Markus 12:10 - O Debleskro Lab 2024 (Sinte-Manouche)

¹⁰ Djinenn t'mer gar, hoy an o Debleskro lab činlo hi? Kote hi tardo: His i bar, kay i boudepangre lestar penan: Kova hi či moldo. Ko bar las o Devel oun čivas les yaake an o kheer, te rikrell lo ko tselo kheer khetne.

O Evangelio Jezus Kristusester pala Markus 1912 (Sinte)

¹⁰ Draverden tu me kava činepen gar? „Kava bar kai prasaden kola dženenge, vejes kana i baro bareske.

O Debleskro Drom 2021 (Sinte)

¹⁰ Djinenn tumer gar, hoi an o Debleskro lab tchinlo hi? Kote hi tardo: His i bar, kai i budepangre lestar penan: Kowa hi tchi moldo. Ko bar las o Dewel un tchiwas les jaake an o kheer, te rikrell lo ko tselo kheer khetne.

Markus 12:10 ပူးပေါင်းရင်းမြစ်များ

Jesaja 28:16

Doleske penell o baro Devel, maro ray: Ap i berga Sion čivau i zorelo bar, ap koleste miro kheer tardo vell. Zorelo oun kouč hi ko bar oun rikrell lauter vin. Ap leste hi tardo: Koon ap mande patsell, nashell peske gar.

Mateo 12:3

Penas lo ap lende: Hoy kras o baro ray David oun peskre mala, har yon bokan? Draveran t'mer kova gar an o Debleskro lab?

Mateo 19:4

Penas lo: “T'mer djinenn, hoy hi an o Debleskro lab činlo: O Devel kras o morshes oun i djouvyat.

Mateo 21:16

oun penan ap leste: “Shouneh tou, hoy kol čave kote penenna?” “Ava,” penas o Yezous ap lende, “me shounau len. Djinenn t'mer gar, hoy an o Debleskro lab činlo hi: Tou, o Devel, kral, te sharenn tout i čave oun i terne.”

Mateo 21:42

Penas o Yezous ap lende: “Djinenn t'mer gar, hoy an o Debleskro lab činlo hi? Kote hi činlo: His i bar, kay i boudepangre lestar penan: Kova hi či moldo. Ko bar las o Devel oun čivas les yaake an o kheer, te rikrell lo ko tselo kheer khetne. O Devel kras kova, oun kova hi i baro koova menge.

Mateo 22:31

An o Debleskro lab hi činlo, te venn i moule djido. Kote penell o Devel:

Markus 12:26

Djinenn t'mer gar, har an o Moseskro liil tardo hi, te venn i moule pale djido. O Devel penas ap o Moseste, har his yob tardo pash o bour, hoy rhačas: Me hom o Abrahameskro Devel oun o Isaakeskro Devel oun o Yakobeskro Devel.

Markus 12:9

Hoy krell kanna ko ray pral ko drakengro them? Yob vella, oun marell kol harhen, oun dell ko drakengro them i vavaren.

Markus 13:14

An o Debleskro lab hi činlo pral koy djoungeli čilači figura. Koon kava draverella, kamaus, te hayvell lo les ninna. Ap ko dives, kay dikenn t'mer koy djoungeli čilači figura kote tardo, kay hounte vell li gar tardo, palle hounte nashenn kolla, kay hi an o them Youdea, sik ap i berge!

Markus 2:25

Penas lo ap lende: “Hoy kras o baro ray David peskre malentsa, har yon bokan? Djinenn t'mer gar, hoy an o Debleskro lab činlo hi?

Louka 6:3

Penas o Yezous: “Draveran t'mer gar an o Debleskro lab, hoy kras o David oun leskre mala, har yon bokan?

Remarja 9:33

An o Debleskro lab hi činlo: Dikenn, me čivau i baro bar an o foro Sion. Pral koleste perenn le, oun ap koleste rhoyrenn le pen. Oun kova, kay ap leste patsella, kova hounte ladjell pes gar glan mande.