Markus 13:7 - O Debleskro Lab 2024 (Sinte-Manouche)

⁷ An ko tsiro hi kourepen an kol themma, kay hi dour t'mendar oun ninna an kol themma, kay hi gar dour t'mendar. T'mer te shounenn kova, ma trashenn! Kova hounte vell yaake. Ko tsiro, kay i phoub paash djala, vell gar yaake sik.

O Evangelio Jezus Kristusester pala Markus 1912 (Sinte)

⁷ Tu hunen tume i kurapenester ta i kurapenester krisni, pala daren tume gar; ta kova hunte vel, ta les hi kome gar vri.

O Debleskro Drom 2021 (Sinte)

⁷ An ko tsiro hi kurepen an kol themma, kai hi dur tumendar un ninna an kol themma, kai hi gar dur tumendar. Tumer te shunenn kowa, ma trashenn! Kowa hunte well jaake. Ko tsiro, kai i phub paash djala, well gar jaake sik.

Markus 13:7 ပူးပေါင်းရင်းမြစ်များ

2. Samuel 14:14

Vell o tsiro, kay mer hounte meras halauter. Oun ham har pani, kay ap i phoub čoredo hi, oun hoy nay hadell kek bouder pre i phoubyatar. O Devel kamell gar o djipen krik te lell. Yob kamell gar te ačell kova, kay vas krik tradedo, ninna lestar krik.

Debleskri gili 112:7

Les vell kek daar, te shounell lo, kay čilačo koova vella. Yob dikell peskro tselo djiyeha ap o baro Debleste.

Debleskri gili 27:3

Ninna te venn boud lourde troul mande trouyel, taprell miro dji kek daar. Ninna te djan le an o kourepen khatar mande, hom me pherdo patsepen ap miro baro Debleste.

Gosewe laba 3:25

Tout hounte vell kek daar glan i bibarht, hoy vell sik, vitar gar glan o merepen, hoy vell pral kolende, kay kamenn o Deblestar či te djinell.

Jesaja 8:12

Tou oun kolla, kay ap toute shounenn, ma krenn har kal menshe, kay patsenn, kay lauter phoukepaskro koova hi. Oun ma darenn kolestar, hoy yon darenn! Moukenn t'men koy daryatar gar te taprell!

Jeremia 51:46

Te shounenn t'mer, hoy an o them rakedo vell, nay darans t'mer, oun nay nashrans t'mare djia pengri zoor. Hako bersh vell vavar djoungelo koova rakedo: Bari zoryah djan le ap i tiknende an kava them, oun yek ray djal ap o vavareste.

Mateo 18:7

I bibarht hi kova, kay della ap kay phoub boud koova, hoy anell i menshen ap o čilačo drom. Havo bibarht vell ap koleste, kay anell i vavaren ap o čilačo drom!

Mateo 2:3

Har o baro ray Herodes kova shounas, trashas lo. Oun ninna boud menshe an o foro Yerusalem trashan leha khetne.

Markus 13:6

Koy venna boud morsha, kay penenna: Me hom o Kristo, ko baro ray, kolestar o Devel penas, te vell yob. Oun boud menshe patsenn ap lengro rhorhepen.

Markus 13:8

I pralstoune pral bare themma kourenn pen i vavar pralstunentsa. Oun i menshe dran yek them marenn i menshen an i vavar them. Oun kate oun kote vell i phoub trisslemen. Boud menshen hi gar doha te rhal. Kova lauter vella yaake pral i phoub, har i douka venna pral i djouvyate, kay lell i ternepen.

Johanni 14:1

“T'maro dji hounte trashell gar. Patsenn ap o Debleste oun patsenn ap mande!

Johanni 14:27

Ninna te hom me gar pash t'mende, ačell koy barht, hoy me dom t'men, an t'mare djia. Me dau t'men miri barht. Koy barht nay denn t'men gar i menshe ap kay phoub. Ma trashenn! Ma avenn dareno!

Bičepangre 17:3

Yob sikras lende, kay an o Debleskro lab činlo hi, har ko baro ray, kay o Deblestar vella, hounte las boud douka ap peste, oun stas i moulendar pre. “Oun me penau t'menge,” penas o Paulo, “kava Yezous, kolestar rakrau, kova hi ko baro ray, kolestar o Devel penas, te vell yob.”