Markus 13:11 - O Debleskro Lab 2024 (Sinte-Manouche)

¹¹ Te taprenn le t'men, te anenn le t'men glan i čačepangre, ma darenn, hoy hounte penenna! Ap ko dives, kay han glan lende tardo, sikrell o Devel t'men, hoy te penenn lenge. Kova rakrenna! Ma bistrenn, t'mer han gar kolla, kay rakrenna. Kova hi o Debleskro Dourho, kay dran t'mende rakrella.

O Evangelio Jezus Kristusester pala Markus 1912 (Sinte)

¹¹ Ta dena jon tume prala kome, pala bichen tume gar sikeder, ho mo ta rakerenas tume, foni, ho vel tumen drin delto ani kova kori ho rakerlo; ta gar tume hanes, kai rakerena, les hi o boldo mulo.

O Debleskro Drom 2021 (Sinte)

¹¹ Te taprenn le tumen, te anenn le tumen glan i tchatchepangre, ma darenn, hoi hunte penenna! Ap ko diwes, kai han glan lende tardo, sikrell o Dewel tumen, hoi te penenn lenge. Kowa rakrenna! Ma bistrenn, tumer han gar kolla, kai rakrenna. Kowa hi o Debleskro Ducho, kai dran tumende rakrella.

Markus 13:11 ပူးပေါင်းရင်းမြစ်များ

2. Samuel 23:2

O baro Debleskro dourho rakras dran mande, oun leskre laba hi ap miro čip.

Jesaja 50:4

O baro Devel, miro ray, das man i čip har i siklen yek hi, te djinap, har te rakrap lačes kolentsa, kay khino hi. Taysarlakro djangrell lo mire kanna pre, te shounap har yek, hoy lestar siklo vell.

Mateo 10:17

Denn yak, hoy i menshe t'mentsa krenna! Yon anenn t'men glan i čačepangre, oun moukenn t'men an lengre kangria i čoupniyah dava te dell.

Markus 13:12

An kol divessa phoukrell o phraal ap peskro phraleste, te vell yob maredo. Oun ninna o dad krell kova peskro čaveha. Oun i čave hadenn pen pral pengre dadende oun pral pengre dayende, oun denn len an i vasta kolendar, kay marenn len.

Markus 13:9

Denn yak ap t'mende! T'mer venn glan i čačepangre anlo, oun rhan dava an i biboldengre kangria. T'mer patsenn ap mande. Doleske anenn le t'men glan i pralstoune oun glan i bare rayende, te rakrenn yon i phagi vin pral t'mende. Te han glan lende tardo, palle nay rakrenn t'mer mandar, te shounenn yon pral mande o čačepen.

Louka 21:12

Glan ko tsiro, kay kova lauter vella, lenn yon t'men palla, oun taprenn t'men. Yon anenn t'men glan i čačepangre an i biboldengre kangria oun vitsrenn t'men an o stilepen. T'mer patsenn ap mande. Doleske anenn le t'men glan i bare rayende oun glan i pralstunende, te rakrenn yon i phagi vin pral t'mende.

Johanni 3:27

Koy penas o Yohanni ap lende: “Kek nay lell čomone, te das les o Devel kova gar.

Bičepangre 2:4

Oun yon van lauter pherdo Debleskro Dourho, oun rakran an vavar rakepen. Oun yon rakran ko rakepen, hoy o Debleskro Dourho len das.

Bičepangre 3:13

Na-a! O Devel o Abrahamestar, oun o Isaakestar oun o Yakobestar, ko Devel mare dadendar sikras t'mende kate, havi bari zoor oun raylepen yob peskro boudepaskres, o Yezouses, das. Koles dan t'mer an o Pilateskre vasta, oun dan les bourhoste, har o Pilato kamas les te djal moukell.

Bičepangre 4:31

Ap yek kopo, har yon o Debles an-mangan, trissas i phoub kote, kay yon his. Oun o Debleskro Dourho vas ap lauterende. Oun yon penan o Debleskro lab, oun kek traash his an lende.

Bičepangre 6:10

O Debleskro Dourho das les gosvepen, te nay rakras kek lendar leske pale.

Bičepangre 6:15

Oun kol tsele pralstoune dikan ap o Stefaneste, har leskro mouy vas yaake har i Debleskro bolepaskro.

Bičepangre 7:55

O Stefano, pherdo Debleskro Dourho, dikas an o bolepen pre, oun dikas o Debleskro raylepen oun o Yezouses ap o Debleskri čači rig tardo.

1. Korintarja 2:13

Kava koova penah i menshenge. Kova krah mer gar labentsa, hoy venna dran o menshengro gosvepen. Na-a, mer rakrah kova, hoy o Debleskro Dourho menge penella. Yob krell, te hayvas mer o Debleskro koova, oun sikrah kova kolende, kolen ninna o Debleskro Dourho hi.

Efesarja 3:5

An o phouro tsiro djinan i menshe kova gar. Kanna djinenn les o Debleskre bičepangre oun rakepangre. Lenge čivas les o Debleskro Dourho an o dji.

Jakobo 1:5

Te djinell yek t'mendar gar, hoy o Devel lestar kamella, palle nay mangell lo o Debles, te sikrell yob leste kova. O Devel hi lačo, oun yob dell o djiyestar, ninna te veh tou boud kope pash leste.

1. Petro 1:12

Kol Debleskre rakepangre hayvan, kay kova gar lenge kokres hi, hoy len o Devel sikras. Kova hi t'menge, kay kanna djivenna. T'menge vas o lačo lab o Yezous Kristestar penlo. Kolla, kay penan les t'menge, rakran kova, hoy penas lenge o Debleskro Dourho. Koles bičras o Devel dran o bolepen. Ninna i bolepangre kamenn o Yezouseskro raylepen te dikell.