Maleachi 2:1 - O Debleskro Lab 2024 (Sinte-Manouche)

^1-2 O baro Devel, ko ray pral o bolepen oun i phoub, penell ap i rashayende: Oun kanna, t'mer rashaya, kava lab hi t'menge: Hadenn man oun krenn, hoy t'mendar kamau. Te kamenn gar te shounell, hoy t'menge penau, palle čivau i praasepen ap t'mende oun bičrau t'menge bibarht. Oun koy barht, hoy ap t'mende čiddo hi, vell i bibarht. Čačepah, o praasepen hi ap t'mende čiddo doleske, kay lan gar ap t'mare djia, hoy t'menge penom.

O Debleskro Drom 2021 (Sinte)

^1-2 O baro Dewel, ko rai pral o bolepen un i phub, penell ap i rashajende: Un kanna, tumer rashaja, kau lab hi tumenge: Hadenn man un krenn, hoi tumendar kamau. Te kamenn gar te shunell, hoi tumenge penau, palle tchiwau i praassepen ap tumende un bitchrau tumenge bibacht. Un koi bacht, hoi ap tumende tchiddo hi, well i bibacht. Tchatchepah, o praassepen hi ap tumende tchiddo doleske, kai lan gar ap tumare djia, hoi tumenge penom.

Maleachi 2:1 ပူးပေါင်းရင်းမြစ်များ

Jeremia 13:13

Palle pen lenge: Kova penell o baro Devel: Me kamau lauteren mato te krell, kay djivenn an kava them: kol bare rayen, kay ap o Davideskri beshepaskri beshdo hi, i rashayen oun o Debleskre rakepangren oun i tsele menshen, kay djivenn an o foro Yerusalem.

Ropaskre gilja 4:13

Kova vas pral o foro koy doshake, hoy o Debleskre rakepangre oun i rashaya ap pende anan. Yon moukan kote save menshen te marell, kay kek čilačepen kran.

Hosea 5:1

T'mer rashaya, shounenn kova! Oun denn garda, t'mer dran o kheer Israel! Ninna t'mer dran o baro rayeskro kheer, shounenn kal laba! T'mer hounte dans yak, te vell o čačepen kerdo. Oun t'mer anan i menshen yaake dour, te mangenn le rhorhene deblen an. Lenge van t'mer har pandle dorya, hoy yek vin čivas an o foro Mispa, oun har i netsa, koleha yek čirklen taprell ap i berga Tabor.

Maleachi 1:14

Praasedo te vell hakeno, kay pes sovel das, te dell lo man i lačo morsh firho. Oun palle rhorhell lo man oun anell mange i nasselo firhes. Me hom o pralstouno ray, oun i menshe dran vavar themma sharenn man, penell o baro Devel, ko ray pral o bolepen oun i phoub.

Maleachi 1:6

O baro Devel, ko ray pral o bolepen oun i phoub, penell: I čavo hounte hadell peskro dades, oun i boudepaskro hounte dikell pre ap peskro rayeste. Me hom t'maro dad – hoske hadenn man gar? Me hom t'maro ray – hoske dikenn gar pre ap mande? T'mer rashaya, t'mer dikenn tele ap mande. Oun t'mer poučenn: Hoy kram, kay peneh tumer dikan tele ap mande?