

Markus 7:18

Oun yob penas ap lende: “Hayvan t'mer vitar gar? Hayvan t'mer gar, kay lauter, hoy an o mensheskro mouy dren vella, kova nashte krell les gar pale-čiddo.

Louka 24:11

Oun kova, hoy i djouvya penan, his i morshenge dinelo rakepen. Oun yon patsan kol djouvyen gar.

Louka 24:25

Koy penas o Yezous ap lende: “T'mer hayvan či. An t'maro dji djal či dren. Hoske patsenn t'mer kova gar, hoy o Debleskre rakepangre glan i rah tsiro penan?

Johanni 20:25

Ap leste penan i vavar kol deesh-te-douyendar: “Mer dikam maro rayes!” Yob penas ap lende: “Te dikau me gar leskre vasta, kay saster dren dino vas, oun te čivau me gar miro goushto koy dren oun miro vast an leskri rig, patsau me kova gar.”

Johanni 20:26

Oun pal orhta divessa his o Yezouseskre mala pale khetne an ko kheer. Oun o voudar his klidedo. Kava kopo his o Thomas pash lende. Ap yek kopo his o Yezous mashkral lende tardo, oun penas: “O Debleskri barht t'mentsa!”

Johanni 20:27

Pal kova penas yob ap o Thomas: “Čip tiro goushto ap mire vasta, oun čip tiro vast an miri rig. Ač gar har yek, kay patsell gar. Pats kanna!”

Johanni 21:1

Pal kova moukas pes o Yezous glan peskre malende pale te dikell, har yon pash o baro pani Tiberias his. Oun kova vas yaake:

Johanni 21:14

Kova his o triinto kopo, kay moukas pes o Yezous glan peskre malende te dikell pal kova, har yob i moulendar djido vas.

Bičepangre 1:3

Pal peskro merepen, djivas lo star-deesh (40) divessa kate ap kay phoub, oun moukas pes lendar te dikell boud kope. Oun čačepah yon dikan, kay hi yob djido. Oun yob rakras lentsa pral o tsiro, kay hi o Devel o ray pral i tsele menshende.

1. Korintarja 15:5

Oun pal kova sikras lo pes o Petreste. Oun pal koleste sikras lo pes peskre deesh-te-douy malende.

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!