Markus 1:41 - O Debleskro Lab 2024 (Sinte-Manouche)

⁴¹ Oun o Yezouses khaytas kova, oun yob čivas peskro vast ap leste, oun penas ap leste: “Me kamau, te vess sasto.”

O Evangelio Jezus Kristusester pala Markus 1912 (Sinte)

⁴¹ O Jezus kaideslo lester, štakerdes lesker vast vri, taperdes les ta phendes les: Me kamaua: Hal sasto!

O Debleskro Drom 2021 (Sinte)

⁴¹ Un o Jesuses khaitas kowa, un job tchiwas peskro wast ap leste, un penas ap leste: “Me kamau, te wess sasto.”

Markus 1:41 ပူးပေါင်းရင်းမြစ်များ

1. Mose 1:3

Oun o Devel penas: “Mou vell dives!” Koy vas dives.

Debleskri gili 33:9

Yob te rakrell, palle vell, hoy yob penas, yaake har lo kova penas, yaake hi kova koy tardo.

Mateo 9:36

Oun har yob kol boud menshen dikas, khaytan le les. Yon his leske har bakre, kay hi len kek bakrengro, kay ap lende garda della. Yon his khino, oun len his bouder kek zoor an lende.

Markus 1:40

I morsh vas pash o Yezouseste. Koles his i djoungelo nasslepen, kay leskro mass tele merella. Yob peras glan leste tele, oun mangas lestar: “Te kameh tou, nay kreh man sasto.”

Markus 1:42

Oun har yob kova penas, djas ko nasslepen lestar, oun yob vas sasto.

Markus 4:39

Oun yob stas pre, oun das ko zorelo dourho trad, oun penas ap ko baro pani: “Ač! Mouk tele!” Oun ko zorelo dourho phourdas bouder gar, oun o baro pani das bouder kek gole.

Markus 5:41

Oun yob tapras kol čat pash o vast, oun penas ap late an peskro rakepen: “Talita kumi!” Kova kharella: Čay, me penau touke, ste pre!

Markus 6:34

Oun o Yezous djas dran o bero vin, oun dikas kol boud menshen. Kolla khaytan les. Yon his har bakre, kay hi len kek bakrengro, kay dell garda ap lende. Oun yob rakras lentsa i rah tsiro.

Hebrearja 1:3

O Debleskro čavo hi raylo oun baro har o Devel. Oun kova, hoy hi o Debles an o dji, hi ninna o čaves an o dji. Dran leskro zorelo lab rikrell lo lauter khetne, hoy yob kras. O Debleskro čavo las mari doosh oun maro čilačepen mendar, oun yob beshas pes ap i čači rig o baro Deblestar an o bolepen.

Hebrearja 2:17

Doleske hounte vas o Yezous an lauter yaake, har leskre phrala, te vell les i baro dji lenge, oun te vell lo lenge i čačo baro rashay glan o Debleste, te mangell lo leskre menshenge, te lell yob i doosh lendar krik.

Hebrearja 4:15

Yob, maro baro rashay, hayvell men mishto, oun djinella, te hi men kek zoor pral o čilačepen. Les kamas o beng ninna o Debleskro dromestar tele te anell, yaake har kamell lo men o Debleskro dromestar tele te anell. Yek koova his an o Yezouseskro djipen vavarčandes har pash mende: Kek čilačepen his an leste.