Maleachi 3:3 - O Debleskro Lab 2024 (Sinte-Manouche)

³ Yob krell har yek, kay krell o roup djoudjo an i yag. Yob krell i rashayen dran o kheer Levi yaake djoudjo, har sonakay oun roup djoudjo kerdo venna. An ko tsiro anenn yon o baro Debleske save firhen, hoy čačo hi glan leskre yaka.

O Debleskro Drom 2021 (Sinte)

³ Job krell har jek, kai krell o rup djudjo an i jag. Job krell i rashajen dran o kheer Levi jaake djudjo, har sonakai un rup djudjo kerdo wenna. An ko tsiro anenn jon o baro Debleske sawe viechen, hoi tchatcho hi glan leskre jaka.

Maleachi 3:3 ပူးပေါင်းရင်းမြစ်များ

Debleskri gili 116:17

Pash toute kamau me man te parkrell, oun tout an-mangell.

Debleskri gili 4:5

Te vell i rholi an t'mende pre, palle anenn kek doosh ap t'mende! Rakrenn an t'mare djia, te han an t'maro čiben čiddo, oun rakrenn kek lab!

Debleskri gili 4:6

Denn kova o Debleste, hoy mishto oun čačo hi! Oun patsenn, te krell o baro Devel lauter mishto!

Debleskri gili 50:14

Kova, hoy toutar kamau, hi, te parkress tout pash mande, tiro Debleste, oun te rikress tiri sovel, hoy dal tou mande, o pralstuneste.

Debleskri gili 50:23

Kova, kay pes pash mande parkrella, hi kova, kay sharell man. Kova hi o drom, kay sikrau leste, har lačo leske hom.”

Debleskri gili 51:19

Kova, hoy tou kameh te vell touke anlo, hi i phagedo dji. Ap i mensheste, kay rovell pral peskri doosh, dikeh tou, miro Devel, lačes.

Debleskri gili 66:10

Tou, maro Devel, kamal te dikell, har maro dji ap toute rikrell. Doleske kral tou mentsa har o roupeha, hoy an yag thodo vell, te vell lo djoudjo.

Gosewe laba 17:3

Yaake har o roup an i yag čiddo vell, oun o sonakay an i bob, yaake lell o baro Devel i menshengre djia an o yak.

Gosewe laba 25:4

Le i čik dran o roup vin, palle nay krell kova, kay boudrell o roupeha, i shoukar čaro kolestar.

Jesaja 1:25

Yerusalem, miro vast hadau ap toute, te dap tout, te rhačap i čik toutar vin, har kova o roupeha kerdo vell, yaake te ačell o lačo roup pale.

Jesaja 48:10

Dik, yaake har roup an i yag čiddo vell, te venn i djoungele barra vin, yaake moukom t'men an phare tsirya te vell, te venn djoudjo mange.

Jesaja 61:6

T'mer venn rashaya o baro Deblestar, oun venn kharedo maro Debleskre boudepangre. Oun ko bravlepen dran vavar themma, koleha moukenn les t'mer t'menge mishto te djal, oun koleha sharenn t'men.

Jeremia 9:7

Lengro rakepen hi har fayle, hoy anenn o merepen. Peskro mouyeha rakrell hakeno kamles, an o dji lourell yob, har te taprell lo o vavares.

Ezekiel 20:38

Kolen, kay mantsa phagan oun mandar tele peran, čivau ap i rig. Ninna te lau len vin dran kol themma, kay le vi-themarya his, vell kek lendar an o them Israel. Palle dikenn oun hayvenn t'mer, te hom me o baro Devel.

Daniel 11:35

Oun mank kol goseve hi save, kay venn maredo, te venn boud vavar zoreles an o patsepen, oun lengre djia djoudjo kerdo o Debleske. Kova djal yaake yek tsireske, bis ko dives vella, kay o tsiro kay phoubyake trouyel hi.

Daniel 12:10

I djia boud menshendar venn djoudjo kerdo oun venn thodo, har sonakay an i yag thodo vell. Oun i čilače krenn doureder o čilačepen. oun hayvenn kava koova gar. Kokres kolla, kay o Debleskro drom prindjrenna, hayvenn ninna kava koova.

Hosea 14:2

Tou Israel, dja pale pash o baro Debleste, ko tiro Devel hi! Koy doosh, hoy ap toute anal, moukas tout an i bibarht te perell.

Zakarie 13:9

Oun kolenge, kay pral ačenn, venn phare tsirya, kay hounte djan le dren, te venn le djoudjo kerdo, yaake har roup oun sonakay djoudjo kerdo vell an i yag. Palle denn le ap mande gole, oun me shounau len. Me penau: Yon hi mire menshe. Oun yon penenn: Tou baro Devel, hal maro Devel.”

4. Mose 8:6

Rode i Levitarya dran i Israelitarya vin, oun kre len erligo mange!

Louka 3:16

Koy penas o Yohanni ap lauterende: “Me čivau t'men an o pani. Yek vella, kova hi zorleder har me. Me hom gar moldo, te krap leskre kirrha pre. Yob čivell o Debleskro Dourho ap t'mende, oun krell t'men djoudjo, har i yag o saster djoudjo krella.

Remarja 12:1

Mire phrala, o Devel hi kamlo ap t'mende. Doleske mangau t'men o tselo djiyestar: Djivenn t'maro djipen o Debleske, oun venn leske kokres koy, yaake te vell o Devel barhtelo pral t'mende. Te djivenn t'mer yaake, sharenn t'mer les. Oun kova hi t'mari boudi.

Remarja 15:16

Yob bičras man, te boudrap o Yezous Kristeske oun te djap pash kolende, kay kek bibolde hi, te sikrap len o Debleskro drom. Yaake hom har i rashay, kay anell kol menshen, kay kek bibolde hi, pash o Debleste. Oun o Devel dell len peskro Dourho, te venn le leskro. Oun yob dikell lačes ap lende.

Filiparja 2:17

Me anom t'men ap o Debleskro drom. Doleske hom me glan leste tardo har i rashay, kay anell leske t'maro patsepen. Ninna te meroms pash miri boudi o Yezous Kristeske, hom me kanna barhtelo t'mentsa khetne pral t'maro patsepen.

Filiparja 4:18

Kanna hi man lauter, hoy man hounte vell djipaske, oun boudeder har doha. O Epafrodito anas mange kova lauter, hoy t'mer mange bičran. Kova hi yaake, har te anans t'mer o Debleske lačo koova, hoy soungell mishto, oun kay dikell lo lačes pre oun hi barhtelo pral kova.

2. Timoteo 4:6

Miro djipen hi har i pipen, hoy vell vin čoredo o Debleske. O tsiro vas, kay hounte merap.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Hebrearja 12:10

Mare dada ap i phoub dan men i phagi, hoy doukas men i tikno tsiro, yaake har yon penan penge, te hi kova menge mishto. O Devel, te dell lo men i phagi, hi kova čačepah menge mishto. Yob kamell, te vas mer lačo oun čačo, yaake har yob hi.

1. Petro 1:7

Kova vella pral t'mende, te vell t'maro patsepen zorelo. Yaake har o sonakay an i yag djoudjo oun kouč kerdo vella, yaake hounte vell t'maro patsepen ninna djoudjo oun kouč kerdo. T'maro patsepen hi boudeder moldo har o sonakay, hoy ačell gar. Te ačell t'maro patsepen zorelo, palle sharell t'men o Devel oun krell t'men bares oun rayles ap ko dives, kay vell o Yezous Kristo pale.

1. Petro 2:5

Ninna t'mer han save djide barra. T'mentsa kamell o Devel peskro kheer pre te čivell. Yob rodas t'men vin, te venn t'mer leskre rashaya, oun te venn leske koy. An t'mende das o Yezous Kristo peskro Dourho. Doleske nay sharenn o Debles yaake, har yob kova kamella.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.

Debleskro tsiro 1:6

Yob kras men raya oun rashaya o Debleske, peskro dadeske. Leske hi o raylepen oun i zoor kanna oun hako tsireske! Amen.

Debleskro tsiro 3:18

Doleske penau t'menge: Ginenn mandar sonakay, savo sonakay, hoy an i yag thodo vas, yaake te venn t'mer čačepah bravelo. Ginenn mandar ninna parne ripya, oun rivenn kolla ap t'mende, te han bouder gar nango, oun hounte ladjenn t'men bouder gar. Oun ginenn kouč djet, oun makenn t'mare yaka, te nay dikenn pale!

Debleskro tsiro 5:10

Oun tou kreh lendar raya oun rashaya maro Debleske. Oun yon venn raya pral i tseli phoub.