Markus 10:21 - O Debleskro Lab 2024 (Sinte-Manouche)

²¹ Oun o Yezous dikas kamles ap leste oun penas: “Yek hounte kress tou boudeder. Bike lauter, hoy tout hi, oun de kol love i čorvelende! Palle hi tout i bravlepen an o bolepen. Oun dja mantsa!”

O Evangelio Jezus Kristusester pala Markus 1912 (Sinte)

²¹ Jezus ta dikhes apo leste, kamjeslo les, ta phendes apo leste: Jek felela tuke; dža koi, bikere lauterho hi tut, ta de len o čorele, pala vei tu i barbalopen ani bolepen; pala vehe, ta dža mange pale.

O Debleskro Drom 2021 (Sinte)

²¹ Un o Jesus dikas kamles ap leste un penas: “Jek hunte kress tu budeder. Bike lauter, hoi tut hi, un de kol lowe i tchorwelende! Palle hi tut i brawlepen an o bolepen. Un dja mantsa!”

Markus 10:21 ပူးပေါင်းရင်းမြစ်များ

1. Mose 34:19

Oun ko terno morsh Sichem nashras kek tsiro, te krell lo kova. Yob kamas koy ča. Oun leskre tsele menshe an leskro dadeskro kheer shounan ap leste.

Gosewe laba 23:23

Mouk touke o čačepen oun o gosvepen boud moldo te vell! Mouk touke hako tsiro čomone te penell, te hayvess lauter mishto.

Mateo 16:24

Palle penas o Yezous ap peskre malende: Koon ap miro drom mantsa djala, kova hounte bistrell, hoy leske kokres mishto hi, oun hounte lell peskro troushel ap peste, oun djal mantsa.

Mateo 19:21

Penas o Yezous ap leste: “Te kameh tou o tselo Debleskro kamlepen te krell, palle bike lauter, hoy tout hi! Oun de kol love i čorvelende! Palle hi tout i bravlepen an o bolepen. Oun am oun dja mantsa!”

Markus 10:22

Kol morshes his boud bravlepen. Har yob kova shounas, doukras les kova. Oun yob djas bibarhteles peske.

Markus 8:34

Palle das o Yezous kol boud menshen pash peste gole, ninna peskre malen, oun penas ap lende: Koon ap miro drom mantsa djala, kova hounte bistrell, hoy leske kokres mishto hi, oun lell peskro troushel ap peste, oun djal mantsa.

Louka 10:42

Dell yek koova, hoy boud moldo hi, oun i Maria hatsas les. Kova vell latar gar krik lino.”

Louka 12:33

Bikrenn, hoy t'men hi! Denn kol love i čorvelende! Palle hi kova yaake, har te krenn t'men i lovengro gono, hoy gar paash djala! Yaake krenn t'menge i baro bravlepen, hoy nashrenn nay gar. Kova hi an o bolepen, kay kek čorepaskro t'maro koova hatsella, oun kek kirme les nay pre rhan!

Louka 16:9

Me penau t'menge: T'mare love ačenna gar. Denn len i čorvelende, te venn le t'mare mala! Te hi kol love boudeder či moldo, palle lenn le t'men kote an i khera dren, kay t'mer hako tsiro nay ačenna.”

Louka 18:22

Har o Yezous kova shounas, penas lo ap leste: “Yek hounte kress tou boudeder. Bike lauter, hoy tout hi, oun de kol love i čorvelende! Palle hi tout i bravlepen an o bolepen. Oun am oun dja mantsa!”

Louka 19:41

Oun har o Yezous pash o foro Yerusalem vas, rovas lo pral i menshende an kava foro,

Louka 9:23

Oun o Yezous penas ap lauterende: “Koon ap miro drom mantsa djala, kova hounte bistrell, hoy leske kokres mishto hi, oun lell peskro troushel hako dives ap peste oun djal mantsa.

Johanni 12:26

Koon kamell mange koy te vell, kova hounte djal mantsa. Kote, kay me hom, hi ninna kova, kay mange koy hi. Kova, kay mange koy hi, vell sharedo miro dadestar.

Johanni 16:33

Kova lauter penom t'menge, te vell t'men i bari barht an o dji pral kova, kay han mire. Kate ap kay phoub hi t'men daar. Ma darenn! Me hom zorleder har halauter ap kay phoub.”

Bičepangre 2:45

Yon bikran kova, hoy len his, i kotar phoub oun vavar kouč koova, oun dan les kol patslende, kay len či his.

2. Korintarja 12:15

T'menge doms me lauter, hoy man hi, ninna miro djipen. Miro dji hi baro t'menge. Hi t'men doleske kek kamlepen mange?

2. Timoteo 3:12

Djiness, lauter kolla, kay patsenn ap o Yezous Kristeste oun kamenn te krenn, hoy yob kamella, venn palla lino.

Hebrearja 10:34

T'mer rovan kolentsa, kay an o stilepen hi. Kolla, kay gar patslo his, lan t'mendar kova krik, hoy t'maro his. Oun i barhtelo djiyeha moukan t'mer len kova te krell. T'mer djinan, kay hi t'men i feteder bravlepen an o bolepen, hoy kek nay lell t'mendar.

Jakobo 2:10

Te rikreh tout ap i tsele laba, hoy an o Moseskre lila činlo hi, oun te kreh tou yek čilačo koova, palle hi kova, har te rikrals tou tout ap či, oun tou leh doosh ap toute.

Debleskro tsiro 2:14

I tikno koova pash t'mende hi gar mishto. Mashkral t'mende hi save menshe, kay djan ap ko drom, koles o Bileam glan i rah tsiro i menshende sikras. Yob sikras o baro rayeste pral o them Moab, – leskro lab his Balak, – har te anell lo nay i Israelitarya ap i čilačo drom. Yaake rhan i Israelitarya ko mass kol firhendar, hoy kol vavar menshe glan pengro debleste anan. Ninna djan le pash vavar djouvyende.

Debleskro tsiro 2:20

Yek koova hi gar mishto pash t'mende. T'mer moukenn koy djouvel Isebel te rakrell, hoy yoy kamella, koya, hoy penell, te hi li o Debleskri rakepaskretsa. Yoy tserdell mire boudepangren o Debleskro dromestar tele oun penell lenge, te nay djan i morsha pash vavar djouvyende, oun i djouvya pash vavar morshende. Ninna penell li lenge, te nay rhan le ko mass, hoy vavar menshe glan pengro debleste anan.

Debleskro tsiro 2:4

Yek koova hi pash t'mende, hoy hi gar mishto: T'mer kamenn man bouder gar o tselo djiyestar, yaake har kova his ap ko tsiro, har t'mer patslo van. T'maro dji moukas man.