Markus 1:14 - O Debleskro Lab 2024 (Sinte-Manouche)

¹⁴ Har o Yohanni stildo vas, djas o Yezous an o them Galilea, oun sikras i menshende o Debleskro drom.

O Evangelio Jezus Kristusester pala Markus 1912 (Sinte)

¹⁴ Ta has Johanes štildo, vejes Jezus pale Galilea, rakerdeslo o evangelio e Devlesker themeste, ta phendes:

O Debleskro Drom 2021 (Sinte)

¹⁴ Har o Johanni stildo was, djas o Jesus an o them Galilea, un sikras i menshende o Debleskro drom.

Markus 1:14 ပူးပေါင်းရင်းမြစ်များ

Mateo 11:2

Ap ko tsiro his o Yohanni an o stilepen. Kote shounas lo, hoy o Yezous Kristo lauter kras. Oun yob bičras peskre malen pash leste,

Mateo 14:2

Oun yob penas ap peskre pralstoune boudepangre: “Kava morsh hi o Yohanni, kova, kay taufras i menshen. Yob stas i moulendar pre. Doleske hi les savi zoor, te nay krell lo ko baro koova.” O Yohanni his moulo. Doleske penas o Herodes kova.

Mateo 4:12

Oun har o Yezous shounas, te vas o Yohanni stildo, djas lo dran o them Youdea vin, oun djas pale an o them Galilea.

Mateo 4:17

Ap ko tsiro penas o Yezous ap i menshende: “Moukenn t'maro čilačo drom, oun djan ap o Debleskro drom! O tsiro vell sik, kay lell o Devel i menshen dran o čilačepen vin.”

Mateo 4:23

Oun yob djas an o tselo them Galilea trouyel, oun rakras an i biboldengre kangria, oun penas i menshenge ko lačo lab, kay o Devel kamell len dran o čilačepen te lell, oun kamell lengro ray te vell. Oun yob kras lauteren sasto, kay mank lende nasselo hi.

Mateo 9:35

Oun o Yezous djas an i forya oun gaba trouyel, oun rakras an i biboldengre kangria, oun penas i menshenge ko lačo lab, kay o Devel kamell len dran o čilačepen te lell, oun kamell lengro ray te vell. Oun yob kras lauteren sasto, kay nasselo hi.

Louka 3:20

Har o Herodes kova shounas, čivas lo o Yohannes an o stilepen, oun anas yaake vavar doosh ap peste.

Louka 8:1

Oun o Yezous djas an i forya oun gaba trouyel, te penell lo i menshenge o lačo lab, kay o Devel kamell len dran o čilačepen vin te lell, oun kamell lengro ray te vell. Leskre deesh-te-douy mala djan leha.

Bičepangre 20:25

Me djom pash boud menshende oun penom lenge, te dell o Devel len pash peste gole, te lell lo len dran o čilačepen vin. Kanna shounenn: Me djinau, kay dikenn t'mer halauter man bouder gar pale.

Bičepangre 28:23

Oun i bibolde oun o Paulo kran penge i dives vin, kay venn le pale khetne an koy kerčima. Har ko dives vas, van boud pash leste. Oun o Paulo penas lenge, te vas ko tsiro, kay o Devel i menshen pash peste gole della, te lell lo len dran o čilačepen vin. Oun yob sikras lende, hoy o Mose oun o Debleskre rakepangre pral o Yezouseste činan. Oun pral kova rakras o Paulo lentsa o tselo dives.

Remarja 1:1

Me, o Paulo, o boudepaskro o Yezous Kristestar, činau kava liil. Yob das man gole, te vap leskro bičepaskro, oun rodas man vin, te sikrap i menshende leskro drom.

Efesarja 2:17

O Yezous Kristo vas, oun sikras lauteren o drom pash o Debleste. T'men, kay t'mer dour o Deblestar hans, oun ninna i bibolden, kay gar dour o Deblestar his, sikras lo ko drom, te djivas mer lauter pash leste khetne.