Markus 16:1 - O Debleskro Lab 2024 (Sinte-Manouche)

¹ Har o Debleskro dives trouyel his, djan i Maria dran Magdala oun i Maria, koy day o Yakobestar, oun i Salome oun ginan djet, hoy soungella mishto, te makenn le les dren.

O Evangelio Jezus Kristusester pala Markus 1912 (Sinte)

¹ Her ta gejes kome o kurko glanopral, kerden Maria Magdalena, Maria o Jakobester dai, ta Salome hakerlai kova ta gejeslen koi ta makjen les drin.

O Debleskro Drom 2021 (Sinte)

¹ Har o Debleskro diwes trujel his, djan i Maria dran Magdala un i Maria, koi dai o Jakobestar, un i Salome un ginan djet, hoi sungella mishto, te makenn le les dren.

Markus 16:1 ပူးပေါင်းရင်းမြစ်များ

1. Mose 50:2

Oun yob penas ap i dramangre, kay leske boudran, te makenn le leskro dades kouč djeteha dren. Oun kol dramangre makan o Israel kouč djeteha dren.

2. Familjakro liil 16:14

oun vas paskedo an peskri barrengri grufta, hoy moukas yob peske vin te dell an o Davideskro foro. Oun yon čivan les ap i čiben, kay boud lačo soungepaskro koova oun soungepaskro djet dren his, hoy kolla kran, kay hayvan pen mishto koy pre. Oun yon kran i bari yag, te sharenn le les.

Markus 14:3

Oun o Yezous his an o gab Betani, an o Simoneskro kheer. Kova hi ko Simon, kay his les i djoungelo nasslepen ap peskro mass. Har o Yezous kote rhas, vas i djouvel pash leste. Kolat his i toushni an o vast. Koy his djoudjo oun kouč djet dren, kerdo dran ko kasht, hoy kharella Narde. Oun yoy phagas koy toushni pre, oun čoras ko djet ap leskro shero, te makell li les dren.

Markus 14:8

Koya kras, hoy nay kras li, oun makas man kanna dren ko diveske, kay vau paskedo.

Markus 15:40

His ninna djouvya i kotar krik tardo, kay dikan kova lauter. Mashkral lende his i Maria dran o gab Magdala, i Salome oun i Maria, kolakre čave o tikno Yakobo oun o Yoses hi.

Markus 15:42

Har i rati vas glan o Debleskro dives,

Markus 15:47

I Maria dran o gab Magdala oun i Maria, koy day o Yosestar, dikan, kay o Yezous čiddo vas.

Markus 16:2

Sik taysarlake pal o Debleskro dives djan yon pash o moulengro kheer, har o kham pre djas.

Markus 16:8

Oun yon djan dran ko moulengro kheer vin, oun nashan penge. Yon trissan i trashatar oun penan kekeske čomone, yaake baro his lengri daar.

Louka 23:54

Kova his glan o Debleskro dives, har o kham tele djas.

Louka 23:56

Oun yon djan an o foro pale, oun kran kouč djet, hoy mishto soungella, te makenn le les dren. Ap o Debleskro dives kran le kek boudi, yaake har kova pash i biboldende hi.

Louka 24:1

Sik taysarlake, pal o Debleskro dives, lan le kouč djet, hoy yon kokres kran, oun djan pash ko moulengro kheer.

Johanni 19:25

Tel ko troushel, kay o Yezous pre dino his, his leskri day oun kolakri pheen tardo. Ninna i Maria, kolakro rom o Kleopas hi, oun i Maria Magdalena his koy tardo.

Johanni 19:31

His o dives glan o Debleskro dives. Ko Debleskro dives his i baro dives. Doleske kaman i pralstoune bibolde gar, te ačenn i moule ap ko Debleskro dives ap o troushel. Oun yon mangan o Pilatestar, te venn i herya kolendar phagedo, kay ap o troushel dino van, te merenn le sikeder. I bibolde kaman, te lenn le len sik tele.