Markus 12:14 - O Debleskro Lab 2024 (Sinte-Manouche)

¹⁴ Oun yon van pash leste, oun penan: “Sikepaskro, mer djinah, tou peneh o čačepen, oun rakreh kekeske pal o mouy, ninna te hi les boud penepaske. Ava, tou sikreh mishto i menshende o Debleskro drom. Pen menge, hi mishto pal maro čačepen, te das mer o themeskre love o baro rayeste an o foro Rom? Playssras len? Playssras len gar?”

O Evangelio Jezus Kristusester pala Markus 1912 (Sinte)

¹⁴ Kala vejen ta phenden apo leske: Sikerpaskerrai, me džanahas, ta hal tu čačo, ta phučehas kenkes pale, tu ta dikhe gar apo dženenge baro kova, tu ta sikerehe o Devlesker drom ani čačopen. Hi proserdo, o baro krales ta del peske plaiserpen, ta mo den men les gar?

O Debleskro Drom 2021 (Sinte)

¹⁴ Un jon wan pash leste, un penan: “Sikepaskro, mer djinah, tu peneh o tchatchepen, un rakreh kekeske pal o mui, ninna te hi les bud penepaske. Awa, tu sikreh mishto i menshende o Debleskro drom. Pen menge, hi mishto pal maro tchatchepen, te das mer o themeskre lowe o baro rajeste an o foro Rom? Plaissras len? Plaissras len gar?”

Markus 12:14 ပူးပေါင်းရင်းမြစ်များ

2. Familjakro liil 18:13

O Mika penas: “Pash o djido Debleste, me rakrau kokres kol laba, hoy miro Devel mange penell!”

2. Familjakro liil 19:7

Oun kanna rikrenn o baro Debles glan t'mare yaka, rikrenn t'men ap o čačepen oun denn hakeneste peskro čačepen. Ma bistrenn, pash maro baro Debleste hi kek rhorhepen. Oun yob dikell vitar gar ap kova koon glan leste tardo hi. Oun yob moukell pes gar te ginell.

Nehemia 9:37

Oun ko boud koova, hoy i phoub vin anell, lenn kol bare raya, kolla kay tou pral mende čival, har anam doosh ap mende. Oun yon krenn mentsa oun mare firhentsa har yon kamenn. Oun maro djipen hi yaake pharo.

Debleskri gili 120:2

“Baro Devel” penom, “ab oun le man vin dran i vasta kol rhorhenendar, kay douy čipyentsa rakrenna.”

Debleskri gili 55:21

O phoukepaskro djal ap peskro maleste pre oun rikrell gar peskri sovel, hoy das lo leste glan o Debleste.

Jeremia 42:20

T'mer bičran man pash t'maro baro Debleste, oun penan: “Pouč maro baro Deblestar menge, oun pen menge halauter, hoy lo penell, te kras mer kova.” Te shounenn t'mer kanna gar ap leste, anenn t'mer t'men an i bibarht.

Micha 3:8

Man hi i bari zoor. O baro Devel čivas peskro dourho an mande. oun kras miro dji pherdi zoor, te rakrap o čačepen vin, te penap o Yakobeskre čavenge pengri doosh, ava, te sikrap i Israelenge kay le o Debleskro dromestar tele djan.

Mateo 22:16

Oun yon bičran pengre morshen pash leste. Lentsa djan ninna vavar morsha. Kolla his o Herodeskre mala. Oun yon penan ap leste: “Sikepaskro, mer djinah, tou peneh o čačepen, oun sikreh mishto i menshende o Debleskro drom. Tou rakreh kekeske pal o mouy, ninna te hi len boud penepaske.

Mateo 22:17

Pen menge kanna: Hi mishto pal maro čačepen, te das mer o themeskre love o baro rayeste an o foro Rom?”

Markus 12:13

I Farisarya kran pen khetne kolentsa, kay shounenn ap o Herodes, oun bičran morshen pash o Yezouseste, te taprenn le les an peskro rakepen.

Markus 12:15

Yob hayvas, te rakran le douy čipyentsa, oun penas ap lende: “Hoske kamenn t'mer man mire labentsa te taprell? Anenn mange i roupeni bema, te dikap lat!”

Markus 14:45

Oun o Youdas vas pash leste, oun penas: “Mo ray!” oun čoumras les.

Louka 20:22

Pen menge: Hi mishto pal maro čačepen, te das mer o themeskre love o baro rayeste an o foro Rom?”

Louka 23:2

Oun yon anan boud koova ap leste pre, oun penan: “Kava morsh kras mare menshen divyo. Yob penas, te das mer o baro rayeste an o foro Rom bouder kek love. Oun yob penas ninna, kay hi lo o Kristo, ko baro ray, kolestar o Devel penas, te vell yob.”

Johanni 7:18

Koon pral peste mishto rakrella, kova kamella, te vell yob sharedo. Koon kamella, te vell kova sharedo, kay bičras les, kova hi čačo. Oun an leste hi kek čilačepen.

Remarja 13:6

Dran kova denn t'mer ninna kol themeskre love, hoy o themeskre pralstoune t'mendar kamenna. Te mangenn le kol love t'mendar, krenn le koy boudi, hoy o Devel len das.

2. Korintarja 2:17

Boud rakepangre penenn o Debleskro lab, te lenn le i menshenge love lendar tele. Yaake ham mer gar. Mer penah o Debleskro lab čičeske. Kova krah o Yezous Kristeske. Mare laba venna o Deblestar. Oun yob shounell, hoy rakrah.

2. Korintarja 2:2

Me te krau, te vell t'menge ropaske, palle hi mange kek koy, kay krell man pale barhtelo.

2. Korintarja 4:1

O Debles hi i baro dji menge, oun das men kay boudi, te sikras i menshende leskro drom. Doleske vah gar khino, te kras kova.

2. Korintarja 5:11

Mer djinah, har trashas maro rayestar. Doleske rakrah i menshenge an o dji, te patsenn le ap leste. O Devel djinell, te djah mer o čačo drom. Kamoms, te djinenn an t'mare djia kova ninna.

2. Korintarja 5:16

Doleske dikah kanna bouder gar yaake ap i mensheste har an o tsiro, har hams gomme gar patslo. Ninna prindjrah mer o Yezous Kristes kanna vavarčandes har an ko tsiro, har djivas lo ap i phoub.

Galatarja 1:10

Penenn mange, rakrau me kanna yaake, har kamenn i menshe kova te shounell? Na-a! Me rakrau yaake, har o Devel kova kamella. Me kamau gar, te sharenn man i menshe. Te vals kova yaake, voms gar o Yezous Kristeskro boudepaskro.

Galatarja 2:6

Kol phrala, kay hi pralstoune mank i patslende, kolla penan gar, kay kova, hoy me i menshenge penau, gar čačo hi. Te rakrau kol pralstunendar, hi mange yek, hoy yon his. O Devel dikell gar ap kova, har i mensho an-diklo hi.

5. Mose 16:19

Te hal tou i čačepaskro, hounte dess tou koles peskro čačepen, koon an o čačepen hi. Tou dikess gar koy pre, koon glan toute tardo hi. Te dell yek tout kouč koova, te dess tou les čačepen, ma le kova an! Koon savo shoukar kouč koova an-lell, vell korelo o čačepaske, oun dikell bouder gar, koon an o čačepen hi.

1. Tessalonikarja 2:4

Na-a, o Debleske ham moldo, te das lo men koy boudi, te sikras mer i menshende o Yezouseskro drom. Doleske rakrah mer lestar. Kova krah gar, te dikenn i menshe lačes ap mende, na-a, mer kamah, te dikell o Devel lačes ap mende. Yob djinella, hoy an maro dji hi.