Markus 1:20 - O Debleskro Lab 2024 (Sinte-Manouche)

²⁰ Har yob len dikas, das lo len gole. Oun yon moukan pengro dades, o Zebedeo, an o bero, khetne kolentsa, kay boudran leske, oun djan o Yezouseha.

O Evangelio Jezus Kristusester pala Markus 1912 (Sinte)

²⁰ Job dejes lenge sik godlo. Jon mekene leskr dad Zebedeus i but kermangerenca ta kandenele les pale.

O Debleskro Drom 2021 (Sinte)

²⁰ Har job len dikas, das lo len gole. Un jon mukan pengro dades, o Zebedeo, an o bero, khetne kolentsa, kai budran leske, un djan o Jesuseha.

Markus 1:20 ပူးပေါင်းရင်းမြစ်များ

1. Rajengro liil 19:20

Oun o Elisa moukas i groumyen, nashas pal o Eliya oun penas: “Mouk man te čoumrap miro dades oun miri day! Pale vau oun djau touke pal.” Kote penas lo ap leste: “Mishto, dja koy! Ma biste, hoy me touke krom.”

Mateo 10:37

Koon kamell peskro dades oun peskri day boudeder har man, hi gar moldo, te vell lo miro maal. Oun koon kamell peskro čaves oun peskri čat boudeder har man, hi gar moldo, te vell lo miro maal.

Markus 1:19

Oun o Yezous djas doureder, oun dikas o Yakobes oun leskro phrales, o Yohanni. Lengro dad hi o Zebedeo. Yon his an o bero beshdo oun kran i mačengre gone tseles.

Markus 1:21

Oun yon djan an o foro Kapernaum. Ap o Debleskro dives djas o Yezous an i biboldengri kangri oun sikras i menshende o Debleskro drom.

Markus 10:29

Oun o Yezous penas: “Čačepah, me penau t'menge: Hakeno, kay moukell mange oun mire labenge peskro kheer, peskre phralen, peskre phenyen, peskri dat, peskro dades, peskre čaven, peskro kotar phoub,

Louka 14:26

“Koon pash mande vella, oun kamell peskro dades, peskri dat, peskri romyat, peskre čaven, peskre phralen, peskre phenyen, oun peskro djipen boudeder har man, kova nay vell gar miro maal.

Louka 5:11

Oun yon anan kol bere ap o them, oun moukan lauter čiddo, oun djan leha.

2. Korintarja 5:16

Doleske dikah kanna bouder gar yaake ap i mensheste har an o tsiro, har hams gomme gar patslo. Ninna prindjrah mer o Yezous Kristes kanna vavarčandes har an ko tsiro, har djivas lo ap i phoub.

5. Mose 33:9

Yon rikran boudeder ap toute har ap pengre dadende oun dayende, pengre phralende oun čavende. Oun dan yak ap tiro lab, oun rikran pen ap koy sovel, hoy tou lentsa dren djal.