Markus 13:8 - O Debleskro Lab 2024 (Sinte-Manouche)

⁸ I pralstoune pral bare themma kourenn pen i vavar pralstunentsa. Oun i menshe dran yek them marenn i menshen an i vavar them. Oun kate oun kote vell i phoub trisslemen. Boud menshen hi gar doha te rhal. Kova lauter vella yaake pral i phoub, har i douka venna pral i djouvyate, kay lell i ternepen.

O Evangelio Jezus Kristusester pala Markus 1912 (Sinte)

⁸ Ta veles midžik čel api čel, ta them api them, ta venes phubiakertrisapen, čordopen ta veles. Kava hi o sikederdukhapen.

O Debleskro Drom 2021 (Sinte)

⁸ I pralstune pral bare themma kurenn pen i wawar pralstunentsa. Un i menshe dran jek them marenn i menshen an i wawar them. Un kate un kote well i phub trisslemen. Bud menshen hi gar doha te chal. Kowa lauter wella jaake pral i phub, har i duka wenna pral i djuwjate, kai lell i ternepen.

Markus 13:8 ပူးပေါင်းရင်းမြစ်များ

2. Familjakro liil 15:6

O Devel moukas traash oun hakelay bibarht pral lende te vell. Yaake kouras pes yek them o vavar themeha oun yek foro o vavar foreha.

Debleskri gili 48:6

Yon dikan kova oun lenge ačas o dji tardo. Len tapras i daar oun yon nashan penge.

Jesaja 19:2

Oun me kamau len yek ap o vavareste pre te anell, yaake te marell pes yek phraal o vavareha, yek maal o vavareha, yek foro o vavareha, oun yek them o vavareha.

Jesaja 29:6

vell o baro Devel, o ray pral o bolepen oun i phoub, oun lell t'men vin dran lengre vasta. Yob vella bari golyah oun moukell i phoub trissell. Oun o bolepen dell gole, oun i zorelo dourho phourdell pral i phoub, oun bari yag rhal troul peste.

Jesaja 37:3

Oun yon hounte penan leske: “Kava penell o Hiskiya: Kava dives hi i dives pherdi traash, phagi oun ladj. Hi yaake har penlo vell: O ternepen kamell ap kay phoub te vell, oun i dat hi kek zoor, te anell li les vin.

Jeremia 13:21

Hoy peneh tou, te kamell o baro Devel, te venn kolla ray pral toute, kay an tire yaka tire mala his? I doukatar deh tou gole har i djouvel, kay lell i ternepen.

Jeremia 22:23

Kanna hi tiro baro ray beshdo ap i berga Libanon, oun moukell peske mishto te djal an khera dran cedertikro kasht. Sik vell koy phagi pral leste. Oun palle dell lo gole i doukatar, har i djouvel, kay lell i ternepen.

Jeremia 25:32

O baro Devel, ko ray pral o bolepen oun i phoub penell: Shounenn, Bibarht vell pral yek them pal o vavar. Oun miri rholi hadell pes har i pharo phourdepen, hoy vell foun doural.

Jeremia 4:31

Me shounau i gole, har i djouvyatar, kay lell o ersto kopo i ternepen. Kaya hi koy gole o forestar Sion, kay taprell pal dourho, oun peskre vasta pre hadell, oun gole dell: Me hom nashedo! Kolla venna oun denn man moulo!

Jeremia 49:24

I menshe an Damaskus hi dareno oun nashenn penge. Yon trissenna, oun bari traash oun douka hi an lende, har i djouvyat hi, kay anell i ternepen ap i phoub.

Jeremia 50:43

Te shounell o baro ray an Babilon lendar, perenn leskre vasta ap leskre herya tele. Oun i bari traash vell ap leste har i traash i djouvyatar, kay i ternepen lella.

Jeremia 6:24

Mer shounam lendar, oun mare moussya peran menge tele. Oun i bari traash vas ap mende. Men hi bare douka har i djouvel, kay i ternepen lella.

Haggai 2:22

Oun me vitsrau i beshepangre kol themengre rayendar trouyel oun lau lengri zoor krik. Lengre kourepangre vourdya vitsrau trouyel khetne kolentsa, kay koy pre beshenna. I graya oun i klissepangre merenna. Yek dell o vavares moulo.

Zakarie 14:13

An ko dives krell len o baro Devel yaake daar, te djinenn le bouder gar, hoy le krenn. Hakeno taprell o vavares. Oun yon djan yek ap o vavareste pre.

Mateo 24:8

Kova lauter vella yaake pral i phoub, har i douka venn pral i djouvyate, kay lell i ternepen.

Markus 13:7

An ko tsiro hi kourepen an kol themma, kay hi dour t'mendar oun ninna an kol themma, kay hi gar dour t'mendar. T'mer te shounenn kova, ma trashenn! Kova hounte vell yaake. Ko tsiro, kay i phoub paash djala, vell gar yaake sik.

Markus 13:9

Denn yak ap t'mende! T'mer venn glan i čačepangre anlo, oun rhan dava an i biboldengre kangria. T'mer patsenn ap mande. Doleske anenn le t'men glan i pralstoune oun glan i bare rayende, te rakrenn yon i phagi vin pral t'mende. Te han glan lende tardo, palle nay rakrenn t'mer mandar, te shounenn yon pral mande o čačepen.

Bičepangre 11:28

Yek lendar his o Agabo. Yob stas mashkral i patslende pre, oun penas glan-vi, hoy o Debleskro Dourho leske penas, te vell i bari bok pral i tseli phoub. Oun har o Klaudio o baro ray an o foro Rom his, vas kova yaake.

1. Tessalonikarja 5:3

Te penenn i menshe: “Lauter hi mishto, kek kourepen hi kay, oun men hounte vell kek daar”, palle vell i bibarht pral lende, oun yon nay nashenn gar krik. Koy bibarht vell pral lende yaake sik, har i douka venn pral i djouvyate, kay lell i ternepen.

Debleskro tsiro 6:4

Oun i vavar gray vas vin. Ko gray his lolo har i yag. Oun kova, hoy pre beshdo his, koles vas i zoor dino, te anell lo o kourepen ap i phoub, yaake te marenn pen i menshe. Oun les vas i baro rharo dino.