Maleachi 2:8 - O Debleskro Lab 2024 (Sinte-Manouche)

⁸ T'mer rashaya nashan miro dromestar ap i vavar drom. Oun boud menshe peran t'mentsa miro dromestar tele. T'mer sikran lende bouder gar o čačo drom, oun phagan ko lab, hoy me i Levitarentsa vin krom. Doleske penau me, o baro Devel, ko ray pral o bolepen oun i phoub:

O Debleskro Drom 2021 (Sinte)

⁸ Tumer rashaja nashan miro dromestar ap i wawar drom. Un bud menshe peran tumentsa miro dromestar tele. Tumer sikran lende buder gar o tchatcho drom, un phagan ko lab, hoi me i Levitarentsa win krom. Doleske penau me, o baro Dewel, ko rai pral o bolepen un i phub:

Maleachi 2:8 ပူးပေါင်းရင်းမြစ်များ

2. Rajengro liil 16:11

Oun o rashay Ouriya kras savi rhačepaskri har les kol bičepangre sikran, kolen o baro ray Ahas dran Damaskus pash leste bičras. Oun koy rhačepaskri his kerdo, har o baro ray Ahas dran o foro Damaskus pale vas.

Nehemia 13:29

Miro Devel, ma biste, kay anan yon ladj ap o rashayeskri boudi, oun rikran pen gar ap ko lab, hoy tou i rashayentsa oun i Levitarentsa vin kral.

Debleskri gili 119:102

Me krau pal tire čačepaskre laba. Tou hals miro sikepaskro.

Debleskri gili 18:21

O baro Devel djinas, te homs an o čačepen tardo. Doleske kras lo mange lačepen. Kek doosh his ap mande. Doleske his lo mange lačo.

Gosewe laba 12:8

Kones gosevo koova an o shero hi, kova vell sharedo. Kones dinelo koova an o shero hi, ap koleste dikenn le tele.

Jesaja 30:11

Djan tele t'maro dromestar! Moukenn o čačo drom! Penenn menge bouder gar, hoy o Israeleskro Devel penell.”

Jesaja 59:13

Mer phagam maro baro Debleha, djivam har te prindjrams les gar, oun peram lestar tele. Kram i vavaren tiknes maro rakepah, oun phoukram ap lende. Lam men rhorhepen glan oun rakram rhorhepen.

Jesaja 9:16

Doleske nay vell o Devel gar barhtelo pral lengre terne morshende, oun les nay hi kek dji kol čavenge, kolen kek dad bouder hi, ninna kol djouvyenge, kolengre romma meran. Yon halauter peran o Debleskro dromestar tele, kran čilačo koova, oun rakrenn pen dinlepen khetne. Pral kova lauter moukell o Debleskri rholi lendar gar tele, oun leskro vast ačell pre hadedo, te dell lo len i phagi.

Jeremia 17:13

Tou, baro Devel, hal kova, ap koleste i Israelitarya dikenn. Pral halauterende, kay moukan tout, vell ladj. Oun kolla, kay djan toutar krik, kolengre laba venn bistedo har te vans le činlo an i čik. Yon moukan tout, o baro Debles, kova, kay hi har i kvella, dran kolate djido pani vell.

Jeremia 17:5

O baro Devel penell: Praasedo vell ko morsh, kay moukell man, o baro Debles, oun rikrell pes ap i menshende, oun poučell lendar, te venn le ap leskri rig.

Jeremia 18:15

har mire menshe man bistran. Yon anenn firhen oun soungepaskro koova kol deblenge, kay kek hi. Kolla anan len o phoureder drom tele, oun moukenn len ap i djoungele dromma te djal.

Jeremia 2:8

T'mare rashaya poučan gar: Kay hi o baro Devel? Har penan le i menshenge, hoy te krenn le, rikran le pen gar ap mire laba. Oun kol pralstoune pral mire menshende hadan pen pral mande, oun shounan bouder gar ap mande. Oun mire rakepangre, kay hounte penans mire laba doureder, rakran an o lab ko rhorheno deblestar Baal, oun mangan figuren an, kay kek devel hi.

Ezekiel 22:26

Tire rashaya rissrenn mire laba trouyel. Oun krenn kova pale-čiddo, hoy mange hi. Kova, hoy mange dino vas, hi lenge gar boudeder moldo har hako vavar koova. I vavar menshenge sikrenn le gar, hoy pale-čiddo oun hoy gar pale-čiddo hi. Oun yon pandenn pengre yaka, te venn o Debleskre divessa gar dren rikedo. Yaake krenn le, te vap me bouder gar sharedo.

Ezekiel 44:10

Har i Israelitarya mange o doumo sikran, oun vavar deblenge palla nashan, koy djan ninna i Levitarya mandar krik. Kanna hounte hidjrenn le pengri phagi.

Ezekiel 44:12

Bis kava dives anan le firhen lenge glan lengre rhorhene deblende, oun kran yaake, te peran i Israelitarya miro dromestar tele. Doleske hadom miro vast oun dom man sovel, te dap len pengri phagi. Kava penell o baro Devel, maro ray.

Ezekiel 44:7

T'mer moukan vavar menshen an miro kheer dren, saven kolengro dji gar mange hi, oun kay hi gar činlo ap pengro mass. Yaake kran, te vas miro kheer pale-čiddo. Yon his koy pashel, har anan t'mer rhapen oun thulepen oun rat glan mande. Yaake phagan t'mer, hoy mer vin kram. Koy pashel vell kava tselo djoungelo kova, hoy kran.

Hosea 4:6

Mire menshe prindjrenn o čačo drom gar. Doleske djan le tele. T'mer kaman lenge gar miro drom te sikrell. Doleske kamau me t'mendar vitar či te djinell. T'mer han bouder gar mire rashaya. T'mer bistran miro drom. Doleske bistrau t'mare čaven.

3. Mose 21:15

Kova hounte krell lo, te lell lo gar čave, kay pale-čiddo vans. Me hom o baro Devel, oun rodom les mange vin, te vell lo miro rashay.

Zefanja 3:4

Lengre dikepangre krenn, har te vell či, oun hi pherdo rhorhepen. Lengre rashaya krenn savo koova, hoy krell o Debleskro kheer pale-čiddo, oun penenn o Debleskro lab gar čačes doureder.

Maleachi 1:6

O baro Devel, ko ray pral o bolepen oun i phoub, penell: I čavo hounte hadell peskro dades, oun i boudepaskro hounte dikell pre ap peskro rayeste. Me hom t'maro dad – hoske hadenn man gar? Me hom t'maro ray – hoske dikenn gar pre ap mande? T'mer rashaya, t'mer dikenn tele ap mande. Oun t'mer poučenn: Hoy kram, kay peneh tumer dikan tele ap mande?

Maleachi 2:5

Lentsa krom vin, te dap len djipen oun lačepen, oun yon hadan man. An kol divessa shounan le ap mande, oun len his traash mandar.

4. Mose 25:12

Doleske pen leske: Dik, me kamau touha vin te krell, te vas mer mala,

4. Mose 25:13

oun doleske vess tou oun tire čave pal toute hako tsireske mire rashaya. Tiro dji rhačas tiro Debleske oun tou kral, te vas kol Israelenge i doosh krik lino.”

Remarja 14:21

Hi feteder, te rhah tou kek mass oun te piyeh tou kek mool oun kreh či, hoy anell tiro phrales o Debleskro dromestar tele.

Hebrearja 3:12

Mire phrala, denn yak ap t'mare djia, te moukell kek t'mendar peskro patsepen, oun kamell o djido Deblestar bouder či te djinell.

1. Samuel 2:17

Oun koy doosh, hoy kol terne morsha ap pende anan, his baro glan o baro Debleste. Lenge his kova či moldo, hoy o baro Debleske anlo vas.

1. Samuel 2:24

Kova, hoy pral t'mende penlo vell mank o baro Debleskre menshende, hi gar mishto. Kanna moukenn kova!

1. Samuel 2:30

Doleske penell o baro Devel, kay o Israeleskro Devel hi: Čačepah, me penom, te venn i morsha dran tiro kheer oun dran tiro dadeskro kheer hako tsireske rashaya glan mande. Kanna penau, kova kamau bouder gar. Me krau kolen baro, kay man bares krenna. Oun kova, kay ap mande či della, ap koleste vell vitar či dino.