Markus 12:15 - O Debleskro Lab 2024 (Sinte-Manouche)

¹⁵ Yob hayvas, te rakran le douy čipyentsa, oun penas ap lende: “Hoske kamenn t'mer man mire labentsa te taprell? Anenn mange i roupeni bema, te dikap lat!”

O Evangelio Jezus Kristusester pala Markus 1912 (Sinte)

¹⁵ Job ta prindžerdes lenger chochapen, ta phendes apo lenge: Hoske midžena tume man? Anen mange i nikili kai, ta dikau les.

O Debleskro Drom 2021 (Sinte)

¹⁵ Job haiwas, te rakran le dui tchipjentsa, un penas ap lende: “Hoske kamenn tumer man mire labentsa te taprell? Anenn mange i rupeni bema, te dikap lat!”

Markus 12:15 ပူးပေါင်းရင်းမြစ်များ

Ezekiel 17:2

Tou, mensho, pen i menshenge dran o kheer Israel phare laba, oun pouč lendar, hoy kamenn kolla te penell!

Mateo 20:2

Kolentsa kras yob vin, te dell lo len yek roupeni bema kava diveske. Palle bičras lo len ap peskro kotar them, te boudrenn le leske.

Mateo 22:18

O Yezous hayvas lengro čilačepen oun penas ap lende: “T'mer rakrenn douy čipyentsa. Hoske kamenn t'mer man an mire laba te taprell?

Markus 10:2

Oun i Farisarya van pash leste, oun kaman les leskre labentsa te taprell. Oun yon poučan lestar: “Nay moukell i morsh peskri romyat pal maro čačepen?”

Markus 12:14

Oun yon van pash leste, oun penan: “Sikepaskro, mer djinah, tou peneh o čačepen, oun rakreh kekeske pal o mouy, ninna te hi les boud penepaske. Ava, tou sikreh mishto i menshende o Debleskro drom. Pen menge, hi mishto pal maro čačepen, te das mer o themeskre love o baro rayeste an o foro Rom? Playssras len? Playssras len gar?”

Markus 12:16

Oun yon anan yek. Koy penas yob: “Koneskro shero oun lab hi ap kay bema?” Penan le: “O shero oun o lab o baro rayestar an o foro Rom.”

Louka 20:23

O Yezous djinas, kay yon gosevo hi, oun yob penas ap lende:

Johanni 21:17

O Yezous poučas lestar o triinto kopo: “Simon, tou, o Yohanneskro čavo, kameh tou man o djiyestar?” Koy vas o Petreske ropaske pral kova, kay yob triin kope poučas: Kameh tou man o djiyestar? Oun yob penas: “Ray, tou djineh halauter. Tou djineh, kay me tout kamau o djiyestar.” Penas o Yezous: “De mire bakren te rhal!

Johanni 8:6

Kova poučan le lestar, te nay taprenn le les an leskre laba, yaake te nay anenn le i doosh ap leste pre. O Yezous čivas pes glan tele, oun činas o goushteha an i phoub.

Bičepangre 5:9

O Petro penas ap late: “Hoske kran t'mer kova vin, oun rhorhran o Debles? Kol morsha, kay paskran tiro romes, hi glan o voudar tardo, oun hidjrenn ninna tout vin.”

1. Korintarja 10:9

Ma rhoyrenn o Yezous Kristes, har kolla an o phouro tsiro o Debles rhoyran, har kran le, har te vals les kek zoor. Oun i sapa dandran len. Oun yon meran.

Hebrearja 4:13

O Devel dikella lauter. Či an mende hi khatedo glan leskre yaka. Lauter hi pre čakedo glan leste. Oun leske hounte penas mer halauter, hoy kram.

Debleskro tsiro 2:23

Oun kolakre čaven dau moulo. Palle hayvenn i tsele patsle, te hom me kova, kay halauter prindjrella, hoy i menshen an o shero oun an o dji hi. Oun hakeno, kay čilačo koova kras, kova lell mandar koy phagi pal kova, hoy yob kras.